2018年1月24日 星期三

產品上寫冇酒精就可安心使用嗎?

CLEAN Blog - 產品上寫冇酒精就可安心使用嗎?

如果有睇開我地既 Blog都會了解CLEAN係嚮往『原美』既理念,意思係保持原來的自然美,所以我地會不斷分享一d文章如健康飲食,個人護理,護膚方法等,除左以上文章,我地亦會非常重視分享化妝品或護膚品既成份解碼,因為我地既身體除左會吸收所進食既食物外,其實皮膚亦會吸收我地所搽既成份哦,如果您用緊既產品含有化學物或其他有害物質,咁皮膚亦會將該成份吸收並沉澱係皮膚底層。日積月累,咁有機會造成皮膚敏感,膚色暗啞,暗瘡暗粒,急速老化等問題,所以購買化妝品或護膚品前要多留意產品成份標籤哦。

而其中一種會較影響皮膚既成份就係酒精,因為有學術論文已證實長期使用含酒精類成份既護膚品對皮膚具有刺激性,有機會損害皮膚導致乾燥,過敏,水油不平衡,發炎和造成自由基損害既情況。

咁係咪選擇一d產品標榜住『不含酒精』就得啦?
  • 唔係,雖然標榜住『不含酒精』,但其實都仲含有酒精成份架。
咁點解可以標榜住『不含酒精』架?
  • 原因係『酒精』一詞只係一個統稱,但酒精既名稱和分類眾多,而護膚品既成份裏面可被稱為『酒精』既只有『乙醇』,所以只要不含『乙醇』既話,該產品就可以標榜住不含『酒精』,至於護膚品含有既『酒精』成份就會用其他化學名稱黎代替比如甲醇,異丙醇,十八醇等
以下列出一般含有較高刺激性既酒精成份,作用通常係抗菌,防腐及溶劑等,如果係成份標籤上見到呢D名稱既話就要避免使用哦:
  • SD Alcohol 變性酒精
  • Benzyl Alcohol苯甲醇
  • Ethanol 乙醇
  • Ethyl Alcohol 乙醇
  • Methanol 甲醇
  • Isopropyl Alcohol 異丙醇
  • Alcohol Denat 變性酒精
  • Isopropanol 異丙醇
如果英文寫住Alcohol就係酒精?

咁又唔係全部成份寫住Alcohol就等於係酒精,以下列出幾種雖然寫住Alcohol但其實唔係酒精,反而係保濕劑哦:
  • Cetyl Alcohol鯨蠟醇
  • Cetearyl Alcohol棕櫚醇
  • Stearyl Alcohol硬脂醇
  • Lanolin Alcohol羊毛脂醇
如果想查詢更多成份或想做個免費皮膚測試,歡迎用以下任何一種聯絡方式聯絡我們哦:

2018年1月21日 星期日

點解搽完面有擦膠碎?

CLEAN Blog - 點解搽完面有擦膠碎?

大家有無試過換左D護膚品或化妝品後,發現搽完該產品後皮膚表面會出現左D類似擦膠碎既嘢係面上,點解會有呢個情況出現?係產品有問題定係皮膚唔吸收呢?想知道就繼續閱讀落去啦。

以下係最常見會出現有擦紙膠碎既原因:

  • 皮膚角質過厚,產品難以吸收。
  • 搽產品時搽得唔夠均勻,皮膚吸收唔晒。
  • 使用不同品牌既產品,而該產品既水份分子結構唔同。
  • 如產品含果酸成份
  • 係化妝前用咗D 啫哩狀既產品,成份中含有高分子膠質,如CARBOPOL,COBOMER,ACRYLATES / C10-30 ALKYL ACRYLATE CROSSPOLYMER
  • 產品成份中含有水性膠質(如高純度透明質酸)

如何避免有擦膠碎問題

  • 上妝前避免用gel狀護膚品,最好要揀番cream或lotion狀。
  • 搽完護膚品待數分鐘才開始化妝,這樣才能讓皮膚有充足時間吸收護膚品中既成分。
  • 如果皮膚表面有多餘護膚品殘留,亦應該先用紙巾印走,以免護膚品與底妝產品混作一團,影響妝效。
  • 控制搽護膚品既份量,過多既份量皮膚唔能夠完全吸收。
  • 避免疊加太多不同品牌既產品,不同品牌既分子結構不一,容易產生擦膠碎問題。
  • 搽含有透明質酸既產品時,使用往外既手法推開搽,不要來回、不要打圈。
  • 定期去角質,以確保皮膚能有效吸收護膚品。
  • 有機護膚品既製作過程從原料和配方會與一般護膚品有不同,因此搭配使用時可能會產生擦膠碎。

如果覺得皮膚過乾或角質太厚,可考慮進行高效注滲面部護理療程或果酸換膚療程哦,我地中心為第一次光臨既顧客提供一次半價療程試做,可在旁邊既連結登記哦,除此亦歡迎用以下方式聯絡我們預約先做一次免費皮膚分析哦。:http://www.cleanskincare.com.hk/zh/trial.html
Our website: www.cleanskincare.com.hk
Facebook: PM
Mail: info@cleanskincare.com.hk
Tel: 2628 3242
What's app: 9843 8821
We Chat: cleanskincare
Line: cleanskincare

2018年1月20日 星期六

請支持冇動物測試的產品


CLEAN 環保 - 請支持冇動物測試的產品

相信化妝對女士黎講係不可缺少既事,而唔同嘅化妝品牌都會經常推出一d新嘅顏色同包裝黎吸引消費者不斷購買,但廠商們一般為左避免新產品會令消費者產生敏感或其他不良反應,所以係研究製造呢d新嘅產品配方既時候,有機會利用到動物測試作為研究黎獲得相關認證,但購買呢種有經過動物測試既產品前不如先一齊了解下到底有冇呢個需要?而動物們究竟要經過乜野既測試呢?

平時一般買到嘅日常用品如:化妝品,護膚品,洗頭水,沐浴用品等,甚至乎一d家居清潔用品都有機會要經過動物測試,原因係產品公司推出新產品前,要先衡量人體長期使用同接觸嘅情況下而進行既測試,但為了必須確保產品唔會帶有刺激性,毒性以及令身體皮膚出現異常嘅反應先可推出,所以一般製造廠都會以動物實驗來證實安全測試並獲得相關認証,然後先再推出市面上.

雖然世界上有多個國家立法禁止化妝品作為全部或部份動物測試,但根據每年統計預算,仍然約有數十萬隻動物作為化妝品同其他原材料進行測試既『被測試品』,而現時中國使用實驗動物總量位於世界前列,因為中國政府係必須要通過動物測試後,產品先可進口或在當地進行買賣.

其實從1944年已經為人類產品而進行動物測試,較為多人認識既測試就係『德萊茲 (Draize)測試』,主要係用黎衡量產品對人類嘅眼睛同埋皮膚嘅刺激程度,一般係利用白兔同埋白老鼠做測試動物多,而測試分別為3個方式:

  1. 眼睛刺激性測試:方法係將測試物(包括:化妝品,洗頭水,沐浴用品等)直接強迫滴入白兔眼睛再緊閉,原因係兔子既眼睛比人類更為敏感,所以如果兔子既眼睛冇出現過敏,咁就會被認為安全,但進行測試時期約長達十幾日不等,實驗過程中,唔單止會被鎖住同綁起,而且受到痛苦掙扎,最後眼睛已被傷害到不適合再作測試後就會『被安樂死』.
  2. 皮膚刺激性測試:作用係觀察該種產品成份會否對人類皮膚引致任何不良反應而進行測試,過程要先將動物嘅毛剃光,然後搽上測試物質,同樣都需要時期約長達十幾日多,而實驗中嘅動物有機會引發皮膚發炎而造成傷口潰爛情況.
  3. 半數致死量測試,(LD50-Median Lethal Dose):係一種測試該物質有無毒既標準實驗,基本上每種測試都會利用到過百隻動物進行,方法係強迫餵食或者直接用吸管插入胃中,亦可能用皮下注射或強迫性吸入嘅方式進行測試,最後該動物會產生唔同既病症直到一半嘅動物死亡後,實驗先會結束,所以稱為 Lethal Dose 50% ( LD50).

以上所有經過測試嘅動物都唔會得到任何嘅醫療同埋照顧,而且實驗完結之後,冇論健康與否,全部都會全部被安樂死.

其實而家呢個科技昌明既年代,世界上已經有唔少既科學家已經研究出取代動物測試產品嘅方法,而且更有報告指出,人類同白兔嘅眼睛構造唔相似,而動物同我地人類嘅皮膚組織亦都唔一樣,所以其實測試方法未必能達到可靠同埋準確嘅程度,不如我地大家換個角度諗諗點解要動物去受種種測試,然後要用佢地既生命黎換取一個商品既認証呢?其實市面上有某d產品都係冇經過動物測試而亦會有標籤註明,所以希望大家一齊支持用冇動物測試嘅產品,為愛惜動物既生命而作出一點點力。

2018年1月17日 星期三

感冒需要食葯嗎?

CLEAN Blog - 感冒需要食葯嗎?

最近天氣反常,係街上或交通工具裡常聽到咳嗽或打噴嚏聲音,再加上聽朋友或家人都話自己最近感冒了,所以大家都做好預防準備對抗病菌呀.但如果真係被感染了,咁睇醫生食葯好d定買成葯食好d呢?另外亦有資料顯示係可以不葯痊癒?

其實感冒係由多種病菌而引起,研究顯示有超過200種既病菌係同感冒有關,一般症狀有:咳,打噴嚏,流鼻水 / 鼻涕,鼻塞,喉嚨痛,有痰,頭痛,肌肉酸痛等等..而呢d症狀係因為體內既免疫系統作出防衛下既反應而產生,並唔係因為d病菌所產生既.

由於以上既症狀會令到自己感到辛苦,疲勞,集中唔到精神,呼吸受影響,水腫等等,所以大部份人都會選擇食葯,希望能夠快d痊癒,但市面既葯物一般只係能夠舒服症狀如減輕頭痛,收鼻水等等,而葯物主要係抑壓或暫時改變身體某部份神經或機能黎減輕該症狀,所以大部份既葯物都有機會產生後遺症.

其實香港衛生署既葯物辦公室網站內已明確指出傷風並沒有治本既藥物,另外根據在網上搜尋到既資料亦顯示傷風並沒有治本既藥物,原因係唔知道從200種既病菌裡究竟係其中邊種病菌而引致感冒,再者其實一般感冒係7至10日內係會自我痊癒(當然個別嚴重情況除外).

所以係病發期間可以做以下事項有助加快痊癒,但如果發現有惡化既跡象或持續冇好轉就要盡快求診哦,係日常保持適量運動,有均衡飲食,有足夠睡眠,咁身體就會又強壯又可以抵抗病菌啦:
  • 每日進食含維他命c食物可增強抵抗力和對抗發炎情況,如橙,奇異果,士多啤梨等等,或補健品如卡呣卡呣 (camu camu)或西印度櫻桃(acerola cherry)等等.
  • 不需刻意多飲水,根據美國醫學研究(Institute of Medicine),每日女士應飲約2公升既水,而男士約3公升,但病發期間並唔建議特別飲過多既水(發燒除外),因為英國醫學會會刊既研究報告指出感冒時身體會釋放出大量既保水性荷爾蒙,所以飲過多既水只會引起水分過剩,令體內電解質失衡,有機會造成低鈉血症,所以飲足夠就可以喇.
  • 多睡覺多休息可加速細胞修復,補充體力回復抵抗力.

2018年1月12日 星期五

凹凸洞射頻療程Q&A

CLEAN BLOG - 凹凸洞射頻療程Q&A

顧客有凹凸洞既問題想進行射頻療程黎改善,又或者黎緊想試做納米分段式射頻療程,而一般常會問到和查詢到既Q&A和療程細節,例如downtime(收復期)要幾耐?效果明顯嗎?要做幾多次?療程前後有d咩要注意呀。。。等等,為左令大家有更清晰既資訊,所以今次呢篇集合咗大部份既問題同答案黎分享俾大家作參考:

問:CLEAN SKINCARE做凹凸洞射頻療程用什麼儀器?
  • 答:VENUS VIVA 納米分段式射頻醫學儀器
問:什麼是分段式射頻?
  • 答:分段式射頻其實係電流既一種,主要係利用機頭將熱能(約50 – 60度)滲透到皮膚深處(脂肪層)並深層刺激骨膠原,令膠原蛋白快速倍數地增生及纖維重組,達到從內至外地修復凹陷的皮膚,而且療程過程中主要係利用射頻能量製造微創,所以只需短暫既恢復時間(約1-3天),令治療後皮膚泛紅既時間大大縮短.
問:做凹凸洞射頻療程會痛嗎?
  • 答:做既過程中其實唔痛,但做完後皮膚會有小小不適,有熱和繃緊既感覺,但大約維持當天1-2小時後會退去.
問:做凹凸洞射頻療程後皮膚會好紅嗎?
  • 答:做完療程後皮膚局部位置會較紅,但當天夜晚已減退一半,之後會繼續每日減少,但都係只會大約維持1-2天有微紅.
問:做凹凸洞射頻療程後皮膚會結痂或脫皮嗎?
  • 答:治療後24-72小時內會形成表皮有一點點褐色既輕微結痂,但好微細,一般肉眼難以察覺,摸上面有小小粗糙感,大約3-5天會退掉.
問:凹凸洞射頻療程要做幾多次先有效?
  • 答:一般每次治療後約1-2星期後會見到凹凸洞既位置開始改善,約4-6次會見到皮膚有明顯效果.
問:凹凸洞射頻療程要幾耐做一次?
  • 答:約4星期左右
問:做完凹凸洞射頻療程可以化妝嗎?
  • 答:做完當天不能化妝,但第2天開始可以化妝.
問:做完凹凸洞射頻療程係咪唔可以曬太陽?
  • 答:避開做療程前後5天唔好曬太陽就可以了,其餘時間如有戶外活動會曬太陽,只要做好防曬大約每2-3小時補搽物理性防曬產品就可以哦.
問:做凹凸洞射頻療程期間要注意用既護膚品?
  • 答1:療程後每天出門前都要搽上物理性防曬,保護皮膚免受紫外線入侵真皮層,紫外線會減少膠原蛋白增生和破壞膠原纖維組織,使凹凸洞皮膚變差.
  • 答2:療程後5天都用CLEAN SKINCARE提供既低刺激性成份護膚產品 (如潔面啫喱、爽膚水、面霜).
  • 答3:療程後5天後要多用保濕產品,當皮膚有足夠既保濕度可增強皮膚既新陳代謝,有效地增生膠原蛋白及重組膠原纖維,使凹凸洞皮膚變回平復緊緻.
  • 答4:避免使用任何刺激性產品,如含有美白,酒精和果酸等感光成份,避免增加皮膚會產生反黑既風險.
如果大家想了解自己既皮膚狀況或想知道更多有關納米點陣式射頻療程,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次30% off既納米點陣式射頻療程試做,可在旁邊既連結了解更多和登記哦:www.cleanskincare.com.hk/zh/rf.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年1月9日 星期二

用有氣嘅水洗面好d嗎?

CLEAN Blog - 用有氣嘅水洗面好d嗎?

較早前日本同韓國都係網上流傳用有汽既水(梳打水或又名碳酸水)用黎洗面,而韓國有某些明星都同樣話用咗有汽既水黎洗面會令皮膚變得白滑d,後來市面就推出一D關於碳酸嘅產品,例如:碳酸洗面粉,碳酸面膜等等,究竟用碳酸水洗面對皮膚有好處嗎?真係會令皮膚會好d咩?

碳酸水既化學公式為H2CO3,其實就係將被加壓既二氧化碳氣體溶入水中,當釋放壓力時就會產生氣泡,而市面上既碳酸水仲會加入其他添加劑(如:鈉)黎減低水既酸味或加入其他味道。

碳酸水一向係外國多個地方都非常流行飲用,因為可以代替帶有糖份既有氣飲料同埋可以幫助舒緩胃氣,但如果有胃酸倒流就不宜飲用,另外亦有清潔功效比如咖啡跡或銀器既氧化污跡等。

但自從經過某明星分享自己用碳酸水洗面黎令自己既皮膚變得又滑又細緻後,市面上就不斷流傳用碳酸水洗面帶黎既好處如:

  • 當二氧化碳接觸到皮膚血管後,身體機制會產生咗“缺氧”嘅錯覺,並且會擴張皮膚嘅血管,自動加速血液循環咁想吸多d”氧氣CO2”,相信如果皮膚血液循環得好,自然就會變得有亮澤和白滑
  • 另外碳酸同二氧化碳混合後係有去除油污嘅特性,因為碳酸嘅份子係好細容易帶走毛孔上嘅多餘油脂和污垢物.
  • Ÿ 等等。。。


但其實暫時未有科學研究或論文證實以上既好處或功效,而且有一d叫碳酸面膜既產品,其實係混合左蘇打粉既成份係面膜中,所以用完後皮膚確實係會較滑白,因為蘇打粉有軟化角質同去油脂既功效,但要注意呢種既產品往往會有其他添加成份如香料,美白和其他化學物等等,另外亦建議盡量唔好用蘇打粉或含有蘇打粉成份既洗面產品哦,因為過度去角質同去油脂會刺激皮膚造成敏感哦。

雖然未有證實用碳酸水洗面既好處,如果大家都想試,咁提提大家要用無添加味道嘅礦泉碳酸水哦,但因為每個人既膚質都有唔同,會出現不同既反應,所以如果皮膚較為敏感就唔好試呀,或在洗面過程中如感到唔舒服既話就要即刻用水去清洗掉哦。

其實如果想皮膚變得白滑同徹底清潔毛孔仲有其他低刺激性既選擇,可選擇毛孔緊緻激光療程或果酸換膚療程,想知道邊款療程適合自己皮膚多d?歡迎用以下方式聯絡我們預約先做一次免費皮膚分析哦。另外我地中心亦為第一次光臨既顧客提供一次半價療程試做,可在旁邊既連結登記哦:http://www.cleanskincare.com.hk/zh/trial.html

2018年1月5日 星期五

茶葉/茶包浸太耐會有害嗎?

 CLEAN Blog - 茶葉/茶包浸太耐會有害嗎?

『茶』冇論係西方或東方我地都會常飲到,而市面一般銷售有茶葉或茶包,我就中意飲茶包多d,因為較方便,但有時工作忙起上黎就放左係度一直浸住左,之後有同事就話咁樣會釋放有害物質架,最多只可以浸5分鐘左右。但我就諗點解會釋放有害物質?而該有害物質又係乜?咁浸泡時間最多又係幾耐呢?基於心裡有呢d疑問,所以就搵到以下既資料:

茶葉浸太耐會釋放有害物質?

其實茶葉一直浸係水裡後會慢慢釋放鉀離子,雖然鉀係我地身體裡不可缺少既一種元素,主要功能係平衡體內既水份,神經脈衝和肌肉收縮既重要離子同埋糖類(即碳水化合物)既儲存,所以身體缺乏鉀既話就會失去平衡。

但吸取過多亦不可,因為咁樣會造成腎臟衰竭,細胞遭破壞,影響心血管系統,神經肌肉系統,泌尿系統等等,所以點解會話茶葉浸太耐會釋放有害物質,因為一直浸住既茶葉會釋放鉀離子,而最終被釋放既鉀離子經飲用後進入我地既身體裡,咁可能導致鉀離子過高。但研究人員曾做過實驗,茶葉釋放既鉀離子有限,如果一般腎功能健康既人,根本就唔會出現高血鉀既情況,因為一來鉀離子會被水稀釋,二來腎會幫助排出過多既鉀,所以腎功能不佳者就要多加注意了。

雖然經過以上了解茶葉浸太耐其實唔會直接對身體健康構成影響,但都唔建議茶葉浸太耐,原因係基於衛生問題,因為茶葉浸太耐都有機會滋生微生物,所以一般建議浸1分至5分鐘就將茶包或茶葉拿走了,而飲過既茶具亦要洗乾淨,唔好將茶積當寶呀。另外如果想減少茶裡既咖啡因,可用室溫水沖茶哦。