2014年10月27日 星期一

點樣選擇防曬産品?

上次同大家分享過UVA,UVB嘅分别,今次就分享點樣選擇防曬産品?

防曬產品基本分左兩類:

1-) 物理性 = 物理性防曬原理就係喺皮膚表面加咗一層保護膜,先保護皮膚然後讓紫外線反射出去,全面抵擋對皮膚嘅傷害.
物理性防曬常見嘅成份有:二氧化鋅(Titanium dioxide)同埋氧化鋅(Zinc oxide), 呢兩種成份幾乎已經可以阻隔左所有UVA同UVB, 而且經實驗研究顯示物理性嘅防曬產品既安全又温和.

2-) 化學性 = 化學性防曬嘅原理係利用化學合成嘅紫外線吸收劑成份,而成份會經皮膚表面先吸收然後再中和同吸收紫外線.但因為要先經表皮吸收,所以要塗抹30分鐘後先會起作用.
化學性防曬成份會比較複雜,包括:水楊酸鹽(salicylate),肉桂酸鹽(Octyl methoxycinnamate),辛環烯烷(Octylcrene),苯甲酮(benzophenone),鄰氨基苯甲酸鹽(para-aminobenzoic acid)等.有些產品更含有機溶劑同酸鹼,呢兩種成份會容易造成皮膚嘅傷害同皮膚敏感問題.

防曬小tips:

1) 如本身皮膚較白或容易出現雀斑,建議選購防曬產品用SPF 30.
2) 如果油性皮膚嘅人士可選用乳液狀嘅防曬產品,而乾性同中性嘅皮膚可選擇乳霜狀嘅產品.
3) 敏感性皮膚要注意選用無香料(Fragrance-Free)成份嘅物理性防曬產品,避免用化學成份,因為化學成份會比較容易引起皮膚敏感.
4) 搽防曬嘅方法係首先全面同頸以拍嘅方式搽1次,再以拍嘅方式搽多1次係鼻尖,顴骨位置,因呢兩個位置較容產生色斑,咁就可以確保皮膚受到保護。

希望大家都選擇到合適嘅防曬產品啦!