2015年1月30日 星期五

DIY水份面膜

我地今次想為大家介紹一款有效又實用既**DIY水份面膜**,建議大家一個禮拜要做一至兩次既保濕面膜去增加和維持皮膚既水份哦. 
材料有3樣: 
  1. 新鮮士多啤梨 —2個
  2. 有機蜂蜜 —1茶匙
  3. 純乳酪 —2茶匙 
功效:
  • 士多啤梨含有豐富既維生素和抗氧化功效,能為肌膚帶來強效補濕,滋潤和美白肌膚。
  • 有機蜂蜜可以軟化角質,為肌膚補充水份,改善乾燥問題。
  • 純乳酪有美白和控油效果,敷完你會感覺皮膚變得好幼滑和細緻。 
使用方法 :

  • 將草莓切碎或用攪拌機攪成糊狀,加入有機蜂蜜和純乳酪拌勻,敷在面部已清潔乾淨的皮膚上, 抹上時用指尖輕輕按摩打圈1分鐘,敷10〜15分鐘。用溫水沖洗之後塗上保濕產品。 

大家如果唔想用太多化學成份既產品,而又想皮膚變得健康有光澤又水當當,其實用新鮮或者用天然成份去做DIY面膜,都好有效又實用咖,大家都一齊試下做啦!

2015年1月28日 星期三

如何選擇有效的補濕產品?

 

我地上一篇講到要令皮膚水潤又細緻就要從『補水』,『保水』,『儲水』呢3步做起,但點樣去選擇有以上功效既產品呢? 

其實產品方面我地可以歸為兩類,分別係為皮膚補充水份(即補水)為皮膚保持含水量(即保水和儲水)

爽膚水,精華液都能為皮膚補充水份,有效既成份可以滲透至真皮層,可以選擇天然花水,泉水,蘆薈,透明質酸,維他命B5,這都是有效既保濕成份可以令皮膚達到補水 

乳霜或面霜能為皮膚保持含水量產品成份含有油性,可以選擇薄身易吸收如荷荷芭油,月見草油,玫瑰果油等等,目的係覆蓋並鎖住你剛剛為皮膚補充既水份,原理就等於一個碗如果有缺口既話,就算你不斷補水,D水份一樣都會不斷係個缺口流失!所以補完水一定要將D水份鎖住,如果唔係水份好快就會蒸發,最後就變成越補越乾了. 

建議程序:爽膚水(Toner)>精華(Serum)>面霜(Cream)>防曬(Sunscreen 

Clean Skincare 提提您:

  1. 定期去角質
  2. 盡量不要選用有酒精成份和人造香料既護膚品
  3. 出門前要記住搽防曬