2015年3月23日 星期一

30歲都未夠,但面上既皺紋開始浮現,面部仲有小小鬆弛添!?點解呀~~><~~


Clean Skincare 小知識

30歲都未夠,但面上既皺紋開始浮現,面部仲有小小鬆弛添!?點解呀~~><~~

其實一般皮膚既皺紋會係30歲後開始浮現,因為研究顯示25歲開始我地既皮膚組織會停止成長或新陳代謝減慢,真皮層慢慢變得薄,脂肪和蛋白纖維流失,慢慢失去支撐和彈性,所以皮膚就會開始變得鬆弛,皺紋亦會越來越明顯,如果你30歲未到但面部有{紋}既話,好有可能係{乾紋}而唔係皺紋.

乾紋既形成通常會因為受到紫外線既攻擊或者補水和保水不足,令到皮膚處於缺水狀態,滋潤度唔夠時皮膚就會出現乾紋或者敏感既狀況,所以當出現第一條細小乾紋時千其唔可以忽事呀,如果唔去處理和修護既話,一直令皮膚受損,到最後好有可能會變成皺紋哦!

其實處理方法好簡單,只需要注意補水和保水,再搽D天然植物油,如100%天然玫瑰果油,因為玫瑰果油含有不飽和脂肪酸,容易吸收而且唔會留下多餘既油份係面上,有助防止皮膚老化,滋潤皮膚,回復年輕而有活力既肌膚.

雖然以上既護膚方法可以解決乾紋既問題,但我地應該要預防和避免令皮膚處於缺水狀態,令皮膚受傷害,以下分享我地既心得比大家:
  • 出門前記緊搽防曬,避免受到紫外線既攻擊
  • 注意補水和保水(更多資料可回顧:http://clean-skincare.blogspot.hk/2015/01/blog-post_26.html
  • 減少或戒掉不良既習慣如:抽煙,飲過量既酒精,進食高糖或煎炸食物
  • 給自己充足既睡眠
  • 定期護膚(如去角質,深層清潔,敷水份面膜等)
最後,我地建議大家唔好等問題出現係皮膚上才去處理,我地一定要好好預防,保護和愛錫自己既皮膚和身體,當身心都一樣健康時,我地既每一日都充滿著活力和微笑啦 *^^*

邊一款蔬菜水果可以對皮膚有預防衰老既作用同埋又有邊一款食物會令皮膚加速衰老呢?


Clean Skincare 小Tips


我地之前一直分享有關護膚和療程既心得,不如今篇分享一下有邊一款蔬菜水果可以對皮膚有預防衰老既作用同埋又有邊一款食物會令皮膚加速衰老呢?

預防衰老和幫助皮膚增加緊緻效果既蔬菜水果有:
  • 西蘭花:擁有全面既營養,比如:碳水化合物,胡蘿蔔素,維他命C,脂肪,蛋白質和礦物質.根據分析,每100克新鮮西蘭花既蛋白質量就有3.5克至4.5克,係椰菜花和番茄既3至4倍,有助抗氧化,防止皮膚急速衰老.
  • 菠菜: 含有豐富維他命C,胡蘿蔔素,蛋白質,礦物質等等.而菠菜既鐵質含量係比其他蔬菜高,有助製造血球,令皮膚面色紅潤,另外菠菜亦含有大量既纖維,有助促進腸道蠕動,利於排毒.
  • 蘑菇: 擁有豐富既蛋白質和維他命C,但最主要既係蘑菇擁有硒呢一種原素,其作用係可以保護細胞裡面既蛋白質,化解氧化壓力,代謝脂肪酸過氧化物,減少有害自由基既產生.
  • 車厘子: 含有豐富既鐵質和維他命A、B、C及微量元素,可以促進血紅蛋白再生,幫助膚色紅潤亦可以減少皺紋和色斑.
  • 士多啤梨: 1杯士多啤梨所含有既維他命C係每日攝取量既130%,維他命C可以促進膠原纖維既產生,令皮膚光滑有彈性,維生素C越多,皺紋就會越少.
  • 奇異果: 所含既維他命C和維他命E有助增加皮膚彈性,有抗氧化抗炎既作用,亦可以減少黑色素既形成,同時亦增強皮膚既抗衰老能力.
邊一款食物食得多會令皮膚加速衰老?

  • 砂糖:砂糖如果攝取過多,會在我地體內儲積和膠原蛋白結合,產生糖化現象,會令皮膚既新陳代謝速度減低,皮膚細胞無法更新,而且變得鬆弛和失去彈性.
  • 油炸食品:油炸食品會破壞皮膚中既膠原蛋白,令皮膚產生細紋.
  • 酒類:大量飲酒會因為酒精攝取過多而令皮膚脫水,所以容易產生敏感和細紋,使皮膚失去彈性和光澤.
其實最緊要係多注意自己既飲食習慣,比如食物既份量,成份,和製造過程都要去了解,因為我地相信大家都想食得健康,身體健康皮膚就都自然好啦!所以從注重飲食開始到皮膚護理,大家一於從內至外都一齊做起,咁我地就可以變得更加青春和充滿活力,大家一齊努力啦~*^^*

按摩面部既好處


Clean Skincare 小TIPS

今次想同大家分享一下自己動手按摩面部既好處,唔知大家平時有冇自己按摩面部既習慣呢?如果想皮膚睇落緊緻D,膚色白裏透紅D和輪廓突出D,其實平時搽護膚品既時候可以做簡單既面部按摩,就可以達到以上效果.而且面部按摩既好處有:

  • 皮膚細胞方面-能夠增進血液循環,促使細胞既新陳代謝,更新皮膚細胞,促進毛細血管既擴張,增加皮膚氧氣既輸送,使膚色變得紅潤.
  • 皮膚水腫方面-幫助皮膚排出過多水分和毒素,改善水腫及皮膚鬆弛狀況.
  • 皮膚油脂分方面-減少油脂分泌物既積聚,油脂分泌減少,使皮膚水油得以平衡.
  • 皮膚緊緻方面-皮膚組織會變得緊密而有彈性,使鬆弛既皮膚增加緊緻度, 突顯輪廓.
  • 皮膚抗衰老方面-當皮下組織獲得充份既運動,係可以延緩皮膚衰老既發生.按摩後既皮膚有充份既滋潤,令膚色更有光澤,回復年輕氣息. 

其實按摩面部既好處真係有好多,所以大家可以列入為護膚既程序之一,按摩時可以加入數滴天然既薰衣草香薰油用作按摩,薰衣草香薰油(要用100%純天然)係不需要稀釋而可以直接搽上皮膚既天然香薰精油(其他既香薰油都必需用底油稀釋後才可以搽上皮膚),天然薰衣草可即時平靜情緒,放鬆心情,對皮膚有不同好處,更可在3呎距離亦有殺菌及抗病毒之功效.

最後教教大家簡單既按摩動作(如圖),只需5分鐘左右,就起到較好既護膚及保健既作用.要持之以恆呀,咁大家就可以擁有健康又靚既肌膚啦.

2015年3月20日 星期五

想皮膚好似剝殼雞蛋咁,又白又滑既肌膚?!


Clean skincare 小知識



D皮膚好粗糙,好想變番細緻D,嫩滑D既肌膚呀!最好可以擁有好似剝殼雞蛋咁,又白又滑既肌膚呀!有方法嗎?

皮膚粗糙其中一個可能係因為角質層較厚而令皮膚變得不平滑,如果想知多D關於角質層較多較厚既成因又或者有關去角質有乜好處,可以遊覽我地個Blog既去除老化角質文章:http://clean-skincare.blogspot.hk/search?q=%E8%A7%92%E8%B3%AA

大家有冇發現有時搽護膚品既時候,D產品好似唔係太吸收咁, 其實都已經轉用唔同既產品和成份,但皮膚好似都係冇變番細緻D,嫩滑D,仲要感覺皮膚表面粗粗咁 ,好似有擋住D產品無辦法吸收倒咁,點好呢?

其實想皮膚變得細緻D,嫩滑D可以做今個月FB第二個限定優惠{更新緊緻換膚療程},呢個換膚護理係屬於中至深層換膚護理,可以令原本老化或者代謝不良既皮膚組織代謝走,主要係改善不平滑和粗糙既皮膚,激活細胞更新 ,刺激骨膠原增生,提升皮膚回復彈性緊緻,水潤透白,減少幼紋同皺紋,可延緩皮膚衰老,之後更新及長出新既皮膚係可以令皮膚變番細緻D,嫩滑D.如果持續地進行,皮膚可以回復到年輕肌膚添!

''更新緊緻換膚療程''
  • 成份:主要有TCA,乳酸,水楊酸等等.
  • 療程時間:3-4星期做一次,每次過程只需30-40分鐘便完成.
  • 療程時感覺:療程時皮膚會有輕微刺刺的(好次比蟻咬咁),輕微熱熱的感覺,上述既感覺會維持2分鐘係因為皮膚血液循環加速中,亦代表產品在發揮作用中.
  • 療程後:療程後皮膚會即時有光澤,幾日後皮膚會有輕微脫皮,呢個過程大概一星期左右.
而真正既換膚效果會在之後逐漸顯現,皮膚之後就會變得好似剝雞蛋殼咁,變得又白又滑,除皮膚會越來越靚之外,搽護膚產品都會吸收得好d啦.

2015年3月18日 星期三

暗瘡果酸换膚疑問篇



Clean Skincare 小Tips

暗瘡果酸换膚疑問篇

自從今個月既〔暗瘡果酸換膚〕FB優惠推出後,身邊既朋友和顧客都有以下既疑問:所以我地決定用分享既形式去為大家一一去講解.

我地收到較多對〔暗瘡果酸換膚〕既提問或反應係: 
  1. 做果酸換膚塊面又會甩皮又會紅卜卜,好樣衰呀,點見人呀~>.<~!?
  2. 聽人講做果酸換膚會令D皮膚越變越薄,係咪真咖?
  3. 做果酸換膚皮膚肯定會變得越來越敏感啦?點做喎?
  4. 如果本身皮膚都好薄同埋敏感底實唔做得果酸換膚啦?
 其實以上既疑問有些可能係未有根據既情況下流傳係坊間對果酸換膚既誤解,又或者可能係因為試過自己係屋企做換膚既過程中有出現誤差或出錯,使成效變得不理想或有反效果既結論.

就以上既誤解,我地大家不如一齊換一個較專業既角度去睇下: 

1)甩皮:換膚如簡單去分有淺表層,表層,中層,深層分別有四種.而淺表層和表層換膚係唔會甩皮,中層和深層才會有甩皮既情況.
〔暗瘡果酸換膚〕屬於表層換膚既一種,唔需要經過會甩皮(見到甩皮)既過程都可以針對處理到暗瘡,黑頭,粉刺既問題.而呢個換膚護理不但唔會見到甩皮,做完護理當日仲可以即時化妝.  

*解說:因為係做緊換膚既同時,老化既角質層(即死皮)已在不知不覺中被果酸去除了,所以肉眼係睇唔見有甩皮既情況,但係做完頭幾天有機會會覺得臉上有D粗粗既感覺,這是因為皮膚在代謝過程中,幾日後,皮膚就會感覺更光滑. 

面紅:〔暗瘡果酸換膚〕在做完當日小數人有機會皮膚有微紅情況,一般幾小時內就會消退,原因係皮膚在進行代謝和皮膚細胞在血液循環中加速.情況就好似做完運動咁. 

2)皮膚越變越薄:其實做〔暗瘡果酸換膚〕只係會令過厚及老化既角質層(即死皮)變薄,這亦是我們做換膚主要想做既效果,先去除過厚既角質再清理毛孔內既油脂污洉,目的係激退黑頭,暗瘡,粉刺.  

*解說:做果酸換膚不但不會令皮膚越變越薄,反而會令真皮層因為受到果酸既刺激而增生骨膠原,增厚表皮層. 

3)越來越敏感: 做〔暗瘡果酸換膚〕不但唔會令皮膚越來越敏感,做換膚仲可以速進皮膚既新陳代謝,果酸換膚後因為過厚既角質不見了,新既細胞排列更整齊一致,反而會提高皮膚既抵抗能力,使換膚後皮膚睇起來更光滑更健康. 

4)皮膚本身好薄:每個人既皮膚和面上每個位置既厚薄度都不一樣,但係都會有老化既角質層需要去處理.所以無論厚薄既皮膚都可以做果酸換膚.

      本身係敏感皮膚:對於從來未做過果酸換膚既朋友或者敏感肌既您,可能會擔心自己對果酸會唔會敏感呢?對於從來未做過果酸換膚既朋友或者敏感肌既您,可能會擔心自己對果酸會唔會敏感呢?基於呢套換膚療程係由皮膚專科醫生設計而成既,醫生為了確保每為客人可以在安全情況下進行,所以我們會為顧客在第一次做換膚療程前先做皮膚測試,經過皮膚測試後如沒有對果酸敏感才可以進行療程,所以對每位顧客黎講係非常安全既,其實在臨床報告顯示下一般極小數人士會真正對果酸敏感,大部份既敏感肌都係因為皮膚缺水所致而不是對個別產品產生敏感.  

Clean Skincare 提提您: 

〔暗瘡果酸換膚〕係由一群資深既法國皮膚專科醫生經過數十年來既臨床研究而研發出,換膚療程已獲歐盟CE認可,並於歐洲,美國,加拿大,亞洲及全球多個國家在廣泛使用.大家如果對果酸換膚有其他疑問,歡迎隨時與我們聯絡:


2015年3月16日 星期一

〔暗瘡果酸換膚〕點樣有效咁去改善暗瘡,黑頭和粉刺三大問題?


Clean Skincare 小知識 


之前同大家分享過三篇關於暗瘡皮膚既護理攻略,今次想同大家分享一下今個月既〔暗瘡果酸換膚〕FB優惠係點樣有效咁去改善暗瘡,黑頭和粉刺三大問題. 


相信大家都有煩惱著相同既問題,就係:我一個星期都已經做左幾次深層清潔mask,又做去角質護理再加埋敷水份mask啦,但係點解D黑頭,粉刺,暗粒整極都仲生番出黎既?好似每星期做咁多護理都冇效,就算長期作戰但效果一直都唔理想咁,唉!其實有冇第二D方法可以唔洗每星期都做咁多野但又有效咁解決到呢? 


其實要對付黑頭,暗瘡,粉刺呢三大問題,就一定要對症下藥,而今個月既〔暗瘡果酸換膚〕療程就能夠好有效地處理呢三大問題,點有效法?一齊黎睇下:- 


暗瘡果酸換膚可以去除老化角質之餘,仲可以清理毛孔內既油脂污洉,快速激退黑頭,暗瘡,粉刺.而重點係能夠平衡油脂分泌,解決油脂分泌過盛既問題,如果我地保持毛孔乾淨,就冇咁容易發炎,亦冇機會形成暗瘡啦.做〔暗瘡果酸換膚〕對於暗瘡,毛孔和黑頭都係一個温和而有效既處理方法,既唔會做成毛孔粗大,亦唔會留有暗瘡疤痕及色素沉澱(即暗瘡印)等問題. 


而〔暗瘡果酸换膚〕療程既成份有三種:從天然甘蔗提煉出來既甘醇酸/乳酸/水楊酸 


  • 甘醇酸既作用係去除過度角化既角質層,刺激新既細胞生長,可以治療黑頭,暗瘡,粉刺呢三大狀況,改善毛孔粗大.
  • 乳酸既分子量較細,係最容易滲透去皮膚表層,吸收既效果亦最明顯,因為係天然成分不會刺激皮膚而且保濕度強,所以常用在改善肌膚乾燥及角化問題.
  • 水楊酸既油溶性特質能深入皮脂分泌旺盛既毛孔深處,重點清除毛孔中既黑頭粉刺,激退暗瘡亦防止毛孔再度阻塞. 


想黑頭,暗瘡,粉刺呢三大問題消失,只需每兩星期做一次〔暗瘡果酸换膚〕,除左可以有效地保持毛孔潔淨,毛孔亦會慢慢收細番,咁就唔會再藏污穢物,而黑頭,暗瘡,粉刺呢三大狀況就會跟住消失啦*^^*. 


記住密切留意我地下一篇:暗瘡果酸换膚疑問篇

2015年3月12日 星期四

DIY暗瘡面膜



Clean Skincare 小知識 

今次想為大家分享一款可以舒緩暗瘡狀況既**DIY暗瘡面膜**,建議大家一個禮拜可以做一至兩次這款面膜,令暗瘡位置得到舒緩又可以快d復原哦.

材料有2種:

  1. 牛油果~半個
  2. 有機蜂蜜 ~1/2茶匙
功效:

  • 牛油果:含有豐富維他命A,B1,B2,C,E,蛋白質,脂肪酸,容易被皮膚吸收,對皮膚既好處有減淡暗瘡疤痕,減淡暗瘡印,減低肌膚紅腫和發炎狀況,保持肌膚滋潤,保濕,維持皮膚的強度和彈性,消除細紋,恢復光滑 ,能夠幫助維持肌膚健康. 
  • 有機蜂蜜:可以軟化角質,具有抗菌特性又可以消滅細菌,為肌膚補充水份,改善乾燥問題.

使用方法 :

  • 選擇成熟既牛油果,將半個牛油果壓碎成泥狀,之後加入1/2湯匙有機蜂蜜,攪拌均勻然後將面膜敷在臉上,避開眼睛和嘴巴位置,敷10至15分鐘後用溫水沖洗乾淨,之後塗上保濕型護膚產品.

大家可以用天然有機生果,或多用有機成份既產品做面膜,其實好簡單又新鮮又有趣,想皮膚變得健康美麗,大家一齊動手做啦!

2015年3月10日 星期二

暗瘡皮膚-情緒篇 !


Clean Skincare 暗瘡皮膚-情緒篇 ! 

有關暗瘡皮膚既分享來到第三篇啦!上兩篇分享過有關暗瘡皮膚既護理攻略和飲食攻略,今次我地想同大家分享下暗瘡皮膚同情緒既關係和需要注意既地方啦:-

最近有朋友問:我呢排突然生左好多暗瘡呀,唔知係咪同自己情緒波幅較大既問題有關呢?其實呢種係咪叫壓力瘡呀?點先至可以好番呀?....(---__---;) 唔洗擔心,我地大家一齊黎了解下先啦.

基於以上既問題,其實對於長期處於係壓力狀態係會導致荷爾蒙失調,之後情緒上既波幅亦會較大和會突發性地產生好多暗瘡,因為係我地既日常生活當中不論係年輕人又或者係成年人,都會因為面對我地既工作 ,感情,家庭,功課和考試等等既事情而產生壓力,令到情緒不穩或精神緊張既狀況出現.如果長期地因為各種原因而持續令精神處於係緊張和壓力既狀態下, 我地既皮膚狀況就會變得反覆.

根據研究發現,緊張同壓力係會令身體既防禦能力降低,會令我地身體產生多種荷爾蒙和不同既毒素,而當荷爾蒙既皮脂分泌功能失衡時,就會令我地既皮膚產生暗瘡或者會令暗瘡情況更惡化.

其實不用太擔心因為壓力而產生既暗瘡,因為壓力消除後相對地暗瘡亦會消失! 只要我地多d關注和留意自己係生活上既轉變同埋身體健康既狀況,咁先至可以幫到自己去舒緩身心靈既壓力.如果我地既生活充滿住壓力,每日情緒唔穩定,咁樣不單只會影響身體健康,皮膚質素亦都會相對變差哦,所以我地應該適時放鬆自己,同緊張既心情Say Goodbye,時刻保持心境平靜,開朗,做適量既運動等等.身體健康d,心情放鬆d, 皮膚都會健康D啦~*^^*

2015年3月8日 星期日

暗瘡皮膚-飲食攻略篇

Clean Skincare 暗瘡皮膚-飲食攻略篇! 

上一篇同大家分享過暗瘡皮膚既護理攻略,相信大家對暗瘡皮膚護理上都多咗了解.今次呢篇想同大家分享一下關於暗瘡皮膚飲食方面既注意:例如有那一類食物會容易引發生暗瘡?又或者有那一類食物可以減少生暗瘡既呢?大家一齊黎睇下: 

容易引發生暗瘡既食物有:太辣,甜食,零食,油膩及油炸既食物. 

  1. 太辣或者濃味既食物會刺激腸胃,影響消化系統令身體累積過多既毒素難以排出,毒素積聚容易令皮膚長出暗瘡. 
  2. 甜食如蛋糕,麵包,朱古力,汽水,高糖份既飲品等都係大家好喜歡既甜食,但係攝取過多既糖分會使胰島素釋放增多,令身體內雄性激素和皮脂分泌亦都相繼增加,呢個係造成生暗瘡既因素之一,而且攝取過多既甜食仲會加速皮膚老化添.
  3. 盡量少吃零食,油膩及油炸等食物,因為高脂食物既熱量高會影響肝功能,影響其調整油脂代謝既作用,導致體內油脂旺盛,造成生暗瘡問題. 
  4. 而除以上食物之外,如果肉類攝取太多而且又小吃蔬果,咁樣會令消化系統失調,另外進食過多既紅肉亦會令腸道既益菌失調,造成便秘,使體內毒素堆積,亦會引起暗瘡形成. 

好啦,講完會引發暗瘡既食物了,而家講下可以減少或預防生暗瘡既食物有:紅蘿蔔,波菜,青椒、椰菜花及各種水果 

多進食蔬菜水果係預防生暗瘡既好方法,例如:紅蘿蔔,波菜,青椒、椰菜花等具有可以增強對細菌抵抗力既功效,另外水果裏都含有豐富多種既維他命,抗氧化成份對皮膚及身體有抗發炎既功效,最重要係能夠減少暗瘡既滋生率. 

而大家都可能有聽過食物有分酸性和鹼性,依循食物既酸鹼度可以調節身體內臟機能,不但對預防及治療暗瘡有正面作用,更有助改善身體健康添. 

參考控制比例為:酸性食物:鹼性食物 =1:4
  • 鹼性食物有:大豆,豆腐,牛奶,蛋白,菠菜,蘿蔔,馬鈴薯 ,番茄,南瓜, 芹菜 ,海帶及所有水果類,咖啡及葡萄酒等,鹼性食物既營養價值偏高,多進食鹼性食物可促進血液循環,防止皮膚粗糙老化. 
  • 酸性食物有:蛋黃,乳酪,奶油,海產類,肉類,花生,穀物類,啤酒及清酒等,食用太多酸性食物會導致身體細胞,新陳代謝功能降低、抵抗力下降、皮膚變得粗糙,容易引發暗瘡,必須以攝取鹼性食品去中和平衡. 

最後提提大家,要注意有均衡既飲食習慣,有利於身體及皮膚既健康,所以大家千萬不能偏食哦!要減少飲洒,吸煙既習慣,做適量既運動,記得多喝暖水可以促進新陳代謝,有助將體內毒素排出,無晒d暗瘡咁皮膚就變得更健康啦! 

下篇:暗瘡皮膚之情緒篇,記住留意哦!*^^*

2015年3月5日 星期四

暗瘡皮膚-護理攻略篇




Clean Skincare 暗瘡皮膚-護理攻略篇!

對於暗瘡皮膚,自己確實有時會感到束手無策及難以處理,以下我地分享既護理心得希望可以幫到大家啦 *^^* 

首先了解暗瘡既滋生係因為皮膚油脂分泌過多和毛孔閉塞既問題,令到毛孔內發炎而形成暗瘡,所以我地如果採取適當既護膚程序,係可以擊退暗瘡和避免再滋生,皮膚就會回復健康越黎越靚啦! 

我地日常生活既環境中有好多塵埃和污濁既微粒子係空氣中漂浮.再加上面上既化妝品,汗液和油脂混合一齊既時候,再慢慢氧化變質,之後就會另皮膚無法呼吸而容易導致暗瘡生長,所以第一步大家要先從潔面開始,之後我地就要選擇適合自己膚質既產品,令我地既皮膚可以得到適當既護膚護理,從而解決生暗瘡既問題喇! 

以下有小小心得分享比大家:  
  1. 每日應該先切底落妝再潔面,落妝產品最好選用含天然成份,天然防腐劑既產品,避免用含礦物油,化學物質,重香料既成份.
  2. 每日既潔面步驟要仔細清潔好面部每個位置,不要馬虎呀,用暖水洗面,切忌用過熱或冷水沖洗呀,另外暗瘡皮膚在選用潔面產品上,可選用洗面乳和洗面啫喱這一類低刺激性產品,應避免使用刺激性和化學性既潔面產品.
  3. 如果認為暗瘡皮膚係唔需要用護膚產品(驚再生多D暗瘡),咁其實就誤會左喇,無用護膚品會使皮膚在水份不足既情況下會出更多既油,油脂分泌過多好容易又形成暗瘡.護膚品我地要用既,但係要針對膚質去用,暗瘡皮膚應選用著重保濕和抗菌成份既護膚產品(不含油份),避免選用高營養滋潤型既護膚產品(因為當暗瘡菌遇上高營養滋潤型既護膚品只會滋生更多細菌哦).
  4. 定期去角質,可以減小老化角質既堆積,減低對皮膚既負擔,令毛細孔可以保持呼吸.每星期敷一至兩次面膜(可以係補濕和抗菌),令皮膚保持濕潤平衡油脂和減低皮膚發炎既機會.(如果想知多d有關DIY面膜,可以遊覽我地個Blog 既DIY護膚心得文章:http://clean-skincare.blogspot.hk/search?q=diy)
  5. 如果面上有暗瘡,記住唔好去擠,避免日後造成疤痕,我地建議早晚搽全天然既茶樹精油,有助消滅暗瘡,減退紅腫,有消炎和抗菌既功效. 
下篇:暗瘡皮膚之飲食攻略篇,記住留意哦!*^^*

2015年3月1日 星期日

我D膚色好暗啞,點算好呀?!


Clean Skincare 小Tips

有人問過如果膚色暗啞搽美白產品有效嗎?其實搽美白產品並唔係一個{治標}既方法,因為美白產品只可令皮膚短暫變白 ,長期使用美白產品只會過度抑制色斑嘅出現,反而會令皮膚細胞受到傷害.(可回顧:http://clean-skincare.blogspot.hk/2014/11/blog-post_22.html

而造成膚色暗啞既主要元兇並唔係黑色素,反而係角質層和身體內在因素:

  • 角質層:當角質過厚和皮膚不夠水份時會令皮膚失去光澤,反射光線能力減弱,明亮度下降,所以望落去就會暗暗沉沉. 
  • 解決方法:定期去角質,但亦不宜過密,因為有機會整傷皮膚,可以回顧我地之前有關角質既文章:http://clean-skincare.blogspot.hk/2015/01/blog-post_18.html
  • 睡眠不足:由於晚上十二點至早上六點係皮膚新陳代謝既活躍時間,所以過左晚上十二點仲未入睡,會令到新陳代謝減慢,皮膚組織難以更新,角質層變厚,之後皮膚就變得暗啞冇光澤. 
  • 解決方法:盡可能十二點前睡眠,睡前避免使用電子儀器如智能電話,平板電腦,遊戲機等等,睡眠時環境盡量避免有光線,以上都可以幫助提升睡眠質素,令自己更加熟睡.
  • 吸煙:由於吸煙會造成微絲血管收縮甚至破壞,令到血液循環惡化而使皮膚處於缺氧狀態,膚色漸漸變成暗淡,失去朝氣.
  • 解決方法:減少吸煙,盡可能戒煙,多補充維他命C和多攝取抗氧化食物去抵抗因吸煙所產生出既自由基.
  • 缺乏深層清潔:當面部油脂和灰塵,污濁微粒子,化妝品等等既成份混雜一齊既時候,慢慢氧化變質,如果唔切底清潔,會慢慢令到面上好似多左層灰膜一樣,望落去灰沉暗啞或帶黃.
  • 解決方法:多注意自己用開既清潔用品,盡量避免使用太多化學成份既清潔產品,每星期做一至兩次深層清潔(可以參考我地之前既DIY家居去角質深層清潔面膜篇.http://clean-skincare.blogspot.hk/2015/01/diy.html
其實仲有飲食,生活習慣,和其他原因等等,但我地永遠都抱住一個愛錫自己身體既態度去保護和照顧自己,咁樣我地一定會越黎越靚,越黎越健康啦!

祝大家都健健康康,越黎越靚*^^*