2015年5月30日 星期六

保持年輕的秘密V

Clean Skincare 小Tips - 保持年輕的秘密V

上一篇同大家分享過不同年齡層既護膚保養心得,今次想分享下不同年齡層有什麼種類既皮膚療程可以輔助改善皮膚當時既狀況:-

18-25歲

在青春期皮脂腺既分泌特別旺盛,較容易生黑頭,粉刺,暗瘡和毛孔粗大等問題.而亦有部份年輕人會有雀斑既問題

輔助療程:
  1. 毛孔緊緻激光療程 - 適合暗瘡及油性皮膚,清除深層毛孔內既油脂分泌,減小黑頭,粉刺,暗瘡的形成, 有效令毛孔周圍的膠原蛋白及彈性纖維再生,從而增強毛孔緊緻度,改善毛孔粗大等問題.
  2. 暗瘡皮膚激光療程 - 有效改善暗瘡發炎,泛紅,粉刺等狀況,提升細胞的自癒能力,鎮靜敏感皮膚,加速暗瘡皮膚復原和減退暗瘡印,大大減低暗瘡,暗瘡印及暗瘡疤痕的產生.
  3. 雀斑,太陽班激光療程 - 針對表皮層色斑如雀斑,太陽班,除去表皮層色素,適合任何皮膚.

25歲過後

皮膚既新陳代謝開始減慢,老化角質積存,皮膚因而變得粗糙,膚色開始發暗,膠原蛋白也會迅速流失,肌膚開始有老化跡象如:失去光澤、失去彈性,產生幼紋,皺紋,毛孔粗大及色素沉澱等的狀況.亦有部份人會有色斑問題如:荷爾蒙斑, 顴骨斑,等等...

輔助療程:
  1. 美白去紋嫩膚美肌激光療程 - 有效減少細紋,改善皺紋,令表皮毛孔細緻化,有助淨化美白膚色,創造柔嫩,細緻有光采的新肌膚.
  2. 膠原再生面部激光療程 - 有效調節皮膚的免疫力,幫助重組和增生膠原蛋白,有助增加肌膚彈性,達至緊緻效果,有助均勻膚色.
  3. (深層斑) 退班嫩白激光療程 - 主要針對長年累積的深層色斑問題,針對改善荷爾蒙斑(又稱黃褐斑及妊娠斑),顴骨斑,炎症後色素沉著等頑固色素,有效去黃,增加皮膚亮白效果.
任何歲數 

不同年齡層既肌膚都需要做好補濕,當皮膚裏有足夠既含水量,皮膚水油兩者平衡下就自然產生天然屏障去保護住肌膚,增強抵抗力防止真皮層水份流失,免受外界既污染物入侵和刺激(如空氣污染和紫外線等),還可以對抗肌膚在缺水,乾燥下出現的狀況如:皮膚泛紅,發炎,乾燥,發癢,及敏感不適等。

輔助療程:
  1. 高效注滲面部護理 - Electroporation的高效滲透技術,將營養液經細胞膜微孔進入真皮底層及表皮層使皮膚即時儲水,加強皮膚細胞既保濕度,讓肌膚接受長效水潤,細胞修復,提升組織,回復彈性. 
  2. 垂盆草補濕修護療程: 含特效補濕成份,能鎮靜過敏性肌膚,平衡油性肌膚,可促進各類型肌膚的健康. 
  3. 山金車抗敏療程:有抗炎抗菌既功效,促進血液循環,改善膚色,具鎮靜功效的洋甘菊和迷迭香配合有安撫作用的乳木果和金盞花油,有效舒緩和滋潤受刺激的敏感皮膚。而且該產品的有機成分有助立即舒緩和消除敏感皮膚的毒素,減少發紅和酒糟鼻的表徵. 
Clean Skincare提供以上的皮膚護理療程,希望可以輔助大家為不同年齡的肌膚去改善膚質啦.如有任何查詢可以用以下既方法聯絡我地哦:

2015年5月26日 星期二

保持年輕的秘密 IV

Clean Skincare Tips-保持年輕的秘密 IV

究竟幾多歲開始要為皮膚做護膚保養,咁又幾多歲開始要抗衰老呢?

其實晤同既歲數都有相應既護膚保養要注意,今次想分享一下不同既年齡層的護膚保養心得:-

15-20

15-20歲是青春期青春期皮脂腺既分泌特別旺盛,皮膚油脂量會增多,較易生黑頭,粉刺暗瘡,如果處理不當毛孔變得粗大,留下暗瘡疤痕和變差

15-20歲保養肌膚方面,最重要就係注意清潔:
  • 每天早,晚都用天然有機潔面啫哩洗面 ,避免用化學起泡劑或化學起成份多既洗面產品去刺激皮膚,皮膚小接觸化學成份,令肌膚更健康
  • 搽不含精爽膚水(爽膚可以平衡皮膚酸鹼度,令之後搽既產品更容易吸收)
  • 青春期皮膚可以用清爽保濕啫哩或乳液產品搽面就可以
  • 每天早上外出時,搽上SPF30物理性防曬產品 (可以防止紫外線傷害皮膚和產生色斑)
20-25

20歲之後保養肌膚方面,應開始注意眼部皮膚既護理卸妝要用專門既卸妝乳,在護膚程序上加入眼霜保護眼部肌膚,以防止眼部皮膚乾燥而出現

25-30

要開始抗衰老保養就係25歲開始,想肌膚凍齡就係呢個時間,25歲過後皮膚既新陳代謝減慢,膠原蛋白也會迅速流失,肌膚開始有老化跡象如:失去光澤、彈性及產生皺紋等.要避免受陽光紫外線的照射,另外壓力、熬夜、抽煙、酗酒等不健康的生活方式都會加速皮膚老化,25歲後肌膚會續漸分泌較少油脂,皮膚既狀態已趨穩定,細膩光潔, 最重要注意既係保護這表皮層:
  • 使用既護膚品不應含有人造色素香料及化學防腐劑等,護膚品選用含有維生素B3/ B5/ C/ 保濕因子/透明質酸精華液和面,這能夠幫助肌膚對抗衰老抵抗自由基增加肌膚彈性、美白,收緊,收復等功效.

30-35

與年輕時相比,30歲後肌膚的鎖水能力明顯下降,水分不足會影響肌膚既新陳代謝,老化角質積存,皮膚因而變得粗糙,因為從這一年齡起,表層皮膚每年增厚1%。膚色開始發暗,開始出現皺紋,有時還有色素沉澱.最重要注意既係滋潤和補濕及鎖水步驟,將肌膚缺水問題降至最低:
  • 補濕前可適當地去老化角質層,護膚品選用含有維生素A/ B3/ B5/ C/ E精華液和含有天然油脂成分的,天然油脂能為肌膚形成保護膜,幫助鎖緊水分,增加皮膚保護功能.

35歲後

皮膚每天分泌的油脂僅是20-30歲時的三分之一,乾燥問題更見明顯,人體分泌荷爾蒙的能力下降,新陳代謝開始減慢,肌膚的膠原蛋白纖維和彈力蛋白纖維的產生能力也不如以往活躍,這影響肌膚的天然修復能力,當肌膚修復能力不如外在環境的刺激所造成的想傷害時,老化痕跡就會出現,最重要注意既係保濕,滋潤及除皺:
  • 護膚品應選用含有維生素A/ B3/ B5/ C/ E/ 天然油脂成分/ 果酸成分果酸既能保濕,又有去角質功能,可以加速皮膚代謝,令護膚品更吸收

想皮膚靚靚就要勤力D做保養啦,護膚係我地終身事業,如果越早去保養肌膚,我地既肌齡就越年輕,由今天起大家要好好保養皮膚喇

2015年5月23日 星期六

做完激光療程去晒d斑後,如果晤繼續做既話D斑會唔會生番出黎?

 Clean Skincare 小知識 - 做完激光療程去晒d斑後,如果晤繼續做既話D斑會唔會生番出黎?

做完激光去晒D斑之後睇落後生晒,皮膚變得又白又滑真係都幾開心呀~,不過⋯⋯好擔心日後D斑係咪會再生番出黎架?

打完斑之所以會出番黎大多數係因為沒有好好做足保護皮膚措施和沒有做好皮膚護理,如果做足的話,基本上D斑係唔會再生返出黎,所以今次同大家分享一下怎樣保護皮膚可以避免D斑又再生番出黎啦 *^^*

有以下3點可以留意:-

1)防曬措施


其實D斑再出番黎既主要原因係我地皮膚受到紫外線入侵,使黑色素再次形成所致,選擇合適既物理性防曬產品係我地保護肌膚既第一步,所以我地一再強調每一天無論晴天陰天多雲既日子都要緊記塗抹防曬產品喔, 抵抗紫外光既傷害,如遇上晴天既日子或者去旅行玩就要加強防護措施,如每隔2-3小時要補搽防曬,帶帽子、遮陽傘及帶太陽眼鏡等.盡量避免受紫外光既照射.

2)保濕護理 

護膚程序中保濕要做好:首先用上溫和的洗面乳-->保濕型爽膚水-->保濕型精華-->保濕型面霜-->保濕型面膜,當皮膚有足夠既濕度,瑣住皮膚每一層既水份,這樣就可以增加皮膚既自身保護屏障,抵抗紫外光入侵和外來的刺激,相反皮膚如果乾燥含水量低,皮膚細胞功能受損(會泛紅,發癢,乾燥和敏感),紫外線就會容易入侵皮膚,使黑色素容易形成而產生色斑. 

3)飲食攝取

多攝取天然食物,幫助皮膚抵抗紫外線入侵,例如:-
  • 蕃茄含有豐富既維他命A,D,C和茄紅素,茄紅素具有天然抗氧化能力可以吸收紫外線,保護DNA和膠原纖維不受到破壞,還可以清除紫外線產生的自由基,降低紫外線對皮膚既傷害和預防衰老,每日攝取16毫克茄紅素(即=25顆車厘茄/3顆大番茄) 可以降低40%曬傷情況.另外熟蕃茄內所含的茄紅素會比生吃高
  • 檸檬含有豐富維他命A,C,P和枸櫞酸, 枸櫞酸可防止色素積聚於皮下,對皮膚有美白作用,檸檬會促進皮膚的新陳代謝,淡化色素,收細毛孔令皮膚更有光澤.
  • 籃莓,巴西莓,葡萄類紫色,深紫色水果都含有大量花青素,有超強抗氧化功效和防止紫外線入侵,有效防止皮膚被曬傷.

如果大家都塗上物理性防曬產品,加強保濕程序,配合均衡既飲食和有‘健康既生活習慣,我地係唔駛擔心日後D斑又再生番出黎架~

2015年5月20日 星期三

點解有D人做laser去斑做2-3就冇哂?


Clean Skincare 小Tips – 點解有D人做laser去斑做2-3就冇哂?

點解有D人做laser去斑做2-3就冇哂?而我就要做8次以上先可以冇哂呀,仲有我做左6次都冇變淺過呀!?

做究竟激光治療要做幾多次先可以冇晒d斑呢?其實首先我地要知道自己係屬於邊一種類型既色斑先,再決定做那一款激光治療去處理,不如大家一齊黎了解下啦:

色斑分為兩大類:深層斑 / 淺層斑

深層斑:
  • 屬於深層斑類有:荷爾蒙斑、黃褐斑、顴骨斑、藍色伊藤痣、太田痣及炎症後色素沉著(如暗瘡印)等等.
  • 激光處理深層斑的原理:當激光能量均勻地發出,進入皮膚真皮層內,直到深層色素位置並擊碎黑色素,進而調節皮膚免疫系統,黑色素被免疫系統內巨噬細胞(macrophages)所呑噬,消化及排解.
  • 激光處理深層色斑是不會結痂,療程位置當天有機會呈現泛紅,而療程所需次數為6-12次不等,大約2-3次激光治療後,色斑位置能明顯看見變淺色了.
淺層斑類
  • 屬於淺層斑類有:雀斑,太陽斑(曬斑),咖啡牛奶斑和老人斑等等.
  • 激光處理淺層斑的原理:光能照射到色斑後,黑色素會被光能吸收,激光能量會將色素擊碎,隨著皮膚代謝循環,慢慢結痂,然後慢慢脫落,當結痂甩掉後色素亦跟隨甩掉或變淺色.而療程所需次數為1-3次不等.

其實治療次數會因應不同類型的色斑,數量多小,色素深淺去釐定,有部份沉積於較深位置既色素,就需要較長時間讓皮膚內既巨噬細胞慢慢吞噬去除.

當激光治療後,如果沒有做好皮膚護理又沒有搽防曬產品,色斑係會慢慢重新產生,如要預防色斑產生,就要每天習慣搽好物理性防曬產品才出門呀,平常亦要做好保濕護理為皮膚加強保護(不能讓皮膚變得乾燥而令紫外線乘虛而入),希望今次既分享大家都對激光治療既需要次數會加深了解啦*^^*

2015年5月18日 星期一

生完BB之後發覺面上出左好多斑?

Clean Skincare 小知識 – 生完BB之後發覺面上出左好多斑?

邊個話做左媽媽既皮膚一定係又暗啞又多斑架,媽媽都可以擁有健康又白滑既肌膚架...

經歷左人生另一個階段做左媽媽之後當然好開心啦~但係我地自己身體各方面就會有小小唔同左,尤其係生完BB之後發覺面上出多左好多斑而且仲越來越多㖭?! 點算好呀!

這些在懷孕期間所產生既色斑係荷爾蒙斑,由於荷爾蒙既變化由開始懷孕期間身體既黃體素,雌激素(動情激素),雄性激素等賀爾蒙分泌隨之增加,促進了「黑色素細胞刺激激素」生成,使體內黑色素大量增生,因而造成黑色素細胞沉澱而產生荷爾蒙斑.同時在懷孕期間,原有的色素斑點都會加深,原本沒有斑點問題既女士,亦有可能在此時出現荷爾蒙斑.

當形成左荷爾蒙斑之後,會發現色斑既數量會日漸增多另外色素亦會加深,這是皮膚黑色素代謝不良,沈積在皮膚內所造成,靠外用護膚品或高濃度既漂白劑或美白產品等,是不能做到去除色斑的,要真正治療色斑一般都會建議孕婦們等到生產結束後,再以激光治療去減退色素,因為激光護理選用特定的波長產生熱能達到破壞黑色素,有效改善皮膚深層色斑如荷爾蒙斑,有效減少色素沈澱等問題.

當已經形成左荷爾蒙斑之後,若想減少色斑既數量再增加,不想色素變得更深色的話,請留意以下3點:- 

  1. 睡眠時要盡量放鬆心情這會幫助容易入睡(失眠會加速黑色素生成)
  2. 避免吸煙,喝酒和吃刺激性食物 (例如:甜及油炸類食物),多進食新鮮蔬菜和水果,最重要多飲水如每日6至8杯.
  3. 盡量避免曝曬,平常要搽足夠物理性防曬產品和做好保濕護膚程序 

希望今次既分享可以幫助做左媽媽既你對荷爾蒙斑了解會多d~讓大家知道荷爾蒙斑係可以從激光治療去除既,大家都可以擁有健康又白滑既肌膚架.

2015年5月14日 星期四

好細個既時候已經有斑,點解?





Clean Skincare 小Tips - 好細個既時候已經有斑,點解?

我好細個既時候發覺好似已經有斑,但冇理呀,不過出黎做野之後漸漸發覺有越來越多既跡象呀...


其實近年有色斑既人有年輕化既趨勢,色斑問題已經不限於出現在35歲以上的女性,有部份人係小學開始己經發現有雀斑,曬斑,顴骨斑,荷爾蒙斑等.但到底色斑係點樣形成既呢..

產生色斑的6大因素:-  

1.遺傳性
常染色體顯性遺傳性雀斑,多見於小時候在面,頸,手背等暴露部位出現.假若毋親有荷爾蒙斑,下一代出現的機會亦會增加.

2•皮膚色素本身較白
膚色白的人對陽光既敏感度較膚色黑者高,所以較容易長出色斑

3•長期暴露於強烈紫外線下而沒做好防曬措施
UVA對皮膚既傷害最大,是引致皮膚產生色斑的原因之一.

4•荷爾蒙變化,如曾懷孕,月經不調,子宮肌瘤,長期服避孕丸等
內分泌失調都係一個重要原因,女性體內荷爾蒙變化和激素水平既變化,都會引致黑色素的產生.

5.生活習慣
壓力、偏食、睡眠不足等不良生活習慣亦會令黑色素不斷增加.

6.化妝品,護膚品既影響 
含金屬性成分,或者添加了香料,化學性成分這都具有吸光既作用,容易引起皮膚既黑色素產生.

對於已經長成既色斑如要有效地擊退,使用激光治療是目前較為有效的處理方法,激光治療可以針對不同種類既色斑,因為激光是單一波段的光能,在同一時間發射的光能能量較為集中在色斑處,能深入皮膚有效地擊退面上既色斑.

要預防色斑既形成,最重要每天都要塗上物理性防曬產品,無論晴天陰天都要塗最少SPF30度既防曬產品哦.另外要注意不可以令皮膚缺水乾燥,因為皮膚缺水就會失去保護能力,會容易受紫外線或外來刺激入侵,使皮膚容易發炎,黑色素增多.建議每一星期可以做1至2次保濕面膜.

今次既色斑小分享,希望可以令大家了解更多啦!

2015年5月11日 星期一

保持年輕的秘密III

Clean Skincare 小知識 - 保持年輕的秘密III

分享左兩篇有關攝取天然食物,保健食品係可以令皮膚保持年輕和健康之外,但如果想內外兼顧,其實有一種護理可以有效地改善我地既膚質和使皮膚變得更年輕,而且仲唔需要好頻密地做添.係邊種護理?睇下AliceCathy既對話: 
  • Alice: 咁多年冇年見,你皮膚依然咁靚同咁後生喎
  • Cathy: 呵呵,當然啦,我不斷keep住做Laser Facial*^^*
  • Alice: 乜唔係有斑呀色素呀果D問題先做laser架咩,你都冇斑都可以做架咩?
  • Cathy: 冇斑都可以做架,laser facial可以改善膚質,增加膠原增生,皮膚會變得細緻d添! 
其實除左有斑既人會做laser,冇斑既皮膚都可以做架,因為laser facial對不同既皮膚狀況都有不同既好處架. 

Laser facial適用範圍
  1. 想改變皮膚質地和想有美白效果皮膚會變得更光滑細緻,均勻膚色
  2.  想改變皮膚鬆馳皮膚老化現象和有細紋:皮膚會變得富有彈性,更緊緻幼嫩
  3. 想去除面部色斑,無論是淺層斑還是深層斑,儘管常用粉遮蓋,但都不能遮蓋掉 
  4. 想去除皮膚晦暗粗糙、毛孔粗大、痘印、面部毛細血管擴張等問題
  5. 想改善面部暗瘡粉刺等問題
Laser facial既原理和效果:- 

激光會產生熱能,利用熱能既能量和波長傳達到我地皮膚既真皮層纖維母細胞,當細胞受刺激,真皮層裏膠原蛋白重組增生皮膚中酵素會移除老化膠原蛋白,另外膠原蛋白產生可以收縮毛孔,改善皮膚質地,皮膚變得飽滿和有彈性有刺激皮膚彈力纖維既收縮作用,可使皮膚收緊,促進表淺皺紋消失,激光既熱能可以刺激我地皮膚臉部血液循環,加速排毒將毛孔餘既污垢物和油排出,幫助改善毛孔粗大粉刺等問題增加膠原蛋白後既皮膚可以回復緊緻和年輕既狀態!

Laser facial個月 keep住做1-2係就可以令皮膚改善不同既問題,但最重要可以改變皮膚既膚質,使皮膚變得更年輕,睇落越黎越後生添@^^@ 

最後要提大家就算有冇做laser facial搽好防曬,防曬對於皮膚可以能否保持年輕係非常重要架,紫外線會令皮膚加速老化,防曬產品除左防曬仲可以防老添,如果選擇加埋用天然成份既護產品,遠離防腐劑,化學成份等⋯⋯我地皮膚就可以保持年輕同健康~

2015年5月8日 星期五

保持年輕的秘密 (II)


Clean Skincare 小貼示 -保持年輕的秘密 (II) 

健康天然有機既保健產品食咗會令皮膚靚D?

上一篇保持年輕的秘密I-提到抗氧化(亦等於抗衰老)係可以延緩皮膚老化,令我地常保年輕外貌.

我地可以經由攝取某些食物去提高抗氧化度,而亦都相信大家都明白培養健康飲食習慣既重要性,雖然大家都想活出健康,皮膚Keep得又靚又年輕,但忙碌既生活, 有時真係連休息喘氣既時間都冇,加上經常外出用餐,要講究健康飲食真係唔係一件容易既事.

但係若果想皮膚健康又白又滑,雖然未能餐餐都食到健康餐,但其實可以選擇食100%天然有機保健產品,對身體和皮膚都有好多好處架,今次想同大家分享一款有機既健康保健產品:-

天然有機巴西莓粉 (Acai Berry Powder) - 巴西莓係大自然界超級水果五大之一既天然水果

巴西莓 (Acai Berry)生長在亞馬遜既熱帶雨林,細小圓形狀的黑色果實外貌與藍莓有點相似,巴西莓是目前世界上含高量抗氧化物質既超級水果.其營養非常豐富,而且是小數含有多種不同營養成分既水果,如omega脂肪酸3,6,9,維他命B及C,礦物質,蛋白質,膳食纖維,花青素,多酚類及類黃桐,植物固醇等.

而巴西莓已被證實含有非常高既抗氧化能力,根據2010年美國農業部(USDA)資料庫發佈指出,其超強的ORAC (氧化自由基吸收能力) 總值高達 102700 (每100g),是一般水果的十倍到數十倍(比如和藍莓對比是22倍左右),相對黑莓,紅莓,葡萄,石榴,蘋果等,亦高出11至70倍以上左右,這些數據都能証實巴西莓對健康和延緩老化有卓越既功效.

以下是跟其他水果對比ORAC (氧化自由基吸收能力) 的參考結果: - 
  • 富士蘋果 Apple Fuji 2589 
  • 石榴 Pomegranate 4479 
  • 藍莓 Blueberry 4669 
  • 紅莓 Cranberry 9090 
  • 黑莓 Blackberry 5905 
  • 巴西莓 Açaí Berry 102700

巴西莓的功效有: 
  • 對皮膚:
其超強的ORAC (氧化自由基吸收能力),有效對抗自由基和抗氧化,可預防提早老化和延緩衰老.另外巴西莓所含的阿魏酸能有效抑制酪胺酸酶來防止黑色素生成,能防止膠原蛋白分解,有效減少皺紋,使皮膚回復緊緻和光澤. 
  • 對抗炎症/過敏:
 巴西莓含有豐富的花青素,其抗氧化能力是維他命C的20倍左右,維他命E的50倍左右,服用後20分鐘就能在體內檢測到,而且具有調節血液內的免疫作用,能改善過敏體質,增強免疫能力,有效對抗過敏/炎症 如:暗瘡炎症,皮膚敏感,異位性皮膚炎,濕疹,鼻敏感,氣喘及過敏性結膜炎,傷口或關節炎等等 
  • 對腸胃:
 巴西莓的食用纖維能夠幫助刺激腸道,有助把毒素和便便排出體外,預防便秘和保持腸道健康,腸道健康就等如皮膚及身體都健康啦. 

巴西莓對身體還有好多其他好處,如有助對抗和抑制癌症,糖尿病,降低壞膽固醇,預防神經疾病,有助解除憂鬱,有助降低焦慮等等.. 

要講究健康飲食我地可以從天然有機保健產品開始,希望大家都擁有又白又滑既皮膚和健康既身體啦~可以保持年輕的秘密仲有好多架,遲d再同大家分享啦!

2015年5月5日 星期二

保持年輕的秘密 (I)


Clean Skincare 小知識 – 保持年輕的秘密 (I)

外表可以睇落後生d,個個都想啦...有時女性朋友聚埋一齊都會講下有關健康或者皮膚點keep可以睇落年輕d既心得,我地隨住年齡增長和其他因素影響下,如受環境既污染,紫外線影響,精神緊張和壓力等因素⋯會導致我地皮膚提早老化,如果想外表睇落細過真實歲數,抗氧化(亦等於抗衰老)既工作已經唔再係35歲之後既事了!

我地越早防止皮膚老化咁就可以常保年輕既外貌,如果大家都想知道更多有關保持年輕既秘訣呀,抗氧化對我地皮膚有什麼好處呀等等,咁就要留意我地既分享啦~

首先了解下*抗氧化

身體細胞在新陳代謝既過程中,都會產生氧化,當皮膚受到氧化後會增加體內既自由基,但當自由基不斷生產的話就會影響體內既自由基平衡,於是產生一連串既連鎖反應,細胞慢慢死亡或變異,之後造成骨膠原和彈性纖維流失,使皮膚變得鬆弛脆弱.其實我地身體會自行形成和製造抗氧化酵素,但係當自由基大量增加又或者隨住年齡增長和其他因素影響下都會令抗氧化酵素能力減弱,在無法抵抗自由基既時侯,我地既皮膚就會提早衰老.

皮膚提早衰老會出現以下現象:
  • 皮膚鬆弛,產生皺紋
  • 色斑出現
  • 免疫力下降,容易敏感
  • 膚色暗啞,細胞氧化受損等
另外攝取太多加工精製,油膩,甜食食物都會令到皮膚加速衰老,到底多攝取那些食物可以提高抗氧化度和防止皮膚老化呢?

  1. 三文魚-含有大量豐富蛋白質,含有omega-3多元不飽和脂肪酸,有抗氧化功效可延緩皮膚老化.
  2. 紅石榴-紅石榴已經被證實具有很強既抗氧化作用,它含有一種叫鞣花酸既成分,可以使細胞免於環境中既污染和紫外線既傷害,滋養細胞,減緩肌膚既衰老.
  3. 葡萄-含有大量葡萄多酚,具有抗氧化功能,有效延緩衰老.它還含有單寧酸,檸檬酸,有強效既收斂效果及柔軟保濕作用.另外葡萄果肉蘊含維生素B3及豐富礦物質,可深層滋潤、抗衰老及促進皮膚細胞更生.
  4. 堅果-富含維他命E既堅果類食物 (腰果、核桃、榛子、花生等) 除左有抗氧化功能之外,還可以保護和修護皮膚組織.但係要留意果仁油分較多,注意勿過量,每日可以吃四至六粒.
  5. 檸檬-檸檬中含有維生素B1、維生素B2、維生素C等多種營養成分,還含有豐富既有機酸、檸檬酸,具有很強既抗氧化作用,對促進肌膚既新陳代謝、延緩衰老及抑制色素沉著等都十分有效.
  6. 藍莓-藍莓含有大量生理活性物質,能保護細胞,避免受過氧化物破壞,有研究中心發現藍莓是花青素含量最豐富既水果,藍莓在40餘種蔬果中既抗氧化能力在排名最前.

多攝取以上既食物係可以提高抗氧化度和防止皮膚老化,除左攝取食物我地適時做下運動,配合均衡飲食,最重要保持心情開朗,咁我地大家都可以擁有年輕同健康既皮膚啦!

2015年5月2日 星期六

使用洗面機或其他洗面工具來清潔皮膚好嗎?


Clean Skincare 小知識

如要擁有健康肌膚最關鍵既第一步就係清潔皮膚,清潔皮膚既目的就是幫肌膚將日常空氣既污染物,化妝品,油脂,汗水及老廢角質細胞等清洗乾淨, 所以清潔呢個環節係好重要架~而市面上又出左咁多不同類型既洗面機或其他洗面工具,到底對清潔皮膚有冇幫助?暗瘡皮膚用唔用得呢?用法和力度又係咪有影響呢?我地一齊黎了解下啦!

綜合市面上有三大類既洗面機:聲波震動型,轉動型,手動型毛刷頭

1.聲波震動型

利用聲波刷毛既擺動頻率(只有擺動不是轉動),可以潔淨震動出潛藏於毛孔內既污垢和雜質,用既時候只要輕輕貼著皮膚然後慢慢打圈,唔可以用力壓著皮膚或大力磨擦皮膚,如適當既使用可以潔淨皮膚同時刺激皮膚面部既血液循環.會增加吸收後續護膚產品既吸收能力

2.轉動型

原理有d似旋轉轉動型牙刷 ,旋轉式刷頭對皮膚既摩擦力比較大,比較刺激,如刷毛幼細清潔度有可能唔夠,但如果刷毛偏硬又容易造成皮膚拉扯或敏感狀況.

3.手動型毛刷頭

刷頭有分為海綿或毛刷型,主要利用磨擦力將毛孔中既髒污清除,清潔皮膚時磨擦力會比較強,容易造成皮膚過度拉扯,用既時候只可以輕輕貼著皮膚然後慢慢打圈,唔可以用力壓著皮膚或大力磨擦皮膚.

選擇方面我地可以跟據自己既膚質和需要去選擇一個適合自己既洗面工具,在使用當中主要留意工具既用法,力度和工具本身既清潔衛生.

有部份人用咗洗面工具後會長出更多暗瘡,這是因為工具衛生或用力過度所致:-
  • 洗面工具一般都放在洗手間這個環境潮濕既地方,這好容易令細菌滋生 ,所以每一次用完洗面機之後應該要用清水立即清洗乾淨,然後放在通爽位置風乾,避免細菌滋生影響皮膚,或定時為刷頭用清潔劑清洗,都可以防止細菌和污垢積聚.
  • 另外使用時一定要留意力度,洗面工具用既時候動作一定要輕柔地平放在皮膚上,不可以用力過度壓下,也不需要大力不停地打圈,而在暗瘡發炎期間應該盡量避免使用,如果暗瘡被過份震動和刷洗時會造成破損,細菌將會傳散到其他位置,引致皮膚發炎長出更多暗瘡.清洗時間亦最好控制在1分鐘內完成,如果時間太長會導致皮膚乾燥或產生細紋.

結論係只要大家用清潔工具時注意適當既用法和工具既清潔,其實對清潔皮膚係有幫助既!因為我地皮膚本身既毛孔有高低不平,容易令皮膚暗藏污垢引致暗瘡,黑頭粉刺等形成,如果平常只用人手去清潔皮膚係唔可以深入潔膚,所以利用洗面工具去幫助皮膚帶出污垢,係可以潔淨潛藏於毛孔內既深層污垢和雜質.亦可以減少油脂分泌,令毛孔變番乾淨細緻.

希望經過今次既分享可以令大家在選擇洗面工具上有幫助啦~