2015年6月30日 星期二

一直都無搽開防曬,幾年後既而家有需要嗎?



CLEAN Skincare 小知識 - 一直都無搽開防曬,幾年後既而家有需要嗎?

大家有無發覺而家D防曬產品越黎越多品種品牌,溫度同埋紫外線指數亦比以前更高,但究竟點解呢?如果一直無搽開防曬既你而家又需唔需要呢?不如大家一齊黎探討下呢個主題丫. 

其實原來地球伯伯都要防曬架,而佢既防曬保護叫做臭氧層,主要功能就係幫我地吸收太陽光裡面大部份既紫外線,臭氧層呢種汽體係一種帶有刺激性既氣味而小小略帶淡藍色既氣體,係氧分子和氧原子既結合體,而且呢層臭氧層離地面只有20至30公里左右咋.

但由於臭氧層係1996年被發現有缺口而且有惡化既跡象,所以地球上既紫外線越黎越猛烈,原因係人造既化學排放影響(如冷氣機既冷煤,汽車既排放,化妝品或空氣清新劑既化學噴霧,化學清潔用品既氣體等等...)令到臭氧層被破壞,而如果再惡化落去,到最後所有不同既紫外線(UVA,B,C)係無被阻格既情況下直達地球到地面到再我地既皮膚,到時後果真係不堪切想!

因為紫外線可以令皮膚:
  • 急速老化
  • 黑色素快速增加
  • 抑制皮膚既免疫系統
  • 令肌膚失去彈性
  • 嚴重既話仲會令皮膚過敏,灼傷,增加皮膚癌既機會架!

雖然聽落去情況並不樂觀,但好消息係臭氧層係2014年既時候發現有自己復原既跡象,但壞消息係修復既原因主要因為全球暖化問題而令二氧化碳同其他汽體幫助增加臭氧層,所以得到修復,但全球暖化又會衍生另一種對地球生態和人類既威脅. 

就算臭氧層係復原緊,但亦都要等到2075年先至回復到1980既狀態咋,所以幾年前既你就算無搽開防曬,但而家隨著年齡既增長,環境污染增加,紫外線比以前更強既情況下,現在既您絕對有需要搽防曬黎好好保護自己既皮膚,令自己更健康,更年輕!

題外話:其實地球係我地大家住既地方,大家生活既地方,好好保護自己之餘亦都要好好保護自己所生活既地方,希望大家有做開環保既朋友們再努力D去分享您地既成果比身邊既人,感染佢地,將環保意識分享出去!多謝你地!

而未有開始做環保既朋友們,我地好鼓勵您地開始試下著手環保,了解環保,因為過程中可以學到好多新既事物,新既知識,最重要既係您會發現親近大自然原來係一件超美好既事哦!

保護環境,您我都有責 *^.^*

2015年6月27日 星期六

粉底同BB Cream真的達到防曬效果嗎?

Clean Skincare 小Tips - 粉底同BB Cream真的達到防曬效果嗎?

相信有部份既人都會覺得搽防曬好笠呀!唔搽啦!會爆瘡同生暗粒架,天氣咁熱搽咁多層野又熱又笠,直接搽BB Cream/粉底咪得囉!裏面都有防曬成份啦...但事實又係唔係呢?

之前有分享過一篇有關防曬既文章,主題叫:BB/CC cream有防曬成份啦,仲有需要搽防曬嗎?,如想回顧既朋友可以用以下條link連結到該文章睇下:

clean-skincare.blogspot.com/2014/11/blog-post_25.html

其實搽BB Cream/粉底去代替防曬產品係唔等於防曬架,因為BB Cream / 粉底既防曬量只有25%,所以搽BB Cream / 粉底唔等於搽左防曬哦!

冇搽防曬對皮膚有什麼影響呀?皮膚會出現什麼問題?
  • 冇搽防曬產品去保護皮膚會令紫外線容易入侵,引起黑色素增加而形成色斑,亦容易蒸發皮膚水分,使肌膚變得乾和缺水,另外紫外線既入侵仲會加速皮膚老化.

咁防曬產品其實又到底防什麼?
  • 其實搽防曬是對皮膚作最前缐既保護,這層保護非常重要,可以保護皮膚免受曬黑,阻隔紫外線既傷害,防止色斑形成,防止皮膚水分流失,防止老化現象出現.

市場上既防曬產品有各式各樣的,總括黎講分左兩大類,化學防曬物理防曬,但市面上好多都係化學防曬.

而兩者既分別係:

化學防曬
  • 好處:清爽不油膩,不會有泛白情況,易於使用.
  • 缺點:只阻隔保份UVA,含化學刺激成份,化學成份會累積在皮膚層被身體吸收,容易引起皮膚過敏,滲入皮膚層引發皮膚病變.
 物理防曬
  • 好處:全面阻隔所有UVA和UVB,溫和不刺激,屬低敏性適合過敏肌膚,不會滲入皮膚層,不會被身體吸收.
  • 缺點:質地較化學防曬厚一點,有小小泛白情況,需要用按壓方式搽上面.

如果想防止色斑增加或形成,又或者想防止皮膚提早老化就要對抗UVA啦!

而要對抗UVA我地就建議最好用物理性防曬,有研究顯示基於物理性防曬裏既成份在對抗UVA方面較化學防曬更優勝和更全面,選擇時要留意有列明以下兩種成份,因為呢兩種成份係目前美國FDA和歐盟獲批准既防曬劑成份,可以全面阻隔 UVA 及 UVB:
  • 二氧化鋅(Titanium Dioxide)
  • 氧化鋅 (Zinc Oxide)

從以上既分別我地可以睇到物理防曬無論保護性和對皮膚都會比較好,只不過某部份人會覺得笠,但隨著防曬產品既製造技術越來越先進,大家只要留意下防曬產品既成份,就會發覺都有好多物理性防曬係唔笠既,另外選擇前先了解自己皮膚既性質,用不含油份既防曬產品去保護皮膚,咁就唔會又笠又生暗粒啦.

以下再講多少少關於成份既特性,希望可以幫到大家更易找到適合自己既防曬產品啦 *^^*

如果皮膚屬於暗瘡性,敏感性和油性膚質,在選擇防曬時要特別留意產品上有註明:
  • 防過敏(Hypo-Allergenic) 防過敏既產品性質較溫和,不會刺激皮膚致敏.
  • 不含油份(Oil Free Sunscreens) 用不含油份既產品就唔會塞毛孔爆瘡生暗粒,亦唔會覺得笠.

另外大家都需要留意避免產品內含有以下不良成份(一般在包裝上有列明):
  • 防腐劑 (Paraben Free)
  • 香料  (Fragrance Free)

大家要記得無論陰天,晴天,雨天,我地都一定要搽左防曬產品先,之後就可以搽BB cream/粉底.只要大家每天早上做多一個步驟,就可以保護皮膚避免出色斑,stay young喇!在選擇防曬時留意一下成份,咁就用得安心啦.以上既資料希望可以令大家對防曬產品有多一點認識啦!

2015年6月24日 星期三

保持年輕的秘密VI






Clean Skincare 小知識 保持年輕的秘密VI

如果想擁有健康和年輕既肌膚,除左可以參考我地之前分享過既皮膚護理和那些有抗氧化功效既食物外,當然仲有其他因素可以令肌膚更健康和年輕啦,答案就係保持腸道健康,解決便秘問題啦!其實原來腸道健康都會影到皮膚咖⋯⋯點解呢?便秘問題有咩影響呀 ?想保持腸道健康又可以點做呢?

據統計香港有大約7成人都有便秘問題,大家生活在一個比較緊張或者食冇定時既社會裡,所以腸道消化系統會較容易出問題而引致便秘,當中有部份人會進食瀉藥⋯纖維粉等等去改善便秘既問題,但呢個係「治標不治本」既方法!仲反而有機會令腸道問題變得嚴重添.

首先我地要知道便秘既成因和影響!點樣可以保持腸道健康?之後便秘既問題就可以解決啦 *^^*

便秘的成因:飲食不當,生活不規律,壓力過大,缺乏運動是促使腸道問題的四大元兇,由於腸道既廢物長期堆積,令到腸道蠕動減慢,影響血液循環而造成便秘,而且仲會促使腸道中既壞菌增加,益菌相對減少,以下再講多少少便秘既成因:-

  • 小吃蔬菜水果,飲水量不足,導致飲食中的纖維含量不足,包括身體內水分不足.
  • 飲食習慣如:進食時間不定時,缺乏早餐或者進食份量太少,偏食等.
  • 進食得太快,未有好好經牙齒嚼爛後消化,造成腸胃負擔,難以分解.
  • 情緒不穩,急躁,焦慮,抑鬱,失眠,長期受壓等狀況都會導致腸道機能紊亂.
  • 不良既生活如:煙酒過多,生活繁忙下強忍便意,運動量不足等情況都會減少腸胃蠕動造成便秘.
  • 服食瀉藥而造成腸道機能減弱,衰退等.

便秘/腸道問題為皮膚帶來的影響:
  •  便秘問題令身體內堆積大量毒素,腸道會加速老化,身體機能跟著退化,當毒素未能從大便中排出,被腸道吸收後再融入血液,經血液循環把毒素帶到皮膚上,之後皮膚就會生暗瘡粉刺,膚色變得暗啞冇光澤等,毒素仲會干擾新陳代謝系統,導致內分秘功能失調,從而加劇皮膚老化.

要保持腸道健康,就要從以下飲食及生活習慣中著手:
  • 增加進食纖維性食物,如:蔬菜水果,豆類和穀物類等可以幫助刺激腸道活動同時增加益菌,令腸內毒素易於排出體外,多進食菠菜,唐蒿等「深綠色菜」,大蒜,蘋果等食物,都可以促進腸道蠕動.
  • 每天要飲8杯水,早上可以空肚飲一杯淡鹽水或蜂蜜水,可補充水份和增加營養,配合腹部按摩或轉腰可幫助蠕動腸道.
  • 控制腸道的自律神經喜歡規律運作,如果我地養成每日有一個定時排便既習慣,例如在早上或晚上,當有固定時間排便時,身體既生理時鐘都會作出相對反應,慢慢就可以遠離便秘既煩惱.
  • 多做運動可以促進腸道和身體既血液循環,加速新陳代謝.
 
我地要多注意自己既皮膚,身體和腸道健康既問題,因為飲食和生活習慣都會反映係皮膚和身體機能上,如改善左腸道健康問題和排便問題之後,身體唔再累積毒素,皮膚就會顯得有光澤,身體各方面既功能變好,擁有由內至外既健康身體啦~

2015年6月21日 星期日

綠茶對皮膚的好處有...


Clean Skincare 小Tips - 綠茶對皮膚的好處有...

大家喜歡飲綠茶嗎?近年不少研究指出,綠茶中的不同成份對身體有數不盡的好處,綠茶有助身體健康,對皮膚有延緩衰老的功效,而越來越多食品亦標籤有綠茶成份,因此成為目前相當熱門既保健產品.既然綠茶有促成美麗與健康既原素,今次就為大家分享綠茶究竟有甚麼好處啦?

綠茶成份含丹寧,兒茶素,茶多酚,咖啡因,茶氨酸, 維他命C,E,K等成分,而每種成份皆具有不同既好處和功效:
  • 丹寧(多酚霉):是茶葉化學成分中最重要部分之一,它與茶的淺綠色,滋味,香昧都有密切既關係.
  • 兒茶素:在各類茶葉中,以完全未經發酵,營養能完整封存的綠茶,兒茶素含量最高,約佔30%至40%,即一杯250毫克既綠茶有80至100毫克兒茶素,但紅茶,黑茶的兒茶素只佔約8至10%含量.另外兒茶素能抵抗UVB所引發之皮膚癌,亦有美白及防紫外線作用.
  • EGCG :兒茶素內含有50% EGCG,經科學證實 EGCG 是抗氧化活性最強的兒茶素,是絕佳的天然抗氧化劑,而且功效已獲得認同,兒茶素的抗氧化效果是維他命 E 的 20 倍、維他命 C 的 50 倍,這是因為特殊的萃取製程才能達到的保健功效.EGCG 有助抵抗皮膚炎和減少因日光做成既傷害,有助防止老化和皺紋產生.
  • 茶多酚 :綠茶含有大量的茶多酚抗氧化劑,有效排除體內的活性氧和活性氮,這大大減少體內自由基的形成及低密度膽固醇的不良氧化.茶多酚係水溶性物質,用它洗臉能清除面部的油膩,收斂毛孔,具有消毒,滅菌,抗皮膚老化,減少紫外線輻射對皮膚既損傷.
  • 咖啡因,茶氨酸,豐富既維生素C,E,K:有抗氧化功效和中和游離子,有助去除色斑,皺紋和色素,能使肌膚更緊實而有彈性.

飲綠茶有利於皮膚和身體健康,另外綠茶中的豐富營養成分還可以做面膜,以下為大家分享3款DIY綠茶護理:-

DIY對抗暗瘡面膜
  • 成份:1湯匙綠茶粉, 1個蛋白 ,1茶匙生蜂蜜/天然蜂蜜 ,攪拌後敷15分鐘然後洗掉.
  • 功效:綠茶中的兒茶素有抗菌功效,能夠減低暗瘡紅腫及發炎既情況,有效減淡暗瘡印.

DIY 去角質護理
  • 成份:1.5湯匙乳酪 ,1/2湯匙乾綠茶葉, 先敷15分鐘然後再輕輕打圈按摩1分鐘然後洗掉.
  • 功效:綠茶葉能使毛孔內的毒素排出,有效去除角質,能深層清潔毛孔,有效改善暗啞膚色.

DIY 眼部護理
  • 成份:綠茶包+水,放雪櫃冷凍,用棉花浸濕敷眼 / 或直接用綠茶包敷10-15分鐘然後洗掉.
  • 功效:綠茶含維他命K可以對抗水腫,減少浮腫,減淡黑眼圈,能舒緩疲勞等.

注意:雖然綠茶好處多的是但飲用要得宜,切忌以茶代水,有心血管病或正服用薄血藥的人士不宜飲用,貧血人士不宜經常飲用,而孕婦懷孕亦不宜多飲哦.

2015年6月18日 星期四

做激光後會反黑嗎?皮膚會變薄嗎?

 
 Clean Skincare 小知識-做激光後會反黑嗎?皮膚會變薄嗎? 

關於做激光護理後會有{反黑現象}既說法有好多,亦都有好多疑問,例如:
  • 做激光護理後有時見到D色斑變深色左,係咪=反黑呀?咁即係色斑會變得再深色d嗎?之後會變番淺色嗎?
  • 聽到身邊既朋友講:唔可以做太多激光㗎⋯⋯會好容易有反黑既情況呀!
  • 做激光皮膚係咪會越做越薄咖?

就以上既說法和疑問,我地一齊黎探討下啦:-

{反黑}是什麼? 
  •  反黑係屬於「發炎後色素過度沉澱症 Post-Inflammatory Pigmentation=PIH」,當皮膚發炎時,皮膚既機掣下會增加黑色素細胞去保護發炎中既皮膚,這時黑色素細胞增加後會較容易出現色素過度沉澱. 

 點解激光護理後會出現有{反黑}現象?
  1. 處理色斑問題有不同種類既激光護理,如有一種分段式雷射 Fractional CO2 Laser 這類創傷性激光治療會令皮膚表面受損,受損既皮膚會處於有傷口和發炎狀態,在傷口復原過程中有機會造成發炎後色素沉澱症,亦即反黑現象既出現.
  2. 過多過頻的激光治療反而會傷害皮膚自身既屏障功能,即皮膚在未復原既情況下又再繼續用激光刺激皮膚,這會令黑色素更活躍並造成反黑的結果.
  3. 護膚品或化妝品中毒素既刺激(有研究發現護膚品或化妝品既成分有明顯既傷害性和刺激性),這些有毒成分不斷累積在皮膚真皮層(底層)內形成慢性發炎,結果當然是不斷地反黑.
  4. 激光護理後皮膚是處於較為敏感既狀態(皮膚在更新中),如果皮膚在沒有保護(冇用物理性防曬產品/冇做好防曬措施)既情況下,受到紫外線既照射後,會出現黑色素增加現象,本來已經淡化既色斑都會加深,反黑既情況是絕對會發生的.
  5. 激光護理後用含美白成份既產品,美白產品因為吸光度相當高,當皮膚吸收大量紫外線既照射後,都會出現黑色素增加現象,反黑既情況是絕對會發生的.


怎樣避免激光護理後有{反黑現象}出現?


  1. 處理色斑問題應避免接受創傷性激光治療,可選用Q-switched Nd:Yag激光治療,這種雷射用最短既時間釋放高能量來把熱能對皮膚的傷害減到最低,在瞬間並集中性地破壞色斑的黑色素,造成反黑既機會極微.
  2. 做激光既過程中會產生熱能將黑色素擊碎,所以治療後應給予時間皮膚休息和復原,黑色素被擊碎後會被體內的巨噬細胞所吞食,分解並排出體外,一般需要2-4星期後才能進行下一次的激光療程,不可以太瀕密.
  3. 激光護理後應避免使用含大量化學成份或刺激性的護膚品和化妝品,避免使用含酒精或美白成份的產品
  4. 激光療程後一定要搽物理性防曬產品和加強補濕護理去保護皮膚 

至於做激光護理後皮膚係咪會越做越薄?
  • 激光既熱能會刺激到真皮層內既膠原蛋白增生更多新既細胞,所以做激光護理會令皮膚真皮層既厚度增加,當真皮層內有增生的膠原蛋白支撐住皮膚下,反而會覺得面上飽滿左,而唔係會令皮膚越做越薄咖. 
  • 今次既分享希望為大家對{反黑現象}既說法有多d了解,其實對於做不同既激光護理,都需要知道要注意既事項,前後既護理等等,咁就可以避免出現{反黑現象}而又可以得到治療既功效啦.如果大家想了解更多激光護理或反黑現象,隨時歡迎您與我們聯絡: 
如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 

2015年6月15日 星期一

細個讀書時面上已經開始有斑lu,一直都習慣咗喇!但真係可以唔理嗎?


Clean Skincare 小Tips - 細個讀書時面上已經開始有斑lu,一直都習慣咗喇!但真係可以唔理嗎?

D斑一路跟著成長都冇理過,不過成年後漸漸發現越來越多,面上有好多啡黑色點點同色素,睇落皮膚好差,好似有好多野係塊面度,都唔識分係暗瘡印定係斑呀~~><~~,個樣好似老左暗沉左好多咁,好想快D整走佢呀!

皮膚有色斑經常都會比人感覺面上有好多點點,睇落面上好多野,好唔精神咁.而雀斑及色斑成因係皮膚受到紫外線入侵所致既,皮膚本來會製造出黑色素來作自我保護,但隨著年齡增加,新陳代謝逐漸減慢,身體未能將多餘既黑色素排出體外,於是雀斑及色斑等問題就形成,色斑一但形成就一直留在面上,除左紫外線,女性荷爾蒙既影響,壓力,不當使用化妝品,生活習慣和飲食不均等都會令身體產生過多既黑色素.

其實無論任何歲數如果去除左面上既色斑之後,皮膚即時變得白d乾淨d,外觀上睇落都會年輕D精神D同埋健康D啦,所以就算成長過程中冇理過,但係成年後早D去處理就可以早D靚啦.

激光是現時係最有效和較快捷既治療方式來徹底清除不同類型既色斑,而Clean Skincare採用有國際品質認可証書既激光儀器,來確認儀器既穩定度,安全性和治療效果,大家如果想了解多D激光去斑既療程或想預約一次免費體驗,隨時歡迎您與我們聯絡哦:

2015年6月13日 星期六

做碳粉激光護理有什麼好處,同毛孔粗大有咩關係呢?


Clean Skincare 小知識-做碳粉激光護理有什麼好處,同毛孔粗大有咩關係呢?

炎熱既夏日會使皮膚油脂分泌增加而變得容易出油,生黑頭粉刺和暗瘡既數量都會隨之增加,跟隨著就出現有毛孔粗大,暗瘡印,暗瘡疤痕既問題.

大家可能會唸⋯⋯當我生左好多暗粒和黑頭粉刺時,塊面摸上去凹凸不平,就好想盡快去搵美容師或自己用人手針清既方法去清理乾淨,雖然好痛但我諗呢個方法應該可以令塊面平坦左,而心理上又覺得乾淨左既感覺,但係久而久之就發覺點解清極都有野清,好似治標唔治本,惡性循環咁,跟住毛孔仲變得越黎越粗大,多左暗瘡印和暗瘡疤痕添...點解?

原來呢d都係因為皮膚長時間過度擠壓而造成既後遺症.要處理油脂分泌,生黑頭粉刺和暗瘡既既問題又唔想有以上既後遺症出現,做碳粉激光護理係一個好好既治療方法,碳粉激光護理既原理和好處有以下:
  • 碳粉激光護理可以改善油性膚質,先用天然碳粉覆蓋全面毛孔上,使天然碳粉滲透毛孔內.
  • 激光把已深入毛孔內既碳粉進行氣化,作用係即時去除老化角質,清潔和疏通毛孔內既油脂污垢,達到深層清潔,幫助平衡油脂分泌,減少暗瘡形成和去除黑頭粉刺等問題.
  • 碳粉激光護理既熱能還可以促進膠原蛋白增生,同時增強毛孔緊致度.
  • 碳粉激光護理對皮膚是屬於溫和既治療,完成後面上不會有傷口,不會傷害皮膚幼嫩既纖維組織,沒有紅腫既情況還可以即時化妝,皮膚漸漸會變得乾淨而平滑.
  • 約3次治療後會看見膚質有明顯既改善

提提大家真係要忍下手呀,唔好經常摸面,唔好用針清既方法去擠壓皮膚,本來我地既皮膚都好幼嫩,如果不小心用力過度就會容易整傷皮膚層, 如果想了解更多皮膚護理和有關碳粉激光護理,隨時歡迎您與我們聯絡:

2015年6月10日 星期三

石頭瘡,丘疹,白頭粉刺??



Clean Skincare 小Tips - 石頭瘡,丘疹,白頭粉刺??

相信大家對於暗瘡皮膚或多或少都有D疑問,而今次分享比大家既小知識,希望能為大家解決暗瘡皮膚既疑問啦.

暗瘡有非發炎性和發炎性兩種:
  • 非發炎性=白頭粉刺和黑頭  
  • 發炎性=丘疹(紅腫暗瘡),含膿暗瘡和石頭瘡
非發炎性的白頭粉刺

表面看稍為突起既白頭粉刺,通常難以浮出來,可定期使用溫和去角質產品,幫助去除表面老化角質,減少毛孔閉塞,白頭粉刺便能輕鬆浮出洗走.

非發炎性的黑頭

表面睇是黑點,內裏有黃白色半透明的脂粒,形如一粒小米,可配合用含果酸成份既洗面產品幫助加強去除表面死皮角質,使毛孔內既黑頭更易溶解掉.

發炎性的丘疹(紅腫暗瘡),含膿暗瘡


在皮膚表面上既粉刺,當受到空氣污染及細菌滋生演變成發炎,出現含膿、紅腫暗瘡,當碰到會感到痛楚,這時可做果酸療程幫助去除大部份死皮角質,使內裡含膿物更易排出,亦可以做激光療程去幫助暗瘡位置作即時消炎殺菌,降低紅腫發炎狀況,平衡油脂分泌.若清況嚴重可諮詢醫生關於服用藥物去治療暗瘡.

發炎性的石頭瘡


石頭瘡是皮膚深層發炎下所產生,觸碰到會感到痛楚,表面很硬只看到突出紅腫,原因是內分泌先調引起,可以定期做果酸療程或激光治療幫助去除表面老化角質,使深層位置加快將發炎物從皮下層代謝走.若清況嚴重或持續,可諮詢醫生盡快處理,因為若處理不當石頭瘡會擴大發炎範圍或留在面上達致數月.

如果長出暗瘡時沒有得到正確的護理,尤其是經常擠壓暗瘡既位置,即使暗瘡凋謝後,還是會留下暗瘡印,暗瘡疤痕或凹凸洞,關於凹凸洞既形成可以睇番我地之前分享過既POST <點解d暗瘡印咁難退,又有暗瘡疤,有d位仲形成左凹凸洞添,會唔會好得番呢?>http://clean-skincare.blogspot.hk/2015/01/dd.html

總結處理暗瘡問題可選擇用果酸治療,光學治療,外敷藥物如維他命A酸,抗生素藥膏,或口服藥物如維他命A酸、抗生素、荷爾蒙藥及其他合適治療等,均能有效控制或減少出暗瘡既狀況.要注意當皮膚不斷持續生暗瘡,發炎久了就會影響皮膚附近既細胞運作,使新陳代謝減慢令皮膚加速老化,包括減少骨膠原增生,色素沉澱會提升留印留疤既可能性.所以想提提大家請不要延誤暗瘡既問題要盡快對症下藥,及早處理呀.

如果想預防暗瘡滋生,大家要注意個人衛生,保持皮膚清潔,不要經常用手摸面,作息要定時,配合良好既飲食習慣,做適量既運動為皮膚做排毒呀.

2015年6月6日 星期六

有勁黑既黑眼圈?!係咪搽D野,早D 訓就無事咖...真係得㗎?

Clean Skincare 小知識 - 有勁黑既黑眼圈?!係咪搽D野,早D 訓就無事咖...真係得㗎?

相信部份人都有以下呢個情況:
  • 我已經搽緊好多關於黑眼圈既眼霜呀..精華呀..又早左訓呀..乜唔係咁就會冇左黑眼圈咖咩 ?好似唔係好work禾!

首先了解一下黑眼圈形成既原因先,針對唔同既成因再對症下藥,唔好令情況再持續惡化,然後再配合用相關既眼部產品和眼部療程,咁樣黑眼圈問題先至可以慢慢得到解決咖.

其實眼部周圍既皮膚比較薄,只有少量皮脂腺,每日眨眼呢個動作超過一萬次,會令眼部最快出現疲勞和老化跡象.女性踏入30歲,眼部肌膚既微絲血管更為脆弱,即使冇熬夜,黑眼圈仍然容易形成.

黑眼圈形成的6大原因:- 
  • 遺傳:部份人眼周天生黑色素比較多,皮下組織特別薄弱,容易產生色素沈澱而形成黑眼圈.
  • 化妝品:成份中含大量化學物質,化學成份和色素長期停留和殘留於眼周,加上有時未有徹底卸妝乾淨,導致色素沉澱而形成黑眼圈.
  • 老化皮膚:皮膚鬆弛會產生皺摺和陰影,看上去眼周特別暗沉無精神,如淚溝型黑眼圈和眼袋型黑眼圈. 
  • 生活習慣:失眠, 睡眠不足,熬夜和過度疲勞等情況,使眼部血液循環減慢,造成眼周血管組織充血和水腫,引起眼底真皮層內的血液有瘀腫和紅血球積存,慢慢會出現黑眼圈擴大情況. 
  • 長期使用電子產品:每天長時間使用電子產品,產品發射出既輻射和電滋波會使眼周毒素積聚而形成黑眼圈,亦會加速眼睛衰老. 
  • 過敏性體質:過敏性結膜炎、鼻敏感、異位性皮膚炎、氣喘等患者,從幼年時開始有眼周充血情況,眼睛時常發癢而搓揉導致皮膚乾燥和暗沉,或因鼻部腫脹敏感導致眼部血液循環緩慢,而使眼周呈現青黑色,時間累積就出現黑眼圈狀況.

黑眼圈的類形:
  • 色素形:深淺不一的咖啡色,色素沉澱而形成
  • 血管形:紅藍色,疲倦時會加深至瘀黑色或綠色,眼部血液循環不順而形成
  • 結構形:明顯有淚溝和眼袋,成因與日曬,乾燥或老化有關

眼部產品可選用含維他命A,C,E,和B5成份等,對不同類型既黑眼圈都有所改善,平時可以按摩眼周去加強血液循環使毒素排走,令產品容易吸收,又可以消除疲勞,減淡黑眼圈色素. 仲有眼周都要做好防曬,抵抗紫外線對眼周所做成老化既傷害,亦可以預防黑眼圈既形成.

配合有規律既生活和飲食習慣,少熬夜,給眼睛有足夠既休息,選用合適既眼部產品和做合適既眼部護理係可以解決黑眼圈既狀況咖~

2015年6月2日 星期二

擁有美肌的睡眠法


Clean Skincare 小TIPS - 擁有美肌的睡眠法

大家有冇試過明明都訓左好耐,但訓醒都覺得好疲勞,全身冇力氣,皮膚狀態好差,妝又唔貼...點解呢?原來當睡眠質素唔好既時候,就會變成咁樣.

其實睡眠質素對皮膚狀態係相當重要,有好既睡眠質素,就可以擁有美麗既肌膚.但係點樣先至係有好既睡眠質素呢?

睡眠時間
  • 大部份人既睡眠時間由6-8個小時不等,如果可以每日都盡量保持有規律和固定既睡眠時間,咁樣可以令我地擁有高質量既睡眠,而固定作息時間能令身體機能及皮膚狀態保持穩定.
  • 睡眠時間應該係夜晚既10至12點內,等我地係凌晨1至3點處於熟睡既狀態,因為這段時間細胞的新陳代謝最活躍,肌膚進行細胞修復調整,此時修復荷爾蒙既分泌量係一天中最多既時候,肌膚細胞亦會從損害中回復,再度恢復健康的狀態.相反如果在這重要的時間裏沒有睡著,修復荷爾蒙可能無法充分地分泌或使分泌量減少.

熬夜
  • 熬夜係美肌既頭號敵人,熬夜會令細胞既修復活動無法充分地進行.就算第二日睡到中午先起床,身體疲勞感也沒有減輕,肌膚還是會受到影響.
  • 太夜訓或睡眠不足都會促使新陳代謝功能受阻,造成老化角質堆積增厚,肌膚失去透明感,變得暗啞.作息不正常也有可能導致荷爾蒙失調,造成身體新陳代謝能力下降,會影響黑色素的生成與代謝,降低表皮層的修護能力,大大影響膚質.
  • 睡眠不足,夜訓都會造成眼睛周圍的血液循環不良,引起黑眼圈,眼袋或者眼球佈滿血絲既情況.另外睡眠不足,會將整個排毒過程搞亂,導致體內毒素積聚,不但影響膚質,仲會影響身體既健康.所以把握排毒時間,進入熟睡狀態,可將毒素有效地排走,令細胞更健康,肌膚更飽潤光澤.

由今晚開始好好保持有規律和固定既睡眠時間,養成早睡既習慣喔,讓我們一邊睡覺一邊擁有美肌啦.

2015年6月1日 星期一

天然成份既保濕護理產品

Clean Skincare 小知識 - 天然成份既保濕護理產品

我地係不同既年齡層都需要做好保濕護理,但係有什麼天然成份既保濕護理產品好呢?而呢個產品又有什麼好處?我地今次就同大家分享呢個又天然又保濕既產品啦:- 

<蘆薈>天然草本植物
  • 原產於地中海和非洲等, 而野生蘆薈品種有多達300種,可食用的品種只有6種,而當中對皮膚有益處既品種係吉拉索/ 庫拉索蘆薈(Aloe Vera/Aloe barbadensis) .

蘆薈對皮膚的好處 

  • 蘆薈含有多種碳水化合物以及氨基酸,維生素,礦物質,有機酸,多糖及微量金屬都是皮膚天然保濕因數(NMF)中的成分,因此它可以成為模擬天然保濕因數的極好保濕劑,蘆薈特有的親水作用,能夠吸收空氣中的水分,達到保濕效果. 還有蘆薈中含有的膠質可以使皮膚柔軟化,有消炎,美白,防止小皺紋,消除眼袋,改善皮膚鬆弛的效能.

DIY新鮮蘆薈保濕mask
  • 做法:首先將新鮮蘆薈用塑膠刀或不鏽鋼刀(不可以用金屬刀,因為會造成蘆薈成份氧化變質)剪走兩側刺和剝掉綠皮,取出中間那層透明膠質,然後再切走面及底部淺層,只拿取出中段那層透明膠質,之後刴碎取汁,就可以直接塗上面部等10-15分鐘,然後沖洗乾淨.
  • 但記得第一次用之前先塗小小在頸或手的內側,測試自己有冇對新鮮蘆薈敏感,之後先塗上面部,因為部份人既皮膚有可能對蘆薈有過敏現象. 

另外市面上都可以買到各式各樣既蘆薈gel,我地只要留意成份當中含有多少蘆薈成份,而避免選用含大量化學成份,酒精,香料等刺激皮膚成份.

我地多選用天然成份既產品咁皮膚就可以健康D靚D喇~