2015年8月30日 星期日

美白嫩膚激光既好處

CLEAN SKINCARE 小Tips - 美白嫩膚激光既好處

上一篇同大家分享左皮膚變黃同黯沉既成因啦,今次就講下激光護理究竟可以點樣有效地幫到大家去改善膚色黯沉黯啞既問題啦.

了解激光處理膚色既原理:
  • 其實皮膚組織有三種物質會對激光起作用(黑色素,氧合血紅素和水分子),我地統稱為「載色體」(chromophore).而當激光直達真皮層接觸到黑色素時就會將佢擊碎,之後隨著皮膚代謝循環 ,慢慢就會排出體外,而且激光中既熱能可以刺激皮膚內既細胞,為真皮層加熱,令其膠原蛋白新生重組合成,續漸改善膚質和改善黯沉黯啞既膚色,回復白嫩.

用激光處理膚色既好處:
  1. 由於激光護理進行期間並沒有採用任何化學成份既產品,所以皮膚絕不會吸取到任何化學產品.
  2. 激光護理只需每兩至三個星期做一次,不需頻密地進行就能有效地改善黯沉黯啞既膚色和回復白嫩.
  3. 激光護理可以令皮膚更光滑既另一個原因係因為臨床經驗上證明激光有去除細毛既功效和護理既過程中會去除已氧化既角質.

需注意既事項:
  1. 激光護理後皮膚會在數小時內有泛紅情況,但之後就會減退,亦不會有脫皮情況.
  2. 激光護理後皮膚是處於較為敏感既狀態(皮膚在更新中),如果皮膚在沒有保護(冇用物理性防曬產品 / 冇做好防曬措施)既情況下,受到紫外線既照射後,就會出現黑色素增加現象 ,所以一定要時時刻刻都要搽物理性防曬產品哦.
  3. 由於激光會產生熱能,為真皮層加熱,所以護理後要多加注意補濕方面既護理哦.
  4. 激光護理後不能搽帶有美白成份或刺激成份既護膚品 / 化妝品.

激光護理除左可以有效美白嫩膚外,其實仲可以有效地處理其他不同類型既皮膚問題.

大家如果對美白嫩膚激光護理或其他激光護理有興趣既話,可以隨時與我們聯絡了解更多資訊哦.

2015年8月27日 星期四

唔知幾時開始皮膚變得好黃,好黯沉黯啞,點解會咁架?


CLEAN SKINCARE 小知識 - 唔知幾時開始皮膚變得好黃,好黯沉黯啞,點解會咁架?可以變番白D嗎?

我地女仔化妝好多時都係想皮膚可以睇落膚色均勻d,白d,遮下d暗瘡印,瑕疵等等,但係當夜晚落左妝之後,d膚色睇落好似好黃好黯沉咁,點解會咁?係咪關d化妝品事?

其實大家都會想皮膚睇落白d,膚色均勻d,唔駛成日靠化妝,或者可以搽薄d粉都得,但到底點做可以令皮膚變番白滑D呢?

首先不如我地一齊了解下皮膚點解會變得又黃又黯沉既成因先:-

  1. 忽略用防曬產品:讓紫外線照射刺激下,使黑色素過度生成,令角質層受傷導致皮膚水份流失,使表面觸感粗糙,膚色睇落會顯得黯沉.提提大家在日常生活中,要堅持每日搽防曬霜.
  2. 角質層氧化:電磁波,電腦手機螢幕和空氣污染等情況,都容易刺激體內產生過多既自由基,使角質層氧化,膚色睇落好黃冇光澤和顯得黯沉.我地可以為肌膚補充抗氧化性物質,例如多攝取含維他命C抗氧化既蔬菜水果.
  3. 休息時間唔穩定:太晚睡或睡眠不足會造成新陳代謝力下降,影響黑色素生成與代謝、降低表皮層的修護能力,亦可能造成內分泌混亂,進而影響膚質.晚上睡眠是皮膚更新、修復既時侯,舊既老化角質細胞會脫落,新既細胞會生長,這都在睡眠時段發生,但作息不穩定會讓新陳代謝功能受阻,造成老化角質堆積增厚,肌膚自然失去透明感,呈現灰暗泛灰既黯沉狀,所以我地要維持作息定時早睡既習慣呀.
  4. 吸煙:會引致微血管收縮,令血液循環變差,皮膚變成缺氧狀態,膚色自然黯淡,另外吸煙還會破壞和減少自身既維他命C,每抽一根煙就會令你流失體內25-100mg既維他命 C,維他命C具有抑制黑色素,抗氧化(抵抗皮膚氧化變黃),抗發炎和幫助皮膚更新的作用,對皮膚十分重要.我地可以嘗試戒煙令身體和皮膚變得更健康.
  5. 化妝品既影響:化妝品既化學成份和護膚品中所含有的鉛,汞,重金屬等有害物質對皮膚既損害非常大,會令膚色變黃變深,另外化學成份會帶走皮膚既水分,導致皮層分泌大量油份,漸漸形成外油內乾,敏感既膚質,皮膚也因此變得黯啞無光澤,加上化妝後冇徹抵落妝,污垢仍然殘留係面上,這都會令皮膚變得黯黃和黯啞.我們可以多選用天然有機成份既護膚品和化妝品.

以上只是部份成因會造成皮膚點解會變得又黃又黯沉,同埋提出左預防既方法,而至於有部份人選擇用美白產品來處理,但建議首先要了解產品既成份,因為美白產品既成份多屬刺激性和化學性,而美白產品係可以短暫抑制黑色素增生或短暫減淡色素,但並唔係可以解決去黃去黯沉嘅方法哦,因為:
  1. 美白產品只可令皮膚短暫變白,但並唔會完全將黯沉發黃既膚色變白.
  2. 長期使用美白產品只會過度抑制色素嘅產生,反而會令皮膚細胞受到傷害.
今次先讓大家了解皮膚會變得黃同黯沉既成因先,下一篇<美白嫩膚激光既好處> 會講下激光護理究竟可以點樣幫到大家去改善膚色好黃,好黯沉黯啞既問題啦

2015年8月23日 星期日

DIY對抗暗瘡果汁

CLEAN SKINCARE 小Tips:DIY對抗暗瘡果汁

上次分享完DIY面膜,今次我地不如整一杯天然有機既蔬果汁去對抗D暗瘡啊?!做法好簡單又可以幫助暗瘡消炎,對皮膚又有清熱排毒既功效添!
  • 材料:有機苦瓜一條,有機青瓜一條,梨一個,生蜂蜜一茶匙.
  • 營養成份:維他命A,B,C,K,蛋白質,鈣,磷,鐵,鉀,鎂,葉酸及善食纖維等.
  • 做法: 做鮮榨蔬果汁時,可以先洗刷青瓜及苦瓜皮上凹凸不平地方,可將梨子去籽去核連皮後將材料一起放進果汁機中打成汁後,最後加入生蜂蜜調混即可.
  • 對皮膚的好處:防止皮膚乾燥,有消炎作用可減輕暗瘡發炎情況,有清熱排毒既功效.
  • 對身體的好處:可排除體內多餘水份及毒素,具有抗氧化及抗發炎作用.
  • 建議:最好即榨即飲去攝取蔬果既全部營養成分,不可放置超過1小時,否則果汁會氧化失去效果.
不同既蔬菜水果都各自含有豐富既營養,如紅菜頭,火龍果,西芹,蘋果,香蕉等等...都含有豐富既維他命及膳食纖維,能預防便秘,促進消化,清熱解毒,腸胃健康d皮膚都會變得又白又滑喇.

咁健康既果汁只需要幾款蔬果幾個步驟就能做出不同功效,又簡單又好飲,大家有時間都一齊黎DlY下啦.

2015年8月19日 星期三

DIY 暗瘡消炎MASK

CLEAN SKINCARE 小知識-DIY 暗瘡消炎MASK

唔知大家生緊暗瘡又發炎期間有冇敷mask呢?其實暗瘡發炎期可以用性質溫和既天然成份面膜去舒緩發炎狀況哦,但就要留意唔好用含刺激性成份如:酸性或化學性成份既產品,因為呢D成份會阻塞毛孔令暗瘡惡化.

所以今次我想同大家分享一款用天然成份做既「DIY暗瘡消炎mask」,呢款mask可以一個禮拜做一至兩次,令暗瘡發炎位置得到舒緩又可以快d復原. 

材料有3種:
  1. 紅蘿蔔 1/3條
  2. 蘋果  1/2個
  3. 乳酪 適量
功效:
  1. 紅蘿蔔中含有維他命A,C,E和B胡蘿蔔素,茄紅素等,有效幫助暗瘡皮膚消炎殺菌,將炎症降低,抑制暗瘡惡化,加快暗瘡凋謝.
  2. 蘋果含有豐富維他命B1,B2,C 及胡蘿蔔素,煙酸(亦稱維他命B5 ),另外含有糖類,脂肪,蛋白質,果膠,鈣,鉀,鐵,鋅,纖維素,蘋果酸,鞣酸等等.幫助皮膚變得細滑,有滋潤,有抗氧化作用,而且幫助消除暗瘡.
  3. 乳酪內含豐富既乳酸,可以幫助皮膚去角質,有消炎殺菌和減退暗瘡功效.
使用方法:
  • 首先將1/3條紅蘿蔔和1/2個蘋果清洗乾淨後,連皮放入攪拌機攪勻或壓爛成泥狀,然後混入 1:1 乳酪份量,攪拌均勻將面膜敷在臉上15-20分鐘,然後用清水洗乾淨,之後塗上保濕型護膚產品.
建議大家平日要保持皮膚乾淨乾爽,而且因為我地手指有細菌,所以係暗瘡發炎期間唔好時常用手觸摸哦 *^^*

2015年8月15日 星期六

不要小看一個人的力量

CLEAN 環保 - 不要小看一個人的力量


從今日開始,我地會為大家再增加多一項主題,叫做CLEAN環保.

如果有睇開我地D文章既朋友們都知道我地一直都好注重於天然成份,無害成份和大自然環境,而近幾年大家都好關注環境保護,全球暖化,臭氧層穿壟,環境污染,北極冰雪融化,植物動物面臨絕種等問題,因為以上問題都嚴重影響全球生態平衡和生物多樣性既運作,而我地人類亦係大自然既一份子,所以當然要攜手為保護我地既大自然環境和地球出一分力啦.

關於環保,雖然已經有環保組織在做環保工作,但其實我地每個人亦都可以出一分力一齊幫手做哦,我地可以先從自己開始,由個人到家居,公司做起,之後再感染身邊其他人一齊做.為我地既地球盡一點力.

而最直接就係自己先減少製造污染和減少浪費開始,以下是隨手可做的環保十件事:-
  1. 家用既清潔劑大部份係由化學物質合成製造的,雖然每次用量好少,但每日都用既話份量就唔少啦,長期累積使用化學物除左對健康會有影響外,當呢D化學物質流出大海都會對環境造成污染哦.所以大家避免用化學合成清潔劑,可多用天然清潔劑,如將白醋和梳打粉溶於水中,即可成為多用途既清潔劑,既環保又省錢.
  2. 將自己個人紙張分類,一般公司都會用到好多紙張,盡量雙面使用紙張,循環再用避免浪費,可自製環保箱收習廢紙再送到垃圾(紙張)分類箱.
  3. 電腦,家居電器,燈等等在不用電時,請關上電源並關掉插蘇掣.
  4. 出外Shopping不要膠袋,常自備環保袋.
  5. 不再收取以紙張印刷的月結單,改用電子月結單.
  6. 避免使用發泡膠盒、塑膠刀叉、紙杯及軟木筷子等即棄餐具,改用耐用的餐具.
  7. 多吃本地出產的食品,既新鮮,又可減少長途運輸耗用的能源和所產生的污染.
  8. 購買有機食品,可減少化學農藥和肥料對環境和身體的傷害. 
  9. 避免購買紙盒,罐裝的食品和飲品,因為這些包裝不能循環再用.
  10. 自己不吸煙(或戒煙),奉勸別人少吸煙.
每一個人都可以盡一份力量,看以上環保十件事比想像中簡單得多,但所累積既效果和影響,絕對係比我地想像得更加大和多,小動作大影響就靠我地而家開始做起.

想知一個人既力量可以發展到幾遠大?以下就分享一個19歲學生對環保既心態然後付諸實行,佢憑一個人既想法與力量正在拯救地球和正在保護海洋生態哦.

片中既主角同自己既團隊一起為浩瀚既海洋在清走數以萬噸計既垃圾(據統計大平洋環流裏就有大約725萬噸既垃圾,重量等於1千座法國艾菲爾鐵塔),而呢個數字相當驚人,演講中想帶出既訊息係其實每一個人都可以做得到,只要唔好亂拋垃圾到大海,水塘,溪流或沙灘中 ,就咁簡單既事你我都可以合作做得到啦.*^^*

影片 : How the oceans can clean themselves: Boyan Slat at TEDxDelft (中文字幕請按右下角的第二個ICON)

2015年8月11日 星期二

了解暗瘡印 II

 CLEAN SKINCARE 小Tips -了解暗瘡印 II

上一篇既《了解暗瘡印 I 》同大家分享過暗瘡印既形成和預防,今次我地就會講下暗瘡印同色素沉澱既關係,暗瘡印既處理方法,做激光治療對暗瘡印既幫助和好處等等..

暗瘡印=色素沉澱

暗瘡印係屬於皮膚深層色素既問題,醫學上稱為<炎症後色素沉澱>,當皮膚發炎時(即暗瘡長出時),表皮層最底層既細胞會受到破壞,自身既黑色素細胞因受到刺激而釋放出大量黑色素,使黑色素沉澱於真皮層內,形成暗瘡印.

常見的暗瘡印處理方法有:

1)搽美白產品


如選擇用美白產品去減淡暗瘡印既話,首先就要了解產品既成份,因為美白產品既成份多屬刺激性,而美白產品係可以短暫抑制黑色素增生或短暫減淡色素,但並唔係有效改善暗瘡印既方法,因為:
  1. 用美白產品只可令皮膚短暫變白,但就唔會完全將暗瘡印既黑色素分解.
  2. 長期使用美白產品只會過度抑制黑色素,反而會令皮膚細胞容易受到傷害.
2)激光治療

使用激光治療減退暗瘡印是現時最有效和最快既處理方法,比起各種外塗產品或者傳統既治療效果會更好,更具安全性,效果更為顯著,而且激光治療唔會引起任何化學刺激,絕對係安全而有效地去減退暗瘡印既治療之一.

  • 激光處理暗瘡印的原理:光能照射到暗瘡印既位置後,色素會被光能吸收,激光能量會將色素擊碎,隨著皮膚的代謝循環,色素亦跟隨退掉慢慢消失,然後還原本來膚色.
  •  治療次數會因應暗瘡印既生成時間,色素既深淺去釐定,有部份沉積於較深位置既色素,就需要較長時間讓皮膚內既巨噬細胞慢慢吞噬去除.但一般來說療程所需既次數為3次以上.

另外治療期間要搽上物理性防曬產品,避免受紫外線照射下使暗瘡印顏色再次加深.

激光治療除左可以有效和較快地減退暗瘡印外,還可以處理其他不同類型既色斑,而CLEAN SKINCARE採用有國際品質認可証書既激光儀器,來確認儀器既穩定度,安全性和治療效果,大家如果想了解多D激光減退暗瘡印既療程,隨時歡迎您與我們聯絡:

2015年8月8日 星期六

了解暗瘡印 I

Clean Skincare 小Tips - 了解暗瘡印 I

有暗瘡印真係好煩惱,發現D暗瘡印會越黎越深色!有D仲深到好似成粒墨咁添呀,讀書時都有生暗瘡又唔覺得有暗瘡印,依家生完暗瘡D印不但唔會退走,仲越變越深色添!已經用緊好多美白去印產品,但都唔係好work咁,究竟點先可以減淡D暗瘡印呀!?

其實暗瘡印一但形成,一定要小心處理呀,因為處理不當就會越變越深色,今篇我地首先講下暗瘡印既形成再講下點先可以減淡D暗瘡印啦,其實生左暗瘡留有暗瘡印D印都唔一定晤會退既.

暗瘡印既形成
  • 當暗瘡發炎時會引起血管擴張,之後暗瘡消退後但血管沒有即時收縮,最後就形成紅色的紅印,而皮膚細胞因為發炎而造成了組織的破壞,刺激左皮膚既黑色素增加,發炎後黑色素沉澱會令生過暗瘡既地方留下深暗紅色,啡啡黑黑的顏色,就係咁形成左暗瘡印.
暗瘡印點解越黎越深色?
  • 某部份既人會因為有暗瘡印而選擇去戶外曬一曬,認為曬過後等皮膚脫皮後,D暗瘡印就會減淡,其實呢種做法不但唔會減淡暗瘡印,反而會因為受紫外線照射下而使暗瘡印顏色加重加深,形成久久不消退.所以大家要注意如出現暗瘡印時記得要搽好防曬產品,以免因接觸紫外線而使暗瘡印色素加深.
減淡暗瘡印
  1. 喝水:每天喝7-8杯水,加速新陳代謝,有助將沉澱既色素排走.
  2. 攝取維他命C:有助減退黑色素,最好由新鮮蔬果攝取,如甜紅椒,番茄,士多啤梨,奇異果,檸檬......等等.
  3. 充足既睡眠:睡覺時皮膚會進行更新活動 ,有充足既睡眠時間可以加促皮膚既代謝功能,所以盡量不要熬夜.
  4. 避免進食味精食物:味精或人工添加劑的食物會加重身體既負擔,造成黑色素沉澱,所以應避免進食含味精或人工添加劑的食物.
預防形成暗瘡印
  1. 想預防暗瘡印形成,就先要減少暗瘡滋生,再配合均衡既飲食和生活習慣,適時舒緩壓力,用不刺激皮膚的護膚產品.
  2. 在生暗瘡既時候應耐心處理,切忌胡亂使用藥物或強行擠壓,以免引起發炎,因為如發炎越嚴重,留下既印就會越深色.
  3. 要注意防曬減少接觸陽光,每天要搽含有SPF30度以上既物理性防曬產品,如太陽猛烈、有流汗既情況就要再補搽,盡量減少被紫外線照射,這樣相對會減少暗瘡印色素沉澱和加深的情況.

今次先讓大家了解暗瘡印既形成和預防,下一篇<了解暗瘡印 II> 會講下激光護理究竟可以點樣幫到大家處理暗瘡印問題,而暗瘡印同色素沉澱又有乜關係...

2015年8月5日 星期三

做Yoga對身心的好處

 
CLEAN SKINCARE食玩行:做Yoga對身心的好處

大家生活係繁忙既都市和急速既步伐下,有時都想做運動去放鬆下自己,而近年身邊不少朋友都在注重做各種運動,以前大家會因為想減肥先去做運動,但依家大家反而會希望身體健康或者想放鬆下而做運動.

但大家會選擇做邊種運動呢?我就揀做瑜珈啦*^^*

最初接觸瑜珈時,我會認為係一d比較靜態既拉下筋呀~伸展下呀等等...感覺上比較容易又舒適既動作咁...

但後來慢慢發覺原來做Yoga有好多細節同學問,因為做瑜珈除左可以提高身體既柔軟和靈活度之外,同時亦都訓練緊我地如何專注係自己既呼吸,正確姿勢,如何放鬆和進入靜態模式中.

其實係日常生活或工作中常常不知不覺地變得精神緊張,令我地身心都容易產生無形既焦慮感和壓力,而做yoga既過程中因為要全心專注所以可以幫到我地放鬆心情,遠離日常雜念,令到思想更清晰而變得心境更平和,減低焦慮,加強自我規律,變得更開朗和正面.

以下分享我自從做瑜珈後感到對身心既好處:
  • 改善血液循環:Yoga係深層伸展和收縮肌肉既運動,雖然看似靜態,但過程中會加速心跳而令含氧血液加快循環,另外某些動作可以令血液流去平時少運動到既部位,加強身體血液循環系統.
  • 排除體內毒素:做Yoga可以幫助排出汗液毒素,疏通皮膚毛孔,另外扭轉和彎曲既姿勢亦能夠刺激腸道排泄功能有助排毒.
  • 改善骨質疏鬆:女性在35歲後,骨質密度開始下降,特別停經後既女性,骨質更會加快流失,而瑜珈既動作可以提升骨質密度,強化肌肉,從而延緩與改善骨質疏鬆.
  • 放壓力:瑜珈可以淨化身心,係一種能夠令心態和思考進入靜態模式既運動,過程中可以令負面情緒得到釋放,慢慢去除身體上,心理上和心靈上既負能量,令心境開朗和保持一個正面平靜既狀態.
其實瑜珈唔單止係一種運動咁簡單,而係生活態度既一種訓練,大家試想像下係一個好靜好靜既環境裡面,無雜念地全心全意做好每一個動作,完成後感覺就好似將幾日累積落黎既壓力都卸下一樣,乜壓力都冇晒,心情真係輕鬆好多...當面對壓力和焦慮時,大家都要給自己機會去放鬆下身心釋放下壓力呀...