2015年8月19日 星期三

DIY 暗瘡消炎MASK

CLEAN SKINCARE 小知識-DIY 暗瘡消炎MASK

唔知大家生緊暗瘡又發炎期間有冇敷mask呢?其實暗瘡發炎期可以用性質溫和既天然成份面膜去舒緩發炎狀況哦,但就要留意唔好用含刺激性成份如:酸性或化學性成份既產品,因為呢D成份會阻塞毛孔令暗瘡惡化.

所以今次我想同大家分享一款用天然成份做既「DIY暗瘡消炎mask」,呢款mask可以一個禮拜做一至兩次,令暗瘡發炎位置得到舒緩又可以快d復原. 

材料有3種:
  1. 紅蘿蔔 1/3條
  2. 蘋果  1/2個
  3. 乳酪 適量
功效:
  1. 紅蘿蔔中含有維他命A,C,E和B胡蘿蔔素,茄紅素等,有效幫助暗瘡皮膚消炎殺菌,將炎症降低,抑制暗瘡惡化,加快暗瘡凋謝.
  2. 蘋果含有豐富維他命B1,B2,C 及胡蘿蔔素,煙酸(亦稱維他命B5 ),另外含有糖類,脂肪,蛋白質,果膠,鈣,鉀,鐵,鋅,纖維素,蘋果酸,鞣酸等等.幫助皮膚變得細滑,有滋潤,有抗氧化作用,而且幫助消除暗瘡.
  3. 乳酪內含豐富既乳酸,可以幫助皮膚去角質,有消炎殺菌和減退暗瘡功效.
使用方法:
  • 首先將1/3條紅蘿蔔和1/2個蘋果清洗乾淨後,連皮放入攪拌機攪勻或壓爛成泥狀,然後混入 1:1 乳酪份量,攪拌均勻將面膜敷在臉上15-20分鐘,然後用清水洗乾淨,之後塗上保濕型護膚產品.
建議大家平日要保持皮膚乾淨乾爽,而且因為我地手指有細菌,所以係暗瘡發炎期間唔好時常用手觸摸哦 *^^*