2016年2月29日 星期一

CLEAN護膚產品成份解碼 –防腐劑Parabens

CLEAN護膚產品成份解碼 –防腐劑Parabens(對羥基苯甲酸酯)

我地日常用緊既護膚品,化妝品,洗髮用品,沐浴乳,防曬霜,家居清潔用品都添加左防腐劑,而呢d防腐劑既作用係殺細菌同真菌,防止細菌以倍數增長和滋生,同埋防止有可能令皮膚和身體出現感染既情況,但長期用對皮膚身體有冇影響呢?

防腐劑中Parabens(學名:對羥基苯甲酸酯),係日常護膚品,化妝品,家居清潔用品最常用到既人工合成防腐劑之一,防腐劑中Parabens成本較低,抗菌範圍又廣,容易和不同形式既PH值相容,所以好普遍被使用,有同屬Parabens既系列系列包括Methylparaben,Ethylparaben,Ethylparaben,Propylparaben, Butylparaben和Isopropylparaben.

Parabens係其中一款國外好關注既成份,英國實驗証明係200個乳癌病人研究中,發現呢種防腐劑Parabens(對羥基苯甲酸酯)存在於女性乳癌腫瘤樣本中,其中有60%既乳癌病人既腫瘤組織中,更同時驗出有5種 Parabens係從皮膚表面滲入,當時既結果非常轟動,係201 0年丹麥開始禁止出售含Parabens既兒童產品,2014年開始歐盟國家都開始禁售添加了Parabens既護膚品,但依家市場上仍然有好多產品都有Parabens成份.

其實Parabens對我地身體存在著有唔少不良既影響,如經常性使用含有防腐劑Parabens既化妝品或護膚品等同於經常使用雌性激素(因為Parabens既化學結構和雌激素十分相似),咁會對我地身體有影響和產生干擾效應,係實驗中Parabens被證實嚴重影響雄性睪九激素分泌和生殖系統既功能.

另外Parabens會破壞保護皮膚既皮脂膜,令皮膚逐漸變得乾燥,若長期使用或殘留在皮膚上,有機會出現過敏和產生刺激性反應,另外有引起部份人士有接觸性皮膚炎,出現濕疹和產生接觸性蕁麻疹既情形.

所以想身體健康,皮膚靚靚,大家就要多D留意成份哦!要慎用冇傷害皮膚身體既防腐劑,咁樣生活先真正安心,無負擔哦!

如果想查詢更多成份或想做個免費皮膚測試,歡迎用以下任何一種聯絡方式聯絡我們哦:

2016年2月24日 星期三

補健食品小Tips-卡姆卡姆 (Camu Camu)

CLEAN SKINCARE 補健食品小Tips-卡姆卡姆 (Camu Camu)

由於小編服食補健食品已有多年習慣,所以對補健食品亦有多少認識,所以就想係今年開始都分享小小心得,我將會講下成份和功效,亦會講一些注意事項,希望能幫到大家從內至外都咁健康*^^*

今次首先分享既係一種天然維他命C補健食品由卡姆卡姆果所製成的,卡姆卡姆現時係香港仲未係好普及,可能因為產地來自較遠既地方,但呢種果實有好多好處哦.

其實卡姆卡姆係來自南美州既秘魯,可能大家有聽過呢個國家,但又好似好陌生咁,當然啦,從香港飛過去大概要20幾個鐘頭再加上轉機等機時間~~大概兩日啦,咁就能到達目的地了.

但係秘魯係一個好原始既國家,除了有卡姆卡姆果實出名外,還有天空之城之稱既『馬丘比丘』,為於海拔2350—2430米既的山脊上,屬於世界7大奇景之一哦,仲有羊駝同羊駝毛都好出名咖.

咁卡姆卡姆果實點解咁出名?有d乜功效?營養價值係邊?就等我黎分享下啦:

卡姆果主要生長地方係秘魯既亞瑪遜河邊,當時d原住民發現呢種可以食既果實跌落河時d魚會發出〔啊姆啊姆〕,所以就將呢種果實命名為卡姆卡姆.

但由於卡姆卡姆生長係河邊,所以會受到猛烈既紫外線同長期風吹雨打,所以卡姆卡姆擁有非常強既生存營養同抗氧化能力.經研究顯示,卡姆卡姆既營養有:維他命C,蛋白質,鈣,銅,鎂,錳,鉀,鋅等等既營養!

但其營養中最出色既係維他命C,一般含高維他命C既食品都能幫我地抗氧化,抵抗自由基,促進膠原合成,抑制黑色素增加,抗炎症等,而以下既對表能夠說明卡姆卡姆既維他命C含量比其他水果多出幾倍:

(每100g計算)
  • 卡姆卡姆-2400mg
  • 西印度櫻桃-2100mg
  • 日本柚子-240mg
  • 番石榴-183mg
  • 奇異果-75mg
  • 橙-54mg
  • 檸檬-53mg
從以上對表能睇到我地一直認為係高維他命C既檸檬原來係排好後,但因為亞洲區並冇卡姆卡姆,所以我地只能從保健食品中攝取,但留意要揀一d冇添加其他成份既產品哦.

而成年人既維他命C攝取量每日應不少於90mg,但亦不可多過2000mg哦,因為攝取過多維他命C會引起腹瀉,噁心,胃痙攣等症狀,所以足夠就好了.

好啦,今次就分享住咁多先啦,下次會再分享其他食品比大家參考哦.

如果大家想免費做一次皮膚分析,睇下自己既皮膚情況和肌齡係點?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html

與我們聯絡:

2016年2月22日 星期一

酸雨是甚麼?怎麼形成的呢?仲會令頭髮脫落??



CLEAN 環保:酸雨是甚麼?怎麼形成的呢?仲會令頭髮脫落??

呢排天氣成日落雨,但大家知唔知香港既雨水係屬於『酸雨』呢?而呢種『酸雨』其實會對我地人體有害,而且仲會影響健康和環境,但其實到底酸雨係乜?點形成?可以避免嗎?...小編今次會帶大家探討一下有關『酸雨』既一二:

酸雨其實個正式名字叫酸性沉降,而水既酸鹼值係7,如果低過5.6就算係酸雨,而香港既雨水大部份都低過呢個數值.至於會令酸鹼值減少既有天然原因亦有人為污染導致,但都以後者居多,因為燃燒氣體(如媒),污染排放(如汽車),工業排放等都會影響空氣中既化學成份,改變酸鹼值,造成酸雨.而呢種酸性物質唔單只對我地人體有害,而且對環境亦會有影響,比如:
  • 水質:因酸雨能溶解土地和岩石裡的金屬物質,隨著酸雨一直流向河流或大海,造成水質金屬污染.
  • 海洋生物:由於海水本質因酸雨而受到影響,金屬增加,魚群的腮因受到沉澱物影響,造成呼吸困難,最後死亡.
  • 樹木:酸雨破壞了樹木既結構,瓦解對細菌病毒既抗體,造成冇法吸收營養,衰退,死亡.
  • 農物:耕作用既水大部份來自於雨水,而帶有酸性既雨水能溶解土地裡的金屬物質,令農作物日月累積有毒金屬,人類進食時亦會一拼吸收而導致影響健康.
  • 人類:以上所有問題都會直接或間接影響我地,但最直接影響既係『頭髮』,因為酸性會溶解頭髮裡既蛋白質同油脂,令頭髮乾旱粗糙,失去營養,導致脫髮.
以上只是一部份,酸雨對環境或人類既影響實在非常之遠,所以各國都要著手減排,令氣溫和空氣污染減低.

而我地亦可以減排哦,每人都做出以下幾點既一份小力量,儲成大力量,咁酸雨就可以減小啦~
  • 用省電電器,養成節約能源既習慣.
  • 多D乘坐公共交通工具,因為可以盡量減少車輛數目,而令到廢氣排放量減少.
  • 大家要多多參加廢物回收,因為回收後既資源製造產品係可以幫助節省能源.
  • 減少或戒掉抽煙習慣
希望分享完今編有關酸雨既問題,大家可以一齊去支持環保,即使有時心中會有個念頭:『又唔係個個都會同自己一樣去實行,自己既一小處力量,算啦...』其實環保係為了保護地球和為將來而出既一分力量,所以我地更加要做好自己本份,另外亦要盡力感染身邊既親朋好友一齊去支持呀.*^^*

2016年2月19日 星期五

凹凸洞的分類


CLEAN SKINCARE小知識:凹凸洞的分類

之前分享過一編既"凹凸洞的構成"(可參考:http://clean-skincare.blogspot.hk/2016/02/blog-post.html)之後,相信大家對凹凸洞既構成有一定既了解,而今次既分享『凹凸洞的分類』將會同大家分析每一類既特點和分別,令大家能夠了解更多關於凹凸洞既類型!

經過我地既專業皮膚顧問指出,凹凸洞主要可分為以下3種類型:

1-) 淺盒型(box scar):
  • 凹陷既底部比較平坦和較淺,形狀帶圓形狀所以似盒狀凹陷,週邊外框較清晰明顯.
2-) 滾輛型(rolling scar):
  • 凹陷深至筋膜和真皮層,表皮開口範圍較寬大約4mm或以上,沒有明顯邊界,好似個小山丘中間向下凹落去.
3-) 深錐型(ice-pick scar):
  • 凹陷深至真皮層或更深,但表皮開口範圍較窄小於2mm,形狀似錐型狀.

而現時的治療方法一般有:
  • 激光治療:利用熱能刺激我地皮膚深層既膠原蛋白纖維重組和增生,令凹陷既皮膚回復平滑.
  • 飛梭式激光治療:破壞表皮層,造成細孔傷口,再利用傷口復原既過程來改善凹陷位置.
  • 皮膚外科手術:將別處的皮膚移植到凹陷位置或將凹陷位置開一個小口再縫合上,利用傷口復原既過程來改善凹陷位置.
  • 電漿治療:帶電既氮氣破壞表皮層,形成燙傷原理,再利用高熱能來刺激表皮下既膠原,凹陷既皮膚回復平滑.

凹凸洞既治療有多種不同選擇,但都一定要有耐性持續地進行,而如果進行有傷口的療程,就需要加倍小心護理,避免傷口埋合不當或受細菌感染哦.

所以再提提大家如果面上有暗瘡問題,一定不能擠和要好好護理直至完全好返哂,咁就可以避免日後會有凹凸洞既問題啦*^^*.

如果大家想免費做一次皮膚分析或向我地既皮膚顧問查詢更多有關凹凸洞既事項?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html


Aerial Yoga(空中瑜珈)

CLEAN SKINCARE食玩行之玩-Aerial Yoga(空中瑜珈)

大家都喜歡嘗試不同運動嗎?小編就好鍾意參與不同類型既運動,因為喜歡在做運動既過程中可以暫時停止思考,放低緊張,煩躁和不安既情緒,放鬆身體專注地做運動,享受在運動過程中同身體既交流,大家都知道做運動可以帶比身體有好多好處,但另外健康專家就認為做運動能夠令皮膚變得更年輕添^_^

今次會同大家分享下近期好hit既“Aerial Yoga空中瑜珈” 即係“反重力瑜珈(Anti-Gravity Yoga)”

空中瑜伽呢種運動主要係借助一張名為Hammock既吊床來支撐住身體,利用懸吊半空既繩索吊床在半空中做出平日係地面上好難做到既瑜伽式子,用反重力來支撐身體既平衡和重量,係無重既狀態下做出倒立,拉筋及放鬆等動作.

對於要長時間站立工作或係寫字樓長期坐著工作既朋友都有好處,因為運動主要訓練Core Muscle(核心肌肉群)即係下腰背,腹部,臀部及下肢,所以對於治療肩,頸,背痛尤其有效.

另外亦能有效地提升手臂,頸背,腰椎,盤骨既力量及耐力,關節既柔軟度和同時收緊臀部及下肢線條,增加全身血液循環,改善手脚冰冷狀況,仲可以去除眼腫,水腫面既情況,所以做空中瑜伽真係好處多多*^^*

溫馨提示:
  • 如患有高血壓,低血壓,青光眼,有腦部腫瘤及心臟病既人士都唔適宜進行空中瑜珈.
  • 練習空中瑜伽初期有可能會有頭暈情況,如有,應立刻暫停.
  • 完成動作後應腳前掌先落地,避免膝部落地受傷.
其實大家不妨係餘暇既時間適量地做下運動,伸展下身體好好享受做運動既樂趣啦*^^*.

2016年2月18日 星期四

做完激光療程後,有什麼護理和注意可以達到理想既效果呢?


CLEAN SKINCARE小知識 : 做完激光療程後,有什麼護理和注意可以達到理想既效果呢?

繼上一篇關於做激光治療後,有乜因素會令效果唔理想Q&A (可參考:http://clean-skincare.blogspot.hk/2016/01/q.html),而今次呢篇會延續講下做激光治療後,有什麼護理和注意才可以達到理想既效果呢?

一般做激光治療時大家都會比較關注治療前要注意既問題,但就比較小關注治療後要做既護理或要注意既事項~但其實做完激光後既護理會直接影響治療既成效,所以療程前後既注意事項同護理都係非常重要哦.

如果想令激光治療既效果更理想,我地既專業皮膚顧問建議配合以下事項:
首先每次療程必須相隔3至4星期
  • 原因:激光療程中既能量會刺激皮膚更新,皮膚更新期約為21-28天,激光治療時間如果太密的話,皮膚未有足夠既時間去收復,然後又再刺激皮膚,咁反而會對皮膚做成負擔.而如果每次療程相隔3至4星期先做一次,咁皮膚就會持續更新. 
色斑甩痂時唔可以用手刮甩,一定要讓痂自然脫落.
  • 原因:以免做成皮膚發炎和引致黑色素沉澱
療程後必需搽上物理性防曬
  • 原因:激光療程後要保護皮膚避免受紫外線入侵使色素和色斑再次沉澱浮現,所以要對皮膚加倍保護,要搽上物理性防曬全面去阻擋紫外線UVB和UVA既入侵.
避免暴曬
  • 原因:暴曬會使皮膚生產大量既黑色素去保護皮膚,黑色素沉澱而再產生更多既色斑,另外紫外線會加速皮膚老化,加速膠原蛋白流失使肌膚失去彈性而變得鬆弛.
為皮膚加強保濕
  • 原因:激光療程後要保護皮膚避免水份流失而使皮膚變得乾燥,因為當皮膚水份不足時,皮膚自我更生和修復機能相對會減慢,所以想去除色斑呢段時間就要加強做保濕護理.
避免使用美白護膚產品
  • 原因:大部份美白產品成份帶有不穩定因素,比較會刺激皮膚,有機會令皮膚敏感乾燥,亦容易引起光敏感,要避免使用含果酸和美白成份產品.

希望今次小編既分享可以幫助大家了解更多做完激光療程後既護理和注意事項啦,咁大家d皮膚就可以keep 得更加靚,更加健康啦!

如果大家想免費做一次皮膚分析,睇下自己既色斑情況和肌齡?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html

2016年2月12日 星期五

胸部按摩能增加大小?

CLEAN SKINCARE小知識-胸部按摩能增加大小?

今次小編想同各位女士們分享一下有關胸部按摩係咪可以幫我地增加胸部大少,到底有冇幫助呢?希望透過今篇可以幫助大家擁有更加豐滿和健康既胸部啦~*^^* 

胸部發育既年齡
  • 一般而言,22歲之前係胸部發育既黃金期,所以如果您仲係呢個黃金期內,建議多做專業胸部按摩和護理,另外亦要注意胸部保養事項如:選擇適合既胸圍,定期做按摩護理等,令胸部能夠盡量地發育.但過左呢個黃金期係咪冇得再繼續發育?咁又唔係,但就會較需要耐性和努力先能夠做到豐胸效果. 
咩因素決定胸部大小?
  • 決定胸部大少主要有乳腺組織同埋脂肪,而要達到豐胸效果就要增加乳腺組織數量和脂肪既體積,但係乳腺組織早係青春期前已確定左數量,所以如果係成年期要豐胸就只能增加脂肪既體積,但唔係食多d高脂肪食物就可以,記住千祈唔好咁做添.
咁過左青春期後要點做先可以豐胸?
  • 首先要知道其實女性荷爾蒙能夠激發血液中既脂肪,所以如果隨著血液循環流到去乳房,再同乳房既脂肪細胞結合,咁就可以催促脂肪細胞增加,令乳房既脂肪體積變多,之後乳房亦會隨著脹大變得更豐滿.
  • 而女性荷爾蒙係由卵巢分泌出黎,所以如果要達到以上效果就要配合:
  1. 良好經期規律:因為要有良好既女性荷爾蒙分泌,就一定要有健康既規律,所以就要多注意係經期前後唔好食/飲凍野,或做劇烈運動等而影響血液循環.
  2. 定期進行胸部按摩護理:專業既按摩手法再配合專用既產品,能促進乳房周邊血液循環,達到排毒功效和將脂肪帶到乳房同乳房既脂肪細胞結合,達到豐胸效果.
  3. 舒緩壓力同調節生活習慣:如果想達到以上效果,我地既生活習慣同壓力管理亦不可忽視,因為女性荷爾蒙亦會因為我地既情緒而決定分泌規律,所以我地一定要除左要從外去護理我地既胸部,從內亦不能忽視哦.
  4. 選擇適合既胸圍:胸圍如果唔適合自己既胸部,咁會導致血液循環不良,毒素積聚等問題,更多資料可參考:http://clean-skincare.blogspot.hk/2014/12/blog-post_19.html
其實擁有豐滿既胸部係一件好開心既事,但我就覺得擁有健康既胸部先係最重要,所以希望各位除左注意豐胸外,『護』胸亦好重要哦!

如果大家想用半價試做CLEAN SKINCARE既重塑美胸護理,請係旁邊既連結登記啦:http://www.cleanskincare.com.hk/zh/trial.html

如果有任何關於胸部護理上既疑問,亦歡迎隨時與我們聯絡哦:
Our website: www.cleanskincare.com.hk
Facebook: PM
Mail: info@cleanskincare.com.hk
Tel: 26283242
What's app: 9843 8821
We Chat: cleanskincare
Line: cleanskincare

食煎炸食物真係會令膚質變差和生暗瘡?

CLEAN SKINCARE 小Tips-食煎炸食物真係會令膚質變差和生暗瘡?

噚日分享左一篇關於有邊幾種食物可以對抗自由基,但有讀者問我:煎炸食物係咪引起暗瘡既元凶?

其實煎炸食物唔係引起暗瘡既元凶,因為主要引發暗瘡滋生其實係荷爾蒙分泌旺盛令皮脂分泌過多,皮膚角質變厚,油脂積聚於毛孔上並氧化,堵塞毛孔引起毛囊發炎而形成暗瘡. 所以最緊要既係皮膚清潔護理要做得好,護膚產品亦要揀d唔好含有大量化學成份既,令到皮膚毛囊潔淨暢通,咁暗瘡就唔會咁易滋生.

但係咪等於暗瘡既滋生係完全唔關煎炸食物事?其實又唔係,煎炸食物只不過唔係元凶,但佢係幫凶之一!因為煎炸食物既油份會令我地身體增加油脂同自由基,令到身體抵抗力下降,皮膚老化等問題,而當日積月累既時候,皮膚油脂分泌失調,造成毛孔閉塞,滋生暗瘡.

另外煎炸食物亦會令膚質變差,因為就以上所講,當進食煎炸食物就會令好既自由基受破壞,而壞既自由基增加,導致細胞急速老化和抑制免疫力,令細胞組織新陳代謝減慢和流失,導致皮膚產生細紋,老化,乾燥等問題.

而且食煎炸食物對身體亦冇益處,因為經過香港食物安全中心既研究和實驗同國際癌症研究機構(IARC)既顯示,如果食物經過120度既高溫處理就會產生丙烯酰胺,而呢種化學物質有機會對身體機能構成影響.

另外食得多煎炸食物亦會引起其他問題如肥胖,肝臟受損,患病風險增加等,所以煎炸食物小吃為妙!總之有其他咁多好食既食物,不如我地揀d又好食又有益既食物俾我地既身體啦,健康好左,皮膚好左,人都靚埋啦*^^*

如果大家想免費做一次皮膚分析,睇下自己既肌齡和皮膚狀態?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程或免費一次激光去班試做哦,可係旁邊既連結登記:http://www.cleanskincare.com.hk/zh/trial.html

2016年2月4日 星期四

凹凸洞的構成

CLEAN SKINCARE小知識 -凹凸洞的構成

大家生暗瘡時會唔會好似小編以前細個咁,忍唔住都會經常自己擠下暗瘡,有時同一粒暗瘡擠唔清仲要擠多幾次添,但大個左先知原來咁做會好容易出現後遺症形成左凹痕(即係凹凸洞),但我知道有d朋友仔其實都冇擠過,但當暗瘡好番之後都會留下凹凸洞?咁究竟形成凹凸洞既原因係點架?點先可以避免形成凹凸洞?同埋點樣可以改善和淡化凹凸洞呢?

經過深入既研究同埋請教過中心既同事後,以下有小小心得同大家分享:

我地先了解下構成凹凸洞常見既原因有:
  • 生暗瘡:過度和強行擠暗瘡,會令暗瘡發炎組織受到破壞,刺激底層製造纖維既組織,使纖維組織收縮和纖維化,於是令真皮層(即係皮膚底層)受損,之後纖維化組織會扯住表皮向底層拉,最後形成了凹陷既凹凸洞.
  • 經常生暗瘡在同一位置:當暗瘡炎症變得嚴重和一直持續時,會傷及大量真皮層既膠原蛋白,有機會使真皮層皮膚凹陷而留下凹凸洞,該凹洞生成後都唔會自動消失.
  • 生水痘:由於生水痘時使真皮層發炎,當真皮層受損時會啟動細胞修復,過程中出現纖維化及下陷而形成凹凸洞,這是受創傷後所造成既萎縮性疤痕.
如何避免形成凹凸洞:
  • 要避免就要從預防暗瘡形成和避免使真皮層發炎做起,因為形成凹凸洞最大成因係由生暗瘡(或皮膚炎症)而起,所以預防凹凸洞就從避免暗瘡形成做起,如可以:
  1. 保持面部清潔,定期要去角質
  2. 加強保濕令皮膚水份充足同時可以平衡油脂分泌
  3. 保持均衡飲食,小吃煎炸油膩食物
  4. 避免擠壓,挑破暗瘡
  5. 面巾和枕頭套要定期清洗更換
咁樣我地就可以避免生暗瘡而形成凹凸洞啦,如果已經形成既暗瘡就要快d適當地處理哦^^.

如何減少已形成既凹凸洞:
  • 其實凹凸洞既問題係關乎到皮膚面層至真皮層,所以一般家用產品好難可以解決凹凸洞既情況,如果較嚴重嘅凹凸洞皮膚,可選擇中層醫學換膚激光護理療程都可以有效地改善和淡化凹凸洞,原因係護理治療有助刺激骨膠原增生,令肌膚再生再撫平凹凸洞.
提提大家要忍手呀,唔好過度和強行擠暗瘡呀,其實我地既皮膚都好幼嫩,如果唔小心用力過度都會容易整傷皮膚層.

今次既分享先讓大家了解凹凸洞如何避免形成和形成既成因,而下一篇小編會分享“凹凸洞既分類”,大家有興趣可以繼續留意啦.

如果大家想免費做一次皮膚分析,睇下自己既皮膚平滑度情況和肌齡?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html

如果想了解更多皮膚護理和有關激光護理,隨時歡迎您與我們聯絡:
Our website: www.cleanskincare.com.hk
Facebook: PM
Mail: info@cleanskincare.com.hk
Tel: 26283242
What's app: 9843 8821
We Chat: cleanskincare
Line: cleanskincare