2016年4月30日 星期六

卸妝用橄欖油定椰子油好?

 CLEAN SKINCARE 小知識 – 卸妝用橄欖油定椰子油好

上一篇同大家分享既<卸妝油有咩主要成份,點解落到妝?>有提及到最好用天然植物油黎卸妝,之後收到有d讀者問我,如果天然D可唔可以用橄欖油或椰子油去落妝呢?因為睇外國既You-Tuber佢地有時會建議用天然既植物油去落妝,但皮膚適合嗎?

其實用椰子油,橄欖油還是卸妝黎卸妝,都比較容易出現同一問題就係洗唔乾淨,之後就引起毛孔閉塞,暗粒暗瘡等問題,所以要知道用法和清洗乾淨方法.

兩種天然植物油中,建議用椰子油用黎卸妝,因為椰子油屬低致敏性,有保濕,抗菌既效果,但就要選用冷壓初榨(cold pressed)的萃取法,因為純度會較高.
用法:
  1. 使用前,建議先試小範圍塗抹幾天,確定皮膚冇出現發紅或其他過敏情形,之後先再大範圍塗抹於臉部.
  2. 卸妝時,將椰子油塗於乾面上打圈按摩,椰子油會自然乳化化妝品,如頑固既睫毛液,防油眼線,粉底液等都能徹底清潔乾淨,然後用化妝棉抹掉或用廚房紙巾按壓,之後用微溫既水清洗,最後用洗面乳作第二次清潔,咁就可以清除殘留臉上既化妝品和油哦.
CLEAN SKINCARE 小TIPS:唔建議用橄欖油係因為該油含有較多既多元不飽和脂肪酸,性質較不穩定,有刺激皮膚既風險,所以唔建議作卸妝用,另外其他油類最好避免用動物油卸妝,否則會容易出現感染狀況,嬰兒油亦也不建議哦,因為其製造方式為人工製作,容易有阻塞毛孔既問題.

如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年4月28日 星期四

跳舞既樂趣

CLEAN 食玩行之玩-跳舞既樂趣

唔知大家有無試過學跳舞呢?最近除左做瑜伽外,我多左一樣運動(或者叫興趣會更貼切)就係跳舞,因為想做多d帶氧運動,又見到人地跳舞時好有活力咁(同埋最緊要聽講話瘦得快*^^*),所以都想試下.

起初擔心自己可能因為冇音樂細胞又唔識聽拍子,驚跟不上節奏動作,所以遲遲都唔敢嘗試,但原來只要踏出第一步之後,就明白到跳舞當中真係有好多歡樂同笑聲,所以今次小編分享呢編『跳舞既樂趣』係希望大家都能感受到當中既歡樂啦 ^^

我而家學緊既舞叫"Funky dance “,起初感覺學跳舞係一件難事,記動作拍子之如,亦要聽音樂,加上面對鏡子時連左右都分唔清既時候的確有d尷尬,所以連自己都不其然咁笑左出黎,但後來發覺每人都只顧及自己,加上導師亦不停地帶領一些輕鬆既歡樂氣氛,令緊張心情自然地慢慢減少,變得更輕鬆更自在.

Funky dance源自於美國,舞蹈主要係著重重拍子上擺動身體(即重base),再由各種唔同既舞姿融合一齊,引發我地身體不停跳動,所以跳起上黎非常之有力同有快感!所以就算冇跳舞底子都唔難學㗎~

其實跳舞係一種能加強心肺功能既運動,唔單只流汗量極大能令體內毒素排出,更可以幫助身體柔軟度和靈敏度,因為當中會有好多扭動身體既動作,另外燃燒體內脂肪之餘,亦幫助血液循環,令新陳代謝加快,皮膚和身體變得更加健康.

而且運動時身體會激發出一種叫“胺多氛”既荷爾蒙,係可以令我地心境愉快多一點㗎~平時如果受到各種工作或讀書上既緊張壓力,都可以嘗試參加Funky Dance去減壓,放鬆緊張既心情,又可伸展一下,痛症和心情上都得到正面既舒緩哦.

2016年4月23日 星期六

卸妝油有咩主要成份,點解落到妝?

CLEAN SKINCARE小Tips - 卸妝油有咩主要成份,點解落到妝?

其實本身小編我就好少化妝,就算化都化好淡妝,搽下唇彩畫下眼線咁,但周不時會聽到d同事講邊隻落妝油好,邊隻會整到成面暗粒,邊隻點點點...

咁我就諗到:係喎,卸妝油應該係大部份既女性每日必用既產品,所以我就搵下相關資料,了解多d關於卸妝油既原理同一d需要注意既事項黎分享俾大家.

其實卸妝油能夠卸妝既原理好簡單,由於大部份既化妝品都屬油性,所以淨係用水係難以清潔得乾淨,如果要將面上既化妝品洗走,咁就要用相同物質去融為一體再沖走,就好似當你用泥膠黐通告時,撕走後會有機會剩低一d泥膠,咁之後通常就會用另一舊泥膠黐走剩低既泥膠一樣既原理.

但就算將「油」融為一體後只用水都係沖唔走嘅,所以卸妝油會加乳化劑,令水同油可以混埋一體,簡單d講就係:用卸妝油落妝時加水(做乳化),面上打圈(將油和水混埋一體),然後沖走.

而卸妝油既主要成份都係以油脂為主,有天然植物油,化學礦物油,和化學合成三種,選用天然植物油(不刺激皮膚)當然係最好,但如果要用後兩者既話,咁就必需要注意清潔部份,如果清潔做唔好,礦物油或化學合成油就會殘留係皮膚上,封閉毛孔,容易滋生暗粒暗瘡.

另外避免用即用即棄既卸妝綿用作日常落妝,因為乳化係要經過混合後才能發揮功效,所以用即棄卸妝綿係可以幫你落妝,但就唔夠徹底,最後日積月累,造成角質過厚,毛孔閉塞等問題.

最後提提大家,就算好似我咁,唔係常化妝既人亦要每日用卸妝油輕洗一次,因為我地用緊既防曬或其他保養品中亦含有微粒和油份,所以有冇化妝都要晚上用卸妝油輕洗一次哦.

如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年4月20日 星期三

18-20歲開始要保養皮膚,但從邊一部份開始做起?

保持年輕的秘密IX-18-20歲開始要保養皮膚,但從邊一部份開始做起?

擁有18歲年輕既肌膚係最令人羨慕,因為皮膚在足夠既膠原蛋白承托下顯得水潤有彈性,而18歲時既肌膚狀況係點既呢?通常會出現d咩皮膚問題?咁應該從邊一部份開始做好保養?保養方面有那些要注意和避免呢?今次等小編分享以下小小心得比大家啦:

18-20歲時既皮膚係點?

呢個年齡既膚質會比較有彈性,骨膠原充足,新陳代謝快,但油脂亦會較旺性,所以較容易會出現毛孔粗大,黑頭粉刺,暗瘡等問題.而好多時會忍唔住手用力去擠d暗瘡,令底層膠原受損和色素沉澱,最後就會變成暗瘡印同凹凸洞了.

另外亦好多時因為忽略左防曬既重要性,令皮膚在缺乏保護既情況下,直接受到紫外線既傷害而引起雀斑,皮膚急速衰老等問題.

所以如果想保持一直年輕落去,以下既事就不能馬虎了:

卸妝+清潔:保持毛孔乾淨,預防毛孔被油脂阻塞,形成暗瘡
  • 注意選用低刺激性(pH5.5),較溫和,低泡沫既洗臉產品,洗臉時動作力度要輕柔.
  • 避免過度或清潔瀕密,避免選用清潔力強既洗臉產品,通常洗臉後會感覺皮膚繃緊,乾燥等狀況令肌膚水油失衡,使分泌過多油脂容易滋生暗瘡.但緊記如果有暗瘡既話就千祈唔好去擠哦.
去角質+面膜:定時去角質,有助均勻膚色同提升皮膚吸收能力,(應選用天然成份產品)
  • 注意每週定期1-2次,選用粒子幼細既去角質磨沙產品,力度要輕柔,但如果面上有暗瘡就唔好進行磨砂哦,之後敷上保濕面膜,為肌膚去除老化角質,增加保濕度,加強肌膚既天然屏障.
  • 避免選用粗大粒子既磨沙產品和過度去角質,避免每天敷面膜使角質代謝變得不正常,令肌膚細胞失去保水力,皮膚反而會出現乾燥,敏感泛紅現象.
爽膚水+精華+眼霜+面霜:為皮膚保持濕潤,預防衰老,細紋,乾燥等問題.
  • 注意早晚搽上保濕成份(如含有透明質酸/維他命B5或B3)為主和清爽質感的產品,為肌膚加強保濕度,保護皮膚使水油平衡,穩定肌膚.
  • 避免選用太滋潤和營養素高既產品去增加油脂分泌,使毛囊閉塞.
防曬產品:預防色斑,皮膚老化等問題.
  • 注意需每天早上搽上物理性防曬產品,去保護皮膚受紫外線照射下而產生雀斑色斑,使暗瘡印色素沉澱等情況.
  • 避免選用化學性防曬產品(尤其係暗瘡和敏感性肌膚),化學性性份比較刺激和容易使毛囊閉塞.

Clean Skincare小Tips:選用產品時大家要多留意成份,避免使用含太多化學性成份既產品(如含有酒精,香料,色素,有致癌隱患的防腐劑,礦物油,合成矽油等等),如果想知更多有關產品成份既資料,可參考:CLEAN護膚產品成份解碼 

其實做好保養除左可以保持年輕既肌膚外,仲可以令肌膚增強防禦力去抵抗外來既入侵,減少出現各種皮膚既問題(如缺水脫皮,水油失衡,膚色暗啞,長出暗瘡,過敏,產生色斑等狀況).相對皮膚狀況會變得較穩定,仲可以延緩皮膚衰老哦.

如果大家有興趣想知道自己皮膚既肌齡,狀態,色斑分佈,我地歡迎各位光臨做一次免費皮膚分析,了解下自己既皮膚,只要用以下方式聯絡我們預約就可以了.

另外我地中心亦為第一次光臨既顧客提供一次半價試做不同種類型既激光療程,可在旁邊既連結登記哦:http://www.cleanskincare.com.hk/zh/trial.html 

(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢.


2016年4月17日 星期日

廚餘應該點處理可以更環保?

CLEAN 環保:廚餘應該點處理可以更環保?

「廚餘」係我地大家每日都要面對和要處理嘅事情,之前分享過廚餘既問題對香港環境有乜傷害和如何減少製造廚餘(可參考:珍惜食物減少浪費),而今次就分享如何將廚餘更環保地利用.

廚餘可分為「生廚餘」和「熟廚餘」,前者係指烹煮前既食材,比如果皮,未煮過嘅菜頭菜尾,瓜類等,而後者係經烹煮後所剩餘嘅:比如湯渣,飯菜,肉類之類等.

其實廚餘一方面係造成環境污染嘅垃圾,但另一方面亦可回饋給環境或社會,雖然香港暫時未有一個好完善既廚餘回收系統,但我地仍可以做d簡單既事黎環保地處理廚餘既問題,以下分享兩個方法比大家參考啦:

餘酵素:有學者講過,做十萬桶既廚餘酵素,就等於種左一百萬顆樹,因為當你大量生產廚餘酵素時,所發出既CO2臭氧可以減少空氣中既廢氣同毒氣.

另外廚餘酵素用黎分解化學物質同油脂都好有功效哦,所以用黎做清潔劑就最適合,做法好簡單:
  • 材料:黑糖(唔用其他糖因為黑糖含豐富既礦物質),生廚餘(只限蔬果類,因為肉類會發出腐臭味,如果想香d就放多d橙皮,檸檬皮或其他水果皮),水
  • 材料比例:1:3:10
  • 1份黑糖(如100g),3份生廚餘(如300g),10份水(如1000g = 1公升)
做法:
  1. 將糖同水倒入有密封蓋口既塑膠容器內攪均,之後加入生廚餘,扭實蓋並寫上當日日期,再放係空氣流通既地方,唔好比太陽照到.(緊記只限蔬果類,另外唔好放太滿,容器內要留有空間,避免發酵時會滿出黎)
  2. 之後每日要打開蓋一次,因為發酵過程中會產生氣體,所以每日都要放一放氣,避免容器被撐破,最後攪一攪再扭實蓋. 
  3. 發酵3個月後就用得啦,隔渣將液體倒出存放,需要用時可加水後用黎抹家具,洗地,洗衣等,如果有種植就可以稀釋一千倍黎用作肥料同除蟲用途,而d渣可加新既材料再製造新酵素或攪碎加黑糖沖入廁所,有淨化糞池裡既氨既作用.
期檢查放食物嘅地方,如果發現未食但又就嚟過期嘅食物,請捐出去!因為社會真係有好多人需要食物,香港有好幾間機構回收呢類食物,如:
而熟廚餘比較難處理,通常要經過工業方式黎處理,所以我地要惜食同埋要衡量自己既食量黎買食物或叫餸食飯.

其實要減少廚餘好簡單,最基本係每餐唔好煮太多既飯菜,唔好買太多食物雜糧導致產品過期,出街食飯食幾多叫幾多,咁樣可以慳錢又唔會製造廚餘哦.#^^#

2016年4月11日 星期一

深層斑(如荷爾蒙斑)點解需要進行較多次激光療程?

CLEAN SKINCARE小知識-深層斑(如荷爾蒙斑)點解需要進行較多次激光療程?

上一篇大家都應該對淺層斑了解多左,今次我將會同大家分享一下有關深層斑既知識啦.

深層斑,位於比淺層斑更深既位置,常見有:荷爾蒙斑 / 黃褐斑,顴骨斑,太田母斑等,而呢種斑都可以透過進行激光去斑療程作局部去除和淡化來處理,但是否需要進行較多次的療程處理?深層究竟有幾深?事後護理是否一樣?以下就等我黎作答啦:

首先了解一下深層斑色素究竟係皮膚邊一層:
  • 就上次分享過一樣,我地皮膚一共可分為3層,表皮層,真皮層,皮下組織(或皮下脂肪層),而深層斑既位置就位於真皮層,即係屬於皮膚既深層內(所以稱為深層斑). 
點解處理深層斑需要進行較多次激光療程?
  • 由於深層斑位於皮膚深層內,所以療程後既效果並唔會好似淺層斑一樣結痂,脫落,色斑淡化或消失.雖然深層斑激光療程既過程同淺層斑激光療程係基本一樣,但用既波長和能量就唔同了,而被擊碎既黑色素細胞,會由我地體內既巨噬細胞吞噬並經新陳代謝慢慢排出體外,但由於並唔係每次都會將所有黑色素細胞吞噬,所以就要經過較多次既激光療程來逐一清除,而一般治療需進行大約6至10次左右,每次治療既間隔最少3至6個星期,最後達到淡化色斑和移除色素既目的.
進行深層斑激光療程後既護理
  • 要多做補濕護理去幫助皮膚更新
  • 避免使用任何刺激性產品 (如含有美白,酒精和果酸等成份)
  • 每日出門前都要搽上物理性既防曬霜,最好帶備傘子或帽子等,以減低受紫外線既照射而產生色斑復發既機率.

其實每次做深層斑激光療程後,都會察覺到色斑既色素和範圍逐次減淡和減少,一般治療3次左右都會有明顯對比哦.深層斑要視乎範圍和數量去進行,沒有表面傷口,較不容易造成反黑或其他副作用.

如果大家有興趣想知道自己皮膚既肌齡,狀態,色斑分佈,我地歡迎各位光臨做一次免費皮膚分析,了解下自己既皮膚,只要用以下方式聯絡我們預約就可以了.

另外我地中心亦為第一次光臨既顧客提供一次半價試做不同種類型既激光療程,可在旁邊既連結登記哦:http://www.cleanskincare.com.hk/zh/trial.html
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢.

2016年4月10日 星期日

磨砂膏真係可以去角質?原理係乜?


CLEAN SKINCARETips - 磨砂膏真係可以去角質?原理係乜? 

夏天黎左啦!提提大家要做好面部清潔哦,因為係夏天油脂較旺盛,容易阻塞毛孔,導致暗瘡滋生,再加上日常空氣中既污染,令角質層氧化,令面色變得暗沉,所以要勤力d做好面部清潔,磨砂更不可缺少,但就要多留意成分,因為有d產品既磨砂粒子係用化學合成(如氧化鋁),雖然最終會洗掉,但由於粒子較細,有機會進入皮膚既風險,所以最好都唔好用化學合成品啦. 

有d產品寫明用植物來代替化學合成粒子,如粟米芯,杏仁子等...都有同樣功效,因為磨砂膏能清潔和去除表面既老化角質既原因係利用物理磨擦方式,將表面老化角質層和水一拼沖走. 

但由於係物理式摩擦,所以力度如果太大就會令表皮受損,所以要輕輕打圈地揉,一星期亦只可進行一至兩次,特別一提就係如果有暗瘡期間絕不能進行磨砂清潔,因為磨砂粒子會令暗瘡造成傷口,內裡細菌亦會隨著磨砂過程傳染全面,令暗瘡情況擴大,所以如果有暗瘡就千萬唔好用磨砂產品哦. 

其實自己DIY天然磨砂膏都好容易,以下分享兩款比大家自己DIY下啦*^^*

杏仁粉磨砂:

  •  材料:原味或冇糖乳酪1 / 杏仁粉 適量 / 蛋黃1
  • 做法:將所有材料攪拌至糊狀即可

燕麥蘇打粉磨砂

  • 材料:燕麥 適量 / 蘇打粉 適量 / 小量
  • 做法:將所有材料攪拌至糊狀即可

另外咖啡喳或黑糖加椰子油可以用黎做身體磨砂哦!又環保又有效,多用天然護膚產品,皮膚自然健康d又靚d啦!

 如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 

2016年4月7日 星期四

淺層斑點解會結痂?

CLEAN SKINCARE小知識-淺層斑點解會結痂?

進行淺層激光去斑療程之後,有一個必經既階段叫:結痂(或結焦),如果第一次進行療程既朋友,通常都會對呢種反應有些少擔心,但其實結痂呢個階段係屬於正常既,唔洗太過擔心,只要有適當既護理就可以了,以下就分享多少少細節同心得比大家作參考啦:

首先了解一下淺層斑色素究竟係皮膚邊一層:
  • 我地皮膚一共可分為3層,表皮層,真皮層,皮下組織(或皮下脂肪層),而淺層斑(如雀斑)既位置就位於表皮層內. 
點解進行淺層激光去斑療程之後會結痂?
  • 結痂其實係當皮膚細胞受刺激下而產生的反應,激光去斑療程會利用能量穿透皮膚並激碎黑色素細胞(即令黑色素細胞分解),但由於表皮角質會因受到熱力刺激之下而令角質細胞死亡,所以表皮會形成『痂皮』,經過數日後,已分解的黑色素細胞會因新陳代謝向上層推並和『痂皮』一拼脫落. 
結痂和結焦既分別
  • 如果醫學上結痂和結焦其實係同一意思,但一般人會將結焦去代表已形成硬塊既痂,而痂就會代表薄薄既痂皮,如果更清晰地表達,應該可以話痂分成以下兩種:
  1. 由纖維蛋白將血液凝固的硬塊(即皮膚擦傷或割損後的狀況)
  2. 細胞殘骸和老化角質層薄膜(即淺層激光療程後的狀況)
結痂後既護理
  1. 結痂時避免用手碰或抓,確保痂要自然脫落
  2. 多做補濕護理
  3. 洗面不應用毛巾擦面,只用手輕輕揉面
  4. 被免化太濃或太厚妝,盡量保持通爽
  5. 每天出門要搽上物理性既防曬霜,出門最好帶傘或戴帽子,以減低斑點復發機率.
其實激光去斑療程後既護理一D都唔難,治療後通常會係7至10日左右後就自然脫落,而脫落既位置就會發現色班冇左或淡色左,一般效果都非常滿意哦

如果大家有興趣想知道自己皮膚既肌齡,狀態,色斑分佈,我地歡迎各位光臨做一次免費皮膚分析,了解下自己既皮膚,只要用以下方式聯絡我們預約就可以了.

另外我地中心亦為第一次光臨既顧客提供一次半價試做不同種類型既激光療程,可在旁邊既連結登記哦:http://www.cleanskincare.com.hk/zh/trial.html
(*) 免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢.

2016年4月4日 星期一

暗瘡膏點解能有效去暗瘡?

CLEAN 小知識 - 暗瘡膏點解能有效去暗瘡?

可能最近因為天氣開始變暖又潮濕,皮膚未能適應,所以出現左幾粒暗瘡,雖然我而家都係做激光將d暗瘡同暗瘡印整走,但就諗返以前其實都有試過用暗瘡膏,所以今次不如分享我既心得比大家當參考啦:-

一般暗瘡膏主要既作用係消炎,殺菌,控制出油等,因為構成暗瘡既主要原因係油脂分泌失調,積聚係毛孔內並氧化,造成毛孔堵塞,慢慢開始發炎,形成暗瘡.

所以只要消炎就等於解決暗瘡問題,但如果係因為生活因素,心 / 生理因素或嚴重既暗瘡問題既話就另當別論.

一般暗瘡膏既成份有:
  • 硫磺(Sulfur)
具殺菌作用,緩和發炎同紅腫皮膚.
  • 間苯二酚(Resorcinol)
具殺菌和止痕作用,亦可防腐,但歐盟已將呢種成份列入為對人體和環境會有害.
  • 壬二酸(Azelaic Acid)
主要抑制油脂和細菌滋生.
  • 水楊酸(Salicylic acid)
消炎殺菌,抑制真菌滋生,溶解油脂.
  • 過氧化苯酰(Benzoyl Peroxide)
利用釋放氧氣令暗瘡菌死亡.
  • 茶樹油(Tea Tree Oil)
消炎抗菌.

從以上可見基本全部成份都係以消炎殺菌作用,但大部份都係具刺激性,有機會令皮膚痕癢,乾燥,甚至乎造成敏感,所以我會建議用含茶樹油成份既暗瘡膏,雖然殺菌能力相對於其他成份低,但就係最安全既一種成份.

如果較嚴重既暗瘡問題可選擇進行果酸換膚,想了解更多可進入:http://clean-skincare.blogspot.hk/2016/01/blog-post_6.html 

暗瘡問題只要及時處理,注意衛生和進行護理,咁就可以避免惡化,仲會好快好返添*^^*

如果大家想免費做一次皮膚分析,歡迎用以下方式聯絡我們,另外我地中心亦為第一次光臨既顧客提供一次半價試做果酸換膚體驗,可在旁邊既連結登記哦:http://www.cleanskincare.com.hk/zh/trial.html

2016年4月3日 星期日

化學物 「礦物油(mineral oil)」會令毛孔閉塞嗎?

CLEAN 護膚產品成份解碼-化學物 「礦物油(mineral oil)」會令毛孔閉塞嗎?

大家選購護膚產品時,一定會先考慮到「呢隻產品有無效呢」,但有冇考慮到其實某些成份可能會引致毛孔閉塞?比如其中一種係大部份既護膚品中,最常見到既成份「礦物油(mineral oil)」,而呢個成份就會令毛孔閉塞哦,咁到底礦物油係乜?有咩作用?點解會令毛孔閉塞?以下會逐一分享比大家知:- 

礦物油是甚麼?
  • 礦物油係石油副產品,從石油資源採得,係護膚產品既添加劑,但如果製造過程純度不足,會有機會殘留和混著有害雜質如:砷,重金屬,硫酸呈色物,螢光物質等,會增加引起皮膚過敏的風險. 
常見既礦物油成份:
  • 礦物油mineral oil羊毛脂 / 礦脂 / 凡士林petrolatum
  • 液體石蠟paraffinum-liquidum
  • 亞液態石蠟paraffinum-subliquidum
  • 微晶蠟cera microcristallina / microcrystalline wax
  • 天然地蠟ozokerit
  • 純地蠟ceresin C11-12或C13-14
  • 類石蠟isoparaffin C11-12或C13-14
  • 流動石蠟油Liquid paraffin 
礦物油既作用和點解會令毛孔閉塞?:
  • 護膚品中既礦物油會在皮膚表面上形成一層很薄既膜,保住皮膚水份不會流失,但因礦物油無法被皮膚吸收,所以會一直停留係皮膚表面上並封閉住毛孔. 
礦物油既壞處:
  • 長期使用含有礦物油的產品會影響皮膚自身既保濕機能,令皮膚變得乾燥,對於油性肌黎講,礦物油簡直係天敵,除左會令水油失去平衡外,更容易堵塞毛孔,滋生暗瘡.而暗瘡肌都是因為毛囊皮脂腺分泌過多堵塞在毛孔表面,而被塵埃和細菌氧化,形成黑頭粉刺,發炎等問題,如果長期使用含有礦物油既產品會加重皮膚毛孔封閉,令暗瘡問題持續惡化哦.
CLEAN小Tips: 暗瘡性,油性,敏感性既肌膚應避免使用含有礦物油既護膚產品,而中性和乾性肌膚只適合在秋冬季節,皮膚乾燥既時候作短期使用,或者可用含有植物性既油脂產品來代替.因為如果長期使用含有礦物油既護膚品,毛孔會抗議的哦!大家記住要留意多d護膚產品裡既成份哦.

如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html