2016年5月30日 星期一

洗面洗得太乾淨反而唔好嗎?

CLEAN SKINCARE 小知識 – 洗面洗得太乾淨反而唔好嗎?

我地平時朝早洗一次面,晚上又洗一次面,另外化左妝既要落妝,搽左防曬既又要落妝,所以大家每日都會用到幾款以上既潔面產品,有時仲會加埋洗面機或其他工具添,陣間又話咁樣洗得太乾淨對皮膚唔好呀,聽講D潔力強既洗面產品好傷皮膚啊,但係唔清潔得乾淨又話阻塞毛孔,應該點好呢?

小編今次會同大家分享下其實洗面洗得太乾淨係唔係唔好既呢

洗面主要係清潔走面上多餘既油脂,毛孔污垢和化妝品,令毛孔不被堵塞.如果過度清潔就會令保護皮膚既皮脂和角質層不斷剝落,皮膚在失去保護下,肌膚既防禦力下降,膚質反而會變差,細菌增加會造成生暗瘡既機會.

而有冇清潔過度就要視乎洗面產品既類型,成份,清潔次數,洗面既力度和用既洗面機及工具等.所以洗面程序建議:-
  • 早上:清潔產品(溫和低刺激性)
  • 冇化妝既晚上:清潔產品(溫和低刺激性)
  • 有化妝既晚上:落眼產品>落面產品>清潔產品+洗面機
CLEAN溫馨提示:-
  • 如果想做好清潔又唔想令肌膚受損,我地應該選用天然,溫和成份既洗面產品,例如:洗面奶,冼面啫喱或ph5.5類型均屬低刺激性,選用不含化學合成既起泡劑,化學成份高和潔力強既洗面產品等等.
  • 清潔次數每天早晚各一次就足夠,並不需要一天內洗面數次.
  • 洗面時既動作和力度要溫和,唔好太大力去「摔」面或用毛巾大力擦面.
  • 暗瘡肌膚應避免用毛巾洗面,因為暗瘡菌會附係毛巾上,如用同一條毛巾洗面就會令面部既暗瘡惡性循環.
  • 洗面時如配合用洗面機,留意機頭只需要貼著肌膚,慢慢和輕輕地打圈即可,避免用力壓著肌膚快速打圈而整傷皮膚.
  • 洗面機或洗面工具要定期更換和清潔乾淨,放置到通風位置,避免長期放置於朝濕既洗手間內,滋生細菌.
  • 洗面每次用到1-2款清潔產品就可以.
  • 留意如清潔皮膚後會感到繃緊,就意味著用既清潔產品不合適哦.
如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價面部護理試做,包括激光療程,果酸換膚,高效注滲保濕護理等,可在旁邊既連結登記哦:http://www.cleanskincare.com.hk/zh/trial.html

(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年5月27日 星期五

認識角質層

CLEAN SKINCARE 小知識:認識角質層

前幾篇分享過暗瘡暗粒護理,而一直都提住大家要定期幫皮膚做一D去角質既護理,減少皮膚問題既出現,但有時又聽講話唔可以經常去角質,去得多對皮膚唔好,咁其實去定唔去好呢?角質層其實又係乜黎?如果唔做去角質既護理又會對皮膚又乜影響? 

首先不如了解一下角質層既結構!?
  • 皮膚分為表皮,真皮和皮下組織,而角質層就在於我地皮膚表皮既最外層,由10至30薄層無核細胞所組成,厚度會因應身體各部位而不同,另外角質層會脫落又再重生,舊既角質細胞脫落時,皮膚底下基底層又再組成新細胞推上到皮膚表面,形成新角質層,一般情況下平均大約21至28天就會完成更新一次.所以可理解為:能自我更新既無核細胞組織. 
角質層係皮膚中辦演著一個咩角色呢?
  • 角質層含有角蛋白(Keratin),纖維蛋白既一種兼帶有韌性,組成皮膚既主要物質之一,除此之外角質層亦係一個防護屏障哦,能有效減少皮膚水份流失同時亦可吸收水份令皮膚保持濕潤,而且可以防止皮膚受到細菌感染造成各種傷害. 
但過度去角質層會出現咩情況呢?
  • 如果我地經常去角質,就等於一直削薄皮膚既防護屏障,咁做會令皮膚不能有效地鎖住水份,令皮膚更容易變得乾燥,另外仲會增加各種細菌感染既機會添(如暗瘡菌),而且假如角質層一但缺水低於10%的話,皮膚就會變得暗沉,失去光澤等問題. 
咁係咪唔好去角質?
  • 其實我地需要去做定期既清除角質護理,而唔係「經常地」去角質,因為某部份人既新陳代謝較慢,角質更新要較長時間,時間耐左,角質厚左,咁就會可能令毛孔閉塞,膚色暗沉,護膚品變得難吸收,膚質粗糙等問題,此時就要做清除角質護理了.
  • 如果一般小做運動既體質,新陳代謝會較慢,所以建議一星期做1至2次去角質護理,但如果有做開運動既朋友就可以1至2星期先做一次,如選用做磨砂去角質既時候就記住要輕柔打圈,避免弄傷皮膚,但暗瘡肌就不能做磨砂去角質哦,反而應選用敷面膜式既溫和去角質產品.
如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價果酸換膚既去角質面部護理試做,可在旁邊既連結登記哦:http://www.cleanskincare.com.hk/zh/trial.html 
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年5月23日 星期一

夏天咁熱,仲要搽面霜嗎?唔會太油嗎?

CLEAN SKINCARE 小Tips - 夏天咁熱,仲要搽面霜嗎?唔會太油嗎?

大家都覺得夏天如果再搽d好笠既面霜會較辛苦,但就算係咁,我地都唔可以唔搽面霜呢,其實夏天雖然皮膚唔會覺得乾燥,有時仲會覺得面油明顯增加添,但皮膚所留失既水份唔會比冬天少,甚至可能更多.因為:
  • 香港既夏天會將冷氣開都超強,而室內或車內既冷氣系統會影響濕度降低,令皮膚變得乾,所以如果可以既話就盡量控制冷氣溫度和風速,盡量減小室內外既溫差同埋避免直接讓皮膚吹住冷氣,小d開冷氣可以避免皮膚水油失衡又可以環保d,一舉兩得.
  • 夏天既高溫亦會蒸發或逼出我地d水份,如果你係大汗既人,建議一流汗就擦乾,避免令毛孔閉塞,發炎,形成暗瘡,另外亦要多飲清水,應避免飲用高糖高鈉飲料,而搽防曬產品更不可缺少.
  • 疏忽護理皮膚,有部份人以為夏天唔會好似冬天咁乾燥,所以就做少左補濕護理,油多就用強力洗面乳去油,但咁做唔單只冇為皮膚「補水」,用強力洗面乳去洗只會增加皮膚既負擔,而且油脂會出得比未洗之前更多,因為用黎「保水」用既油脂被洗走,皮膚水份更易流失,令水油失衡既情況更嚴重,所以面油會不斷地增加.建議定期做補濕護理,使用較爽身既面霜,確保能夠將水份鎖住,減少水油失衡既情況.另外避免用去油力強既洗面乳,皮膚一定要有些許油脂才能鎖住水份哦.
其實夏天既皮膚護理要比冬天要更著重,一邊廂要確保皮膚水份足夠,另一邊廂亦要保持皮膚清潔.以下既循環給大家做參考啦:
  • 天氣熱-->冇做好鎖水=冇搽面霜或面上油脂去得太徹底(用左去油力強既洗面乳)-->水份流失(皮膚開始缺水)-->水油失衡(缺乏補濕護理)-->出油情況惡化-->毛孔變得粗大-->毛孔閉塞-->發炎-->形成暗瘡.
如果冇及時處理以上問題,膚質只會不斷下降,暗瘡同出油情況亦唔會得到改善,所以夏天要唔要搽面霜?一定要!但就可選用番d清爽既面霜,另外記住補濕護理更不可以缺少呢!

如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價高效注滲面部護理試做,可在旁邊既連結登記哦:http://www.cleanskincare.com.hk/zh/trial.html 
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年5月19日 星期四

女仔玩泰拳?好嗎?

CLEAN SKINCARE食玩行之玩-女仔玩泰拳?好嗎?

夏天啦*^^*呢排d女同事都討論緊要做帶氧運動去減肥,本身玩開瑜珈既我最多都係跑下步,踩下單車,但佢地成班話要玩泰拳!?!?OMG~~,覺得好似幾粗魯咁,有男仔朋友仲話玩泰拳玩都嘔,話好辛苦,所以一直認為呢個應該係屬於男士既運動,好啦,最終都俾d女同事動搖到,但當去到上堂時就發覺“嘩”其實都幾多在職女性放工後去玩呢個運動,仲覺得有d女仔好似幾型添,而且我計過每堂大約1小時既泰拳練習原來可以消耗到大約500卡路里,如果每星期練習三次,可以超快收身之餘仲有助提高新陳代謝率添,難怪女士們都喜歡泰拳呢項運動,強身健體之餘又可以收緊全身線條^-^,今次呢篇就想同大家分享下打泰拳既心得啦:-


泰拳
  • 係泰國既國術,由13世紀開始係皇室貴族鍛煉身體既方法,泰拳運動對體能要求高及爆發力強,除左係帶氧運動和力量訓練,亦可以鍛鍊心肺活動能力,達到修身既效果,其次可以增強個人自信心,膽量,意志力,應變能力同埋舒緩壓力等.現時香港玩既人數不斷上升,大家現在都會視泰拳為一種帶氧運動.
 泰拳訓練前要留意的:
  • 著較鬆身既衫,因為泰拳係一種全身運動,動作包括拳、踭、腳、膝,每個動作都需要由腰部帶動,所以如果太緊既衫會令身體唔舒服之餘仲會有機會扭傷 (運動用既緊身衣除外)
  • 進行前先要紮上手帶,主要係避免手指關節受傷,而套上護腳則可減少扭傷既情況,但當發覺開始有鬆既情況就要換掉腳套哦
  • 熱身同拉筋一定唔可以缺少,因為係進入運動前將心跳率,血液循環,攝氧量提高就能減低運動傷害哦.另外亦讓平日少做運動既我地先熟習泰拳既體能要求,循序漸進,令身體進入有效既燒脂狀態,之後先到拳擊訓練.
  • 另外泰拳既打沙包及踢靶訓練能有效增加肌肉量,讓身體進入燒脂狀態有效收緊拜拜肉,腰腹,大小腿,臀部及背部等,大約訓練15分鐘全身就會開始出汗,順便可以排走毛孔內既毒素,令皮膚更結實細緻哦.
CLEAN提示:
  1. 對於平時少做運動既朋友要注意,進行任何運動前我地都不可忽略要先做左熱身動作先,如果肌肉未有足夠既準備下就去做運動,期間所產生既強烈壓力,係有機會出現運動創傷整傷身體,大家要留意哦.
  2. 另外進行帶氧運動期間,會刺激體內腦垂體腺分泌安多酚(Endorphin),係一種會令人產生興奮感覺既天然物質,所以運動後我地會覺得身心舒服,心情好左,精神都提升左.


2016年5月15日 星期日

CLEAN SKINCARE 護理項目介紹-膠原再生面部激光療程

CLEAN SKINCARE 護理項目介紹-膠原再生面部激光療程
  • 療程項目:膠原再生面部激光療程
  • 適合給:毛孔粗大,鬆弛皮膚,皮膚不平滑,虎紋,皺紋等
  • 功效:令肌膚回復彈性緊緻,收細毛孔和減淡幼紋
  • 療程所需的時間:50分鐘
  • 療程特色:全面刺激自身膠原蛋白增生
  • 療程次數:3次
  • 價錢:$4050 (3 次) 
  • 首次試做:$675 (1次) (登記)
聯絡我們:

點解用電太多會對環境造成威脅?

CLEAN 環保:點解用電太多會對環境造成威脅? 

夏天一到,係我地用電量極高既時候,因為香港冇論係屋企,公司,商場,巴士等都會覺得室內冷氣開到好大,周圍都係凍冰冰,雖然香港係一個較細既地方,但大家又估唔估到我地既用電量有幾多呢?!點解要咁關心損耗電量既問題?背後既原因對環境會造成威脅嗎?今次就等小編我同大家一齊探討下呢個問題啦・

可能大家都知道而家既香港已經有超過730萬既人口,差唔多有接近240多萬既家庭住戶(每戶住戶人數約2.9),而2015年香港既用電量為644億kw(千瓦), 亦等於排放左6400萬噸二氧化碳(CO2 )量(平均每人每年佔8.77噸既排放量),大家可能諗,咁算好多咩?我可以話係超多!係2013年做過估計地球上既火山爆發才釋放255噸二氧化碳(CO2 ),但香港一年已經排放6400萬噸,共25倍之多,又或者和韓國(572萬噸),日本(1235萬噸),台灣(248萬噸)比較都能看出明顯既分別,而經過統計顯示香港電量源頭一般都以冷氣機和家居電量為主導致溫室氣體不斷上升既出現.

所以耗電既同時亦排放緊二氧化碳哦,而二氧化碳亦係令溫室效應更加嚴重既原凶之一哦,點解?我地繼續睇落去啦:

經常聽到既溫室氣體,到底係咩意思呢?

其實係指一般自然氣體在大氣層當中,包括水蒸汽,二氧化碳(CO2),甲烷(CH4),氧化亞氮(N2O)和臭氧・而我地人類因某些活動,增加咗呢d氣體既濃度喇.而其實地面和大氣層係可以吸收太陽輻射轉為熱能後,再轉換成紅外線能量並釋放輻射到外太空去,但因為溫室氣體既影響,造成大氣層吸收紅外線能量多過被釋放出去太空以外既量,所以變成更多紅外線能量折射返到地球地面上,令溫室效應更加嚴重・

溫室效應會如何影響環境?

最直接就係全球溫度上升,海平面升高,而呢兩個問題會影響:-
  • 海港城市將受海水升高影響(如馬爾代夫,希臘小島等)
  • 貝殼類減少,淡水魚類因海水升高後將河口水質變鹹而受影響或死亡
  • 導致各種植物和蔬菜水果尤如在溫室生長導致死亡
  • 某些地方因高溫而令濕度提高,影響呼吸系統
  • 氣溫變高亦會令人既抵抗力下降等等...
所以用電量越多,環境受既威脅亦會越多哦,希望大家都能出一分力,盡量節省能源,減少排放,令環境更美好更健康.

CLEAN SKINCARE小Tips:大家知道嗎?!樹木伯伯其實可以係白天既時候進行光合作用,幫助我地去吸收二氧化碳,而一棵樹可以長得高於5米既話,每年就吸收到23公斤既二氧化碳,所以大家一定要好好保護佢地呀 ^^

最後大家如果想支持節約能源既活動,其實香港都有舉辦一個叫「香港無冷氣夜」既節能活動,每年 9月25日晚上7時至翌日早上7時停止啟動冷氣,透過呢個活動能夠細心思考日常用電模式,了解當中節約能源既重要性,更加希望大家明白到環保既意義,今年我地一齊參加啦~

2016年5月10日 星期二

暗粒同暗瘡既分別

CLEAN SKINCARE 小知識 - 暗粒同暗瘡既分別 

最近炎熱既天氣,加埋街上既空氣污染,強勁冷氣,簡直令面部油脂分泌幾乎失控,唔單只我,連身邊既朋友大多數都出現暗粒暗瘡等問題.

但朋友問我『暗粒係咪可以用激光解決?想快d令面上既暗粒暗瘡消失!』但其實暗粒同暗瘡係兩種唔同既皮膚問題,要用唔同方法去處理.

暗粒係學術上稱為「閉合性粉刺」,引發既原因主要係角質過厚,毛囊下過多既油脂被封閉係皮層下,慢慢積聚到令皮膚凸起一粒粒既山丘仔咁(如果暗粒冇被過厚角質封閉係皮層下,開口處既油脂接觸到空氣後會開始氧化,慢慢形成我地熟悉既黑頭啦.),同暗瘡相似但就細粒好多,似皮膚既顏色並凸起,一般唔會紅,唔會痛亦唔會痕,但如果唔及時處理會有機會令毛囊發炎,結果變成暗瘡.

而暗瘡係黑頭粉刺發炎後既階段,因為毛囊既油脂會黏附空氣中既細菌,微粒等,慢慢令暗瘡菌(痤瘡丙酸桿菌:propionibacterium acnes)開始滋生,導致發炎.

要處理暗粒同暗瘡問題就要分別進行果酸換膚針對暗粒情況,而暗瘡就進行激光療程會較有效:-
  • 果酸治療既酸性能快速令角質軟化,加速皮膚既新陳代謝,分解或洗掉積聚係皮膚下既油脂,解決暗粒問題.
  • 而激光治療能夠以焦點式地發射出能量係暗瘡位置,令細菌加速死亡,舒緩發炎狀態,加速暗瘡凋謝,減低形成暗瘡印. 
  • 另外亦可以進行毛孔緊緻激光治療來解決油脂過剩,黑頭和毛孔粗大問題,可以避免和預防毛囊發炎.
CLEAN SKINCARE小Tips: 有些治療會採用針清黎處理暗瘡(針清=用工具去擠或用針吉暗瘡),過程會產生痛楚,針清完面上都會留下紅腫和傷口,強行擠壓會令皮膚受損.另外過程中如手或工具上有細菌的話,將會引致暗瘡區域受到感染,而殘留既細菌膿包會黏附在皮膚傷口附近位置,所以暗瘡周邊生完又生,如果想知更多,可以參考:http://clean-skincare.blogspot.hk/2015/02/blog-post_17.html 

如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價試做激光療程,以一個試做價可選擇兩款不同激光療程,可在旁邊既連結登記哦:http://www.cleanskincare.com.hk/zh/acnemarktrial.html
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年5月8日 星期日

21-30歲要開始另一階段既保養? 從邊一部份開始做起呢?

保持年輕的秘密X-21-30歲要開始另一階段既保養? 從邊一部份開始做起呢?

上篇分享完 「18-20歲開始要保養皮膚,但從邊一部份開始做起?」,今篇就帶大家進入另一階段 「21-30歲既保養」啦!

21-30歲呢個年紀都係準備踏入社會工作既階段,同時會開始有較多既人際關係和亦會開始較注重自己既外貌,皮膚質素等,所以皮膚保養係呢個階段係更不可缺少既 「任務」 哦!

今篇會分享:

1. 21-30歲時既皮膚係點?
2. 呢個階段皮膚通常會出現d咩問題?
3. 應該從邊一部份開始做好保養?
4. 保養中有那些要注意和避免?

21-30歲時既皮膚係點?呢個階段皮膚通常會出現d咩問題?

呢個階段我地再細分兩個年層:[21至25] 和 [25至30]
  • 21至25歲應該係人生中皮膚最好既時期,皮膚細胞健康而新陳代謝較為活躍,而且呢個年層既皮膚有充足既水分,光滑有彈性,但同時因為踏入青春期,所以油脂會較為旺盛,容易引發暗瘡暗粒,或成年後因為熬夜和壓力下而引發暗瘡,如冇好好處理,咁就會令毛孔長期反復發炎,令周圍既膠原細胞和皮膚組織受到破壞,結果表皮彈性變差,毛孔會變得明顯凹陷和鬆弛.
  • 25至30歲就開始出現肌膚老化既情況,如毛孔變大和暗沉等問題,荷爾蒙既保護力會下降,加上內外因素都會影響到老化既速度變化,新陳代謝和微循環開始放緩,呢個時候會發現皮膚角質層有明顯地變厚,膚色較暗淡,面部亦開始有機會出現斑點,而眼睛,頸部會出現細紋、黑眼圈等困擾. 
應該從邊一部份開始做好保養?保養中有那些要注意和避免? 

21-30歲呢個階段我地要從去角質>補水>防曬>抗衰老>去做保養:
  • 去角質:定期去角質可避免讓角質持續堆積,可幫助肌膚維持正常代謝,改善肌膚觸感粗糙和膚色變暗沈等情況.
  • 補水:使用保濕產品(含透明質酸,維他命B5成份)為肌膚補充水分,保持皮膚水油平衡既狀態,可減低皮脂腺活躍,油脂分泌旺盛和造成生痘痘,粉刺,毛孔阻塞等問題.
  • 防曬:建議使用物理性防曬,因為防護性較佳和能避免化學成份影響膚質,而防曬既作用係保護皮膚和抗衰老,避免受紫外線照射而加速肌膚老化,因為紫外線會破壞肌膚彈性組織,使其受損斷裂長出乾紋幼紋和毛孔變大,另外防曬產品可以避免紫外線加速黑色素細胞既形成,使面部出現色斑,暗沉等問題.
  • 抗衰老:想要保持年輕既外貌,首先就要從眼睛和頸部都要好好護理.眼部按摩要配合眼霜,要注意力度避免拉傷眼部皮膚,按摩可以刺激血液循環,促進眼霜的吸收,減少出現細紋和黑眼圈情況.另外要開始用頸部產品,因為頸部既油脂分泌量非常小,需要補充水分及油脂去預防細紋既產生. 
CLEAN SKINCARE小Tips:要維持細胞既新陳代謝,就要注意生活和保持充足既睡眠,要戒掉不良習慣,如抽煙,喝酒,熬夜等,適量既運動絕對不能少呀,吃方面要選擇清淡不重口味既飲食習慣.大家一齊做好保養哦!Stay young stay health.

如果大家有興趣做一次皮膚分析,了解一下自己皮膚既肌齡,狀態,色斑分佈,或得到我地既皮膚顧問意見,只要用以下方式聯絡我們預約就可以了.

另外我地中心亦為第一次光臨既顧客提供一次半價試做不同種類型既激光療程,可在旁邊既連結登記哦:http://www.cleanskincare.com.hk/zh/trial.html 
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢.

2016年5月6日 星期五

鹽能夠減淡身體上d暗瘡印?

CLEAN SKINCARE 小Tips - 鹽能夠減淡身體上d暗瘡印?

夏天來臨啦~!!!太好了,小編我比較鍾意夏天,因為唔洗成日手冷腳冷,著衫又輕鬆d,但身邊既朋友(特別男性朋友)都會有一個小問題就係心口和背脊經常生暗瘡,之後形成暗瘡印,搞到一達達黑色好礙眼~><~

聽到朋友話用鹽能夠減淡身體上d暗瘡印,但真係可以減淡嗎?以下我有小小心得想分享比大家:

之前分享過點解暗瘡會生到頸,背,心口都有呀?!有解釋到身體生暗瘡主要都係因為荷爾蒙分泌旺盛令皮脂分泌過多,加上皮膚表面既角質層變厚,如果油脂積聚於毛孔上並氧化,就會堵塞毛孔並容易引起毛囊發炎而形成暗瘡.而男性好多時都因為出大量既汗水後並沒有即時抹掉,之後沖涼時冇徹底洗乾淨身上含有細菌既汗水同埋身體既油脂,最後造成毛孔阻塞形成暗瘡,之後變成暗瘡印.

而之前亦分享過暗瘡印其實係「炎症後色素沉澱」,等同色斑一樣,需要進行激光療程黎改善或解決(可參考:激光點解能解決暗瘡印問題?),所以鹽係冇可能減淡身體上d暗瘡印.

但用鹽做身體既深層清潔係非常有效哦,雖然未能減淡暗瘡印,但可當磨沙作用,因為鹽能有效地軟化角質層,排毒和殺菌,可以防止毛孔閉塞,改善膚質,另皮膚更白滑.

但注意要用海鹽,質地會較溫和,因為其他食用鹽有可能含有其他雜質或較粗糙,反而會傷害皮膚,另外當有暗瘡時係唔建議用鹽進行磨沙,因為同面部護理一樣,磨沙有機會令暗瘡造成傷口,內裡細菌亦會隨著磨砂過程傳染全面,令暗瘡情況擴大,所以有暗瘡時係唔建議用鹽進行磨沙哦.

而為左避免令皮膚受損或太刺激,建議放係手心再幫身體磨沙即可,唔建議再放係一d用具上(如泡泡手套,沖涼刷等)再進行磨砂.

如果想了解更多有關暗瘡印或暗瘡問題既話,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 

2016年5月3日 星期二

CLEAN SKINCARE 護理項目介紹-暗瘡印激光療程

CLEAN SKINCARE 護理項目介紹-暗瘡印激光療程
  • 療程項目:暗瘡印激光療程 
  • 適合給:炎症後色素沉澱. 
  • 功效:去除面部或背部暗瘡印. 
  • 療程所需的時間45分鐘. 
  • 療程特色:快見效,能散底去除暗瘡印. 
  • 療程次數3次 
  • 價錢:$4050(3次)
聯絡我們: 

2016年5月1日 星期日

激光點解能解決暗瘡印問題?

CLEAN SKINCARE小知識:激光點解能解決暗瘡印問題?

激光療程大家一般都會諗到去斑,嫩膚,增加皮膚底層骨膠原等,但其實除此之外,激光治療暗瘡印亦有非常好既效果哦!點解?今次就等小編我解釋多d比大家知啦.

好多時d暗瘡消失後該位置就有一個啡色印或紅色印咁,有d幾日可能會淡左,但有d就一直都唔淡,磨砂又唔得,搽野又唔得,點解?因為暗瘡印已經唔係單單皮膚表面既問題了,其實暗瘡印亦叫「炎症後色素沉澱」,當暗瘡開始發炎但又冇好好處理時,皮膚底層細胞遭受破壞,黑色素不斷係皮膚底層增加,慢慢係皮膚底層形成黑印,所以就算解決暗瘡問題,暗瘡印依然存在.

由於暗瘡印主要由黑色素形成,等同色斑一樣,雖然形成原因有所不同,但兩種問題都係由黑色素形成,所以激光治療能比其他方法能更快更有效地解決暗瘡印問題.因為療程透過激光能量,聚焦一點射在暗瘡印位置,將已沉澱係皮膚底層既黑色素擊碎,最後經過新陳代謝排出體外,而該暗瘡印位置亦會慢慢回復應有膚色,就如深層激光去斑原理咁,所以利用激光治療暗瘡印係最直接既方法哦.

CLEAN溫馨提示:
  • 盡量唔好曬太陽,因為某部份既人認為曬過後等皮膚甩皮後,D印就會變淡色,但事實係唔單只唔會減淡暗瘡印,反而因為受紫外線照射下,黑色素受到刺激而不斷增加,令暗瘡印顏色加深和沉澱.
  • 控制飲食習慣,保持健康飲食,避免進食油炸或刺激性食物(如麻辣火鍋,味精食物等),可減少滋生暗瘡.
  • 定期做運動,加速新陳代謝,令已被擊碎既黑色素能更快排出體外,回復原有膚色.
如果大家想了解自己既皮膚狀況,或想做一次皮膚分析並得到我地既皮膚顧問意見,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價試做暗瘡印激光療程,可在旁邊既連結登記哦:http://www.cleanskincare.com.hk/zh/acnemarktrial.html 
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢