2016年7月31日 星期日

蘆薈(Aloe)能保濕嗎?

CLEAN SKINCARE 小知識 : 蘆薈(Aloe)能保濕嗎?

大家多唔多用蘆薈呢個成份做保濕呢?由細到大都聽媽咪,婆婆話蘆薈有幾好,記得細個游水曬太陽後曬傷左,皮膚又紅又痛,屋企人就會摘屋企種個d蘆薈比我敷,通常敷兩三日就冇晒事,所以小編我一直都幾鍾意用帶有蘆薈成份既周邊產品,因為有好好既修復功效,但至於蘆薈能唔能夠做到保濕呢,經過小編我用左咁多年既經驗,以下有d相關既資料比大家參考下啦.

蘆薈(Aloe)其實係熱帶非洲既植物,但蘆薈既種類有好多,家族成員大概有300多種,可分為藥用蘆薈和觀賞蘆薈兩類.

而藥用蘆薈中主要有:
  1. 木立蘆薈Aloe Arbo-rescens日本種植多
  2. 費拉蘆薈Aloe Vera美洲種植多 (這是我們常用的)
  3. 開普蘆薈Cape Aloe非洲南部種植多.
而日本人將蘆薈當做家庭醫生,因為蘆薈既藥用效果範圍好廣,比如:
  • 豐富既維他命A,C,E,B1,B2,B3,B6,B12,可以刺激皮膚組織自我修護功能,促進新陳代謝,具有防止表皮組織乾燥和角質化,有效對抗熱和過敏情況.
  • 促進傷口癒合,有利於細胞增生,幫助組織重建,對於燙傷,灼傷,曬傷等有療效.
  • 有木質素既超強滲透力,能幫助營養素直接進入,快速吸收,為肌膚作修護.
  • 有粘蛋白成份可調節皮膚既水分和油分,有保濕和收斂作用,可以使皮膚變得更細緻,使肌膚時刻保持在最佳既平衡狀態.
  • 有皂素苷具抗菌及清潔作用.
  • 有多種黏多醣體,礦物質及氨基酸等天然保濕因子,多糖可形成堅固既覆蓋層,能阻止皮膚表層水分蒸發,給予肌膚深層保濕,發揮保濕功效.
總括蘆薈對皮膚除左有深層保濕功效外,仲有其他好多好處,所以市面都有好多以蘆薈為主既周邊產品,但建議大家係選購時要留意成份當中佔有多少蘆薈比例,而避免選用添加了大量化學成份,如酒精,香料等刺激皮膚既成份,咁樣用起上黎都安心D.

想知更多關於產品成份既資訊,可遊覽:http://clean-skincare.blogspot.hk/search/label/CLEAN%20%E8%AD%B7%E8%86%9A%E7%94%A2%E5%93%81%E6%88%90%E4%BB%BD%E8%A7%A3%E7%A2%BC 

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可在旁邊既連結了解更多和登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年7月28日 星期四

塑膠回收後會如何處理? (如膠樽,膠盒等..)

CLEAN 環保 - 塑膠回收後會如何處理? (如膠樽,膠盒等..)

「環保意識」呢份概念,相信在香港大家會越來越關心,大家應該亦都會見到唔同既回收商,回收計畫,回收呼籲等等...但其實可以回收既物料中,塑膠係其中一種最多被棄置既物料,例如:經常用膳後既食物膠盒或者飲品中既膠樽等.想像一下如果人人都同自己一樣接觸咁多唔同類型既塑膠用品,但用完就當作垃圾棄置,最後對環境會造成嚴重既影響,所以我地應該大家一齊去幫助和支持回收行動啦!

但一日有咁多塑膠物料,咁到底d塑膠物料回收後又會點樣處理呢?

跟據環境保護署資料顯示,香港其實每日棄置約有1694公噸既塑料物料(即有大概1億4千3百50幾萬個Bonaqua既輕量樽),即每年約有61萬8千3百公噸,香港有42.3%既塑膠會被棄置,只有其餘57.7%會被回收.從數字上可以睇到回收膠樽再循環再用既可行性比起其他金屬和廢紙回收更有難度.

其實膠樽,膠盒呢一種係唔易被分解既塑料物料,而且佔用堆填區既空間又較大,容易受污染,所以我地更加唔應該濫用塑膠產品!

雖然只有約一半既塑膠料可以循環再用,但就算係咁,我地都要去支持和協助回收,至少我地用過既塑膠用品一定要記得放入回收桶內哦!

講左回收膠料既重要性後,不如了解下回收後既過程和處理丫:
  1. 首先將唔同類型既塑膠分類,因為有唔同種類既樹脂(塑膠原材料) 混集在一起.
  2. 另外會將樽蓋同招紙除去,因為屬於唔同既材料.
  3. 將已分類好既塑膠料送到打碎機變成碎片.
  4. 清洗並確保其餘紙類已被去掉.
  5. 風乾>熱溶>拉線>冷郤>再切粒.
  6. 變成粒狀後就可以用黎再造成其他新既塑膠產品.
另外亦都分享一d塑膠既分類標籤比大家作參考:
  • PET 聚對苯二甲酸乙二酯 (如寶特瓶)
  • HDPE 高密度聚乙烯 (如洗劑容器,牛奶瓶,超級市場膠袋)
  • PVC 聚氯乙烯 (如管道、戶外傢具、雨衣)
  • LDPE 低密度聚乙烯 (如牙膏或洗面乳的軟管包裝)
  • PP 聚丙烯 (如瓶蓋,吸管,微波爐食物盒)
  • PS 聚苯乙烯 (分為未發泡或已發泡.未發泡即保麗龍,如部分飲品容器(如益力多),已發泡即俗稱的發泡膠,如包裝用既膠粒,一次性保溫膠杯,包裝凍肉盛器,飯盒)

2016年7月24日 星期日

甚麼是膠原蛋白?

CLEAN SKINCARE 小Tips – 甚麼是膠原蛋白?

我地經常話要補充多d膠原蛋白或者要做激光增加膠原蛋白等等,需要膠原蛋白係因為我地知道膠原蛋白既作用係支撐住我地既皮膚,令我地減少皺紋,鬆弛,毛孔粗大或凹陷等問題,但其實膠原蛋白係乜黎既?

膠原蛋白係人體裡既蛋白質之一,佔全身總蛋白質約30%,皮膚既70%,型態係由三條肽鏈蹺住而成,擁有非常強既韌性,之後再由多條呢種3合1既膠原纖維合成一條較粗既膠原纖維,到現在為止約發現了29類唔同既膠原蛋白分佈在身體各部份,但皮膚既膠原蛋白組織主要由第1和第3類組成,而膠原蛋白除左對皮膚重要外,對我地四肢甚至身體既關節都好重要,因為韌帶既主要成份就係膠原蛋白!除左韌帶,我地既眼角膜亦都係由膠原蛋白組成.而皮膚會顯得飽滿年輕係因為有膠原蛋白既支撐,就好似大廈裡面既鋼根一樣.

年輕時膠原蛋白會自己合成和增生,但當過左25歲後就會開始減少增生和逐漸流失,所以如果係25歲前已經開始令自己既膠原蛋白流失(如沒有搽防曬去保護皮膚下而又經常受紫外線既照射,經常捱夜,有不良既飲食習慣,用化學性成份重既護膚品化妝品等等),跟住到時候如果跟同齡人(有做好保護和保養)既肌膚比較下就會顯得較老化.

另外,關於皮膚會經過衰老雖然係自然既事,而膠原蛋白係會因為年紀既增長而逐漸流失,使面上出現老態跡象,但我地可以延緩衰老,減慢流失既速度或者做治療去增加膠原蛋白既增生,比如:-
  • 多攝取維他命C,因為維他命C係胺肌酸既重要輔酶,有助於膠原蛋白既合成.
  • 做好防曬工作,皮膚科醫生認為紫外線既照射係皮膚衰老既頭號原因,紫外線會分解膠原蛋白並加速膠原蛋白既流失,使皮膚提早老化,建議每天要搽防曬霜去保護皮膚免受紫外線照射,咁樣係可以減少膠原蛋白既流失哦.
  • 做激光治療-激光既熱能會刺激皮膚細胞層既膠原蛋白纖維增生,令膠原蛋白增加和重組合成,持續既膠原增生會令皮膚既表層回復彈性,細紋慢慢消失,而粗糙既毛孔和皮膚亦因為膠原蛋白持續既增生,使皮膚密度提高,皮膚和毛孔漸漸變得細緻和嫩滑.
  • 減少體內自由基既形成,要注意飲食習慣,保持運動,減少或戒掉飲酒或食煙既習慣
如果大家想了解自己既皮膚肌齡和狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既膠原再生面部激光療程試做(另外還可多選擇一項,即一半價錢兩款激光試做),可在旁邊既連結了解更多和登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年7月22日 星期五

CLEAN護膚產品成份解碼 –Fragrance人工香料

CLEAN護膚產品成份解碼 –Fragrance人工香料

沖完涼,洗完頭香噴噴,好舒服!大汗淋頭用香噴噴既紙巾擦面最好,咁先唔會有汗味...但唔知大家有冇留意到呢類係我地每日生活中都會接觸到既產品其實含有大量人工合成香料(Fragrance/ Parfum/ Purfume),比如從起床後使用既牙膏,洗面產品,衛生紙,化妝品,沐浴乳,洗頭水,護髮素,及清潔打掃所用到各式清潔劑等等都會有.但其實點解護膚品,化妝品要加人工香料既?有時有d味都幾重,而身邊都有朋友對香料有敏感添?咁日日用對皮膚有冇問題咖?

原來每一種香料中,所含既化學成份高達600款以上,在護膚品和化妝品中,香料幾乎無所不在地被添加,據美國衛生與公共服務部(U.S. Department of Health and Human Service)統計,至今已有超過 5,000 多種香料化學物質,以不同的組合被廣泛地使用(但有可能並未通過安全測試).

而人工合成既香料係煤化工或石油化工既合成物,由多種石油合成物提鍊而來,呢d化學物類似荷爾蒙既物質,可以干擾內分泌系統,長期使用對皮膚和身體都唔健康.合成香料最主要既功能係為產品增添好聞既氣味,令原本無咁好聞既成份給蓋住,咁做係為左能夠更容易被大眾接受.

但注意如果過量使用人工香料會有以下情況哦:-
  • 會造成皮膚過敏或者皮膚炎.
  • 會使皮膚變得粗糙,暗淡無光和細紋浮現.
  • 會引起色素沈澱,長色斑.
  • 增加腎臟負擔,嚴重者甚至有致癌風險.
除上述外,人工香料比較容易受到熱,光,空氣,金屬離子等既影響,會容易變質,對皮膚比較刺激,所以建議大家避免使用含人工香料成份既護膚品和化妝品,因為過量使用會為肌膚帶來沉重既負擔和潛在既危機.

其實市面上有部份既天然有機護膚品和化妝品不添加人工香料,他們選用天然植物既香味,聞起來味道雖然平淡,甚至保留原本植物既味道,但在每日使用上都會安心d安全d哦.

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可在旁邊既連結了解更多和登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年7月18日 星期一

韓國人皮膚好好? 真的嗎?

CLEAN食玩行之行 : 韓國人皮膚好好? 真的嗎?

暑假即將來臨,大家籌備左去邊處旅行未呢?小編我就剛剛從韓國玩完返黎,相信去過韓國既你,都會覺得韓國人一向都皮膚好好,白白滑滑之餘...毛孔又細緻,真係好令人羨慕呢~究竟點解佢地d皮膚會咁好架~~><~~

當然啦,天氣和環境都會影響皮膚既質素,地方大d,人既密度低d,污染都少d啦,另外韓國氣候偏乾燥,大部份時間氣候比香港較低(夏天平均23 - 26度),所以一般只需要注重保濕,皮膚就無咁容易出油,暗粒都無咁多哦.

另外其實同飲食亦有莫大關連,韓國人一向都追求天然飲食,食肉少,而且佢地一般都好喜歡食好多本土種植既蔬果青菜,我係韓國用餐前經常食到既伴菜都係佢地自己國家所種植既本土蔬菜,所以食落都覺得新鮮d,甜d,진짜 맛있어!!(真係好好味)*^^*.

但食多d疏菜會對皮膚好d嗎?點解呢?因為蔬菜有 3 大營養價值: 

膳食纖維
  • 蔬菜當中含有豐富既膳食纖維,係植物既一部份,進食後身體雖然吸收唔到,但可以維持健康,膳食纖維可分為水溶性纖維和非水溶性纖維兩類,而蔬菜中含有大量 非水溶性纖維,幫助刺激排便順利,促進腸胃蠕動,更加可以調節腸胃系統既正常運作,係我地人體既「清道夫」,將體內毒素排走,減低毒素油脂過剩而令皮膚生暗瘡既風險和延緩皮膚衰老. 
植化素
  • 植物生化素(Phytochemicals)簡稱為植化素,係一種天然既色素,各種不同種類既蔬菜植物在生長過程中,預防紫外線傷害,從自體內製造出既一種物質.一般存在於植物中各個部位,如根莖葉,果皮,果肉,種子等.特別在顏色鮮豔既蔬菜和水果中含量比較多,最常見既植化素包括β胡蘿蔔素(β-carotene),茄紅素(lycopene),花青素(anthocyanins)等.亦係我地人體本身無法製造,必須由食物中攝取,吸取植化素可以幫助皮膚具有抗氧化功能,增強免疫系統和調節荷爾蒙問題等. 
蛋白質(膠原蛋白)
  • 雖然從食物吸取既蛋白質再轉化為皮膚所需既膠原纖維可能會比較困難,因為畢竟要經過我地漫長既消化系統後,身體才能開始吸收,但另一方面可以肯定既係如果用蔬果黎代替肉類既蛋白質,咁身體就一定會更加健康,而且食得太多肉類既話,酸性同毒素引起大量既自由基,之後再經過高溫煎炒煮炸,釋放有害物質,當人體進食後會破壞體內既好細胞,令新陳代謝減慢,導致皮膚急速衰老.所以食少d肉類,人都會靚d又後生d哦!
所以韓國人既皮膚咁好既原因係除咗氣候既關係之外,日常飲食佢地都好注重袈!所以我地大家都要由內至外去開始保養自己啦!要一齊加油哦~

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可在旁邊既連結了解更多和登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年7月14日 星期四

如何做運動才能達到燒脂效果?

CLEAN SKINCARE小知識-如何做運動才能達到燒脂效果?

天氣越黎越熱,而且暑假當前,更係一家人或約埋成班朋友去海灘玩啦,但去海灘最大既考驗就係「身材」!如果要將身體上既脂肪燒走,咁應該點做呢?

有人話:好簡單,只需控制食量和食物加上運動就一定能減到!但亦會有人話:我一星期做3次瑜珈,但係點解仲係未減到?又或者話:我一星期做3次Gym,體重係有減到d,但脂肪比例依然係高...點解呀~~~!

要控制體重就要控制食量,因為一般人造成肥胖既最大原因都係來自食量有加冇減,比如今次食一碗麵,下次加隻蛋,再下次加豬扒,再下次就加...咁就只有越食越多才能滿足到自己,最後身體吸收過剩,轉為脂肪,另外3餐裡既食物種類亦要配合,盡量少食高脂,高油,高糖或高鹽既食物.

但最健康既減肥方法都係要做帶氧運動,但要達到燃燒脂肪既效果就要留意時間和心跳率.因為時間太短或心跳率未達到既話,可能只會達到去水腫和燃燒少量脂肪既效果,飲水後體重和水份又會打回原形.

要達到最佳燃燒脂肪既心跳率係『最大心跳率既60%至70%』並要持續20分鐘以上,因為當最大心跳率達到60%至70%既時候,身體既供能系統會開始啟動帶氧模式,利用氧氣黎分解體內脂肪轉化為能量,所以呢個階段係燃燒脂肪最好既模式,但要將氧氣帶到肌肉作為燃料是需要一些時間,經過臨床實驗需要約20分鐘左右既時間氧氣才能到達肌肉並作為燃料分解體內脂肪,所以如果要有效地燃燒脂肪,咁就要留意自己既心跳率和時間了
  • 如最大心跳率未達到60%至70%但做左2個小時的運動=未達到最佳燃燒脂肪模式(如瑜珈等靜態運動)
  • 如最大心跳率達到60%至70%但做左10分鐘的運動=未達到最佳燃燒脂肪模式(如短跑等短暫爆發運動)
  • 如最大心跳率達到60%至70%而持續做20分鐘的運動=達到最佳燃燒脂肪模式(如跳舞,長跑等持續帶氧運動)
而最大心跳率既計算方式係220 - 年齡 = 最大心跳率x 0.60(即60%)或0.70 (即70%)

如一名32既女性,目標心跳率係最大心跳率既60%,所以計算方式係220 – 32 = 188 x 0.60 = 112.80 (113)

其實做帶氧運動可以燃燒脂肪外,亦可以改善或加強我地既心跳功能,血液循環和氧氣輸送功能,能提高我地既肺活量外,亦可以減少我地疲勞既狀態,令我地時刻都咁精神亮麗,膚質亦會因而得到提升和改善哦!大家加油啦!

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可在旁邊既連結了解更多和登記哦:www.cleanskincare.com.hk/zh/trial.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年7月11日 星期一

補健食品小Tips –碧蘿芷(Pycnogenol)

CLEAN SKINCARE 補健食品小Tips –碧蘿芷(Pycnogenol)

補健品對一般城市人黎講可以算係必需品之一,但除左維他命,魚油丸,膠原蛋白外,其實仲有好多唔同既補健品都係用上天然食物植物製成,就好似我地上次分享過卡姆卡姆(CAMU CAMU),有興趣可以按呢個連結睇下啦http://clean-skincare.blogspot.hk/search/label/%E8%A3%9C%E5%81%A5%E9%A3%9F%E5%93%81%E5%B0%8FTips 

而今次分享既另一款補健食品叫『碧蘿芷(Pycnogenol)』係法國沿海松樹樹皮既提取物,以下我會講下碧蘿芷既成份同埋功效,亦會講下要注意既事項,希望大家一齊從內至外都咁靚咁健康啦*^^*

碧蘿芷既營養成份中,大部份係來自幾種生物類黃酮,其中最主要既一種叫做前花青素 (procyanidins),而碧蘿芷中含有四十多種有機酸,亦被稱為果酸,呢d成份都係已被証實既天然強力抗氧化劑以及能夠對抗多種自由基,令我地既皮膚細胞受到保護,能夠降低肌膚遭受紫外線輻射和氧化作用既危險,同時亦具有抗發炎,抗過敏既作用. 

碧蘿芷對肌膚既好處?
  • 可與皮膚中既膠原蛋白結合在一起,保護皮膚膠原蛋白,令『酶』和自由基不能再破壞膠原蛋白和彈性纖維,從而抑制皺紋既產生(即減少皺紋),另外亦可以增加和重建肌膚既彈力,從而變得表面滑嫩和緊緻,,所以皮膚才唔會再因為年齡既增長而愈來愈失去彈性和下垂鬆弛,要使皮膚平滑年輕,皮膚既彈性係非常重要哦.
  • 抗UV可以抑制由陽光直射造成既皮膚衰老,有助去除由於過度色素沉著而引起既皮膚不均勻色素現象.
  • 重建皮膚毛細血管既血液循環,當有充足既水分和氧,有助增加皮膚既保濕能力,還可以幫助排毒更新,皮膚就會恢復潤澤和年輕. 
碧蘿芷每日攝取量?

成年人每日攝取量大約75mg,而一天攝取量不應多過150mg哦,攝取前應與你的醫生諮詢服用碧蘿芷的劑量,以確定是否該補充和適合你.

好啦,下次再分享其他補健食品比大家參考啦.

如果大家想免費做一次皮膚分析,睇下自己既皮膚情況和肌齡係點?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 

與我們聯絡:
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年7月7日 星期四

高效注滲同普通保濕護理有乜唔同?

CLEAN SKINCARE小知識:高效注滲同普通保濕護理有乜唔同?

夏天面上出油既情況會特別旺盛,因為夏天天氣較高,令皮膚溫度上升唔少,所以皮膚會排出汗水黎平衡溫度,但亦因此皮膚既水份快速流失,而且室內既冷氣又會『扯走』皮膚既水份,所以導致水油失衡,令皮膚既油脂分泌增加,如果想控制和避免此情況發生,咁係補濕同保濕護理上就不可缺少了哦.

建議一般家中保濕面膜護理可以一星期做2至3次,盡量採用天然成份既面膜,避免使用化學性或刺激性成份既產品,但由於皮膚既角質層本能下會阻隔吸收水份,而一般既面膜產品份子都比較大,所以只可以做到短暫令皮膚表層補濕,如果想將水份帶到皮膚底層既話,咁就要借助儀器將水份帶去更深既層數了.

現時一般家用既導入儀器相比起敷面膜下,的確會有助於將水份帶到皮膚表層既更深層次,而導入儀可分為離子式和超聲波:

離子式既導入原理係利用電荷既特性,將精華從毛孔和汗孔滲入皮膚,簡單咁去理解就係磁石一樣,{同性相拒,異性相吸},而超聲波既原理係利用震動原理令角質層細胞間隙加大,令補濕產品由細胞間既空隙送入皮膚內,加速護膚品成分既吸收.

但如果要將水份帶到去基底層(亦即係表皮層既最深一層),咁就可以利用無針注滲技術透過脈衝電流深入皮膚既原理,直接將水份和營養帶到基底層(*)內.因為當脈衝電流刺激到皮膚後,細胞膜會產生物理反應,係2秒之內迅速張開數百個細胞微孔,令營養滲透到基底層內,達到更持久更深層既補濕. 

(*)基底層係皮膚組織中非常重要既一層,皮膚外觀既好壞完全取定於基底層既細胞,因為皮膚細胞係由呢層開始進行分裂,複製和產生新細胞,想擁有好既皮膚和好既質感,就要使基底層不斷地生產和製造出健康新細胞,所以利用高效注滲保濕療程將水份和營養帶到去基底層皮膚,做好深層既補濕咁皮膚就會靚d健康d啦. 

總結就係:面膜可為皮膚表面短暫補濕 / 導入儀可為皮膚表層補濕 / 高效注滲保濕療程可為基底層作持久補濕,所以如果希望皮膚唔再油淋淋,咁就要為皮膚加強補濕和保濕哦!

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價高效注滲保濕療程($375.00),可在旁邊既連結登記哦:www.cleanskincare.com.hk/zh/trial.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年7月3日 星期日

激光去斑痛嗎? 如果唔痛係咪等於冇效果?

CLEAN SKINCARE 小知識 - 激光去斑痛嗎? 如果唔痛係咪等於冇效果?

對未做過激光去斑既朋友們,心裡可能會有d疑問:會唔會整傷皮膚架?皮膚會唔會越整越薄架?有冇效架?等等...

其實之前都有分享過和解答過以上問題,但有一條問題係未分享過而又覺得都幾值得分享俾大家既係:激光去斑痛嗎? 如果唔痛係咪等於冇效果呢?

其實色斑概括分為深層斑和淺層斑,而當進行療程時無論深層或淺層,皮膚都會有一定既感覺,因為當激光能量射進皮膚內既目的係擊碎黑色素,所以當能量擊到黑色素時皮膚內既神經會有一定既反應,但至於係咪「痛」呢?小編我就覺得用「吉」黎形容會較貼切D,就好似用橡筋彈你一下咁,有人會覺得痛D有人就覺得冇乜感覺,但總括都係大部份人可以接受既感覺.

咁如果唔痛係咪等於冇效果?其實做每種療程都會有唔同既感覺,而唔同人唔同皮膚上都有所不同,而激光去斑療程一般都係有「吉吉地」既感覺,只不過有強弱之分,有痛或冇痛係因為皮膚接受激光後既反應,而反應每次亦可能有唔同,所以唔痛係唔等於冇效果既.

係一般正常情況下,進行激光去斑療程前一定會先經過專業既皮膚顧問和激光師評估下才會進行療程,所以該療程既能量,次數或波長會因應顧客既皮膚色斑種類/大小/色素深淺既情況而設定,來確保最有效和最安全既治療方法.

如果大家想了解自己既皮膚狀況或色斑情況,歡迎用以下方式聯絡我們預約做一次免費既皮膚分析哦,另外我地中心亦為第一次光臨既顧客提供一次半價激光去斑療程試做,還可以從其餘6款激光療程自由選擇多1款試做哦(如:激光去斑 + 激光去暗瘡印療程),即1半價錢做2款激光療程,可在旁邊既連結登記哦:www.cleanskincare.com.hk/zh/Promotion-2016.html
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.