2017年12月12日 星期二

激光去淺層斑Q&A


CLEAN Blog :激光去淺層斑Q&A

不少顧客致電或 What’s app我地查詢關於激光去淺層斑療程既細節,例如:係咪好痛㗎?要做幾多次?療程後復原要幾耐㗎。。。等等。所以我就集合左幾條問題黎分享俾大家,希望能幫助到大家對激光去淺層斑有更清晰既概念啦。

:做激光去斑會好痛嗎?
:其實唔痛,就好似比橡筋輕輕彈一下既感覺咁。

:淺層斑激光療程會結焦嗎?
:首先大家要注意既係激光去斑一般唔會結『焦』而係結『痂』,因為專業地去分別既話,結焦代表由血液形成硬塊既痂,而痂就會代表薄薄既痂皮,所以淺層斑激光療程係會結『痂』既。而原因係療程後既皮膚會因為新陳代謝既循環令一D過厚既角質細胞連被擊碎既色素一齊脫落,之後跟住新陳代謝既循環又再組成新細胞往表皮層推來原成一個更新並慢慢令色斑變淺或消失哦。

:其實結痂係點樣?幾耐先會甩呢?
:一般結痂既情況只會出現一層薄薄既依,面上亦唔會出現有浮凸,所以平時係摸唔到有任何不平滑,只見色斑位置只會深色咗D,而且3至7日內會慢慢自然脫落。

:結痂可以化妝出街上班嗎?
:可以。因為呢D只係一層薄依既痂,皮膚表層並冇任何傷口,療程後既當日已經可以照常化妝出街上班哦,但注意係卸妝既時候要較為輕手,以免用力過度,令結痂既薄依甩掉。

:激光去淺層斑療程要幾耐做一次?
:約3至4星期,因為我地皮膚係正常情況下既更新期約為21-28天,皮膚係更新既同時令一D過厚既角質細胞連被擊碎既色素一齊脫落,之後跟住新陳代謝既循環又再組成新細胞往表皮層推來原成一個更新,所以要等皮膚完成更新後再進行下一次既療程哦。

:做幾多次可以去除色斑呢?
:係一般正常情況下約3至6次。要視乎斑既種類,分佈,大小,淺深等等,所以開始療程前建議先進行經過皮膚分析儀器同埋專業既皮膚顧問了解後先再進行療程。

最後提提大家進行完激光去淺層斑療程後要記得出門前要搽物理性防曬同埋要加強保濕,咁療程效果會更佳哦。

如果大家想了解自己既皮膚狀況或想知道自己既皮膚底層會唔有更多既色斑,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光去斑治療,可在旁邊既連結了解更多和登記哦:cleanskincare.com.hk/zh/laser-a.html 
(*)免責聲明:以上所載的資料只供參考用途,均不能作為替代執業西醫的建議。在採取任何行動之前,你必須與有適當資格的執業醫療人仕諮詢。

2017年12月10日 星期日

什麼是接骨木莓果(Elderberry)?

CLEAN 補健食品小Tips: 什麼是接骨木莓果(Elderberry)?

大家如果患有喉嚨痛,咳嗽,傷風等病症時多數都會選擇食西或中既合成葯去舒緩病症,但如果唔想食咁多合成葯,其實可以選擇食西草藥(天然草本既保健品)去幫助舒緩病症哦。如果有食開保健品既朋友可能有見過「接骨木莓果(Elderberry)」呢個天然草本名稱。

市售分為兒童和成人配方兩種(不含藥物成份),主要功效能鞏固上呼吸道健康,可舒緩喉嚨痛,咳嗽,患傷風等病症,要抵禦轉季天氣既變化,除咗可以選擇攝取維他命C,仲有接骨木莓果可以幫助增強免疫系統既保健功效。

接骨木(Sambucus)屬於忍冬科家族既一種落葉灌木,果實富含多種花青素,類黃酮(如槲皮素,芸香苷)和多酚,但接骨木有多種品種,其中以西洋黑接骨木(Sambucus nigra L.)最為常見,包括葉子,樹皮,花和漿果都可作為藥用,其中以接骨木莓果(elderberry)最常作為保健品。

接骨木莓果含有:豐富維他命B1,B2及B6,鈣,磷及生物類黃酮等,而接骨木莓果個既作用有:

  • 係歐洲就已經有使用接骨木莓作為藥用草本植物,接骨木莓果分為黑,藍,紅三類,三者中黑和藍接骨木莓果既用途最廣,藍黑色既接骨木莓果含豐富既生物類黄酮,有效提升免疫能力及幫助紓緩上呼吸道感染既症狀。
  • 當患有傷風或流感時病毒所分泌出既酵素會刺破細胞膜,讓病毒得以進入細胞內做自我複製,從而引發感冒症狀。而接骨木莓果含有豐富生物類黃酮能強化細胞膜,令到細胞膜不易被刺穿,所以能減少病毒進入人體細胞,其實已有實證指它或有直接抑制感冒病毒進入人體細胞既作用。

接骨木莓果另外還有以下功效:

  • 舒緩傷風,感冒,咳嗽及氣管感染
  • 有效增強免疫力及抵抗力
  • 含豐富維他命B1,可減輕腦部疲勞,增強記憶,增加體力,緩解肌肉酸痛
  • 含豐富維他命B2,B6,促進細胞再生,維護皮膚健康,消除口腔炎症

注意:每一種保健品其適應既人群各有不同,建議服用前應先全面瞭解其成份,生產來源,安全性,功效,服用時間和服用份量等,建議孕婦或未成年人士不要隨便使用。

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年12月9日 星期六

飲酒會傷皮膚嗎?

CLEAN Blog - 飲酒會傷皮膚嗎?

就到聖誕節了!可以趁著節日既藉口放鬆下自己,可能玩夜d,飲少少酒咁,但而家d酒太好飲了,甜甜地易入口,仲要有好多唔同既味道揀添,所以飲下飲下就會越飲越多,但狂歡後既隔日,d皮膚就感覺到超乾同埋毛孔變大晒,但點解既?關唔關飲酒事?

絕對關事哦,因為酒精會加速蒸發體內水份,令我地皮膚處於乾旱狀態,從而令毛孔等失去彈性而變大哦,但如果你有習慣一星期飲多次酒既話,咁就建議要開始減少或戒掉哦。

因為酒精會妨礙我地身體吸收營養如維他命A,C,E和硒等原素,而呢幾種原素既功能正正就係幫我地修復皮膚同抗氧化,而且酒精仲會有機會令身體產生肝癌外,其實亦有機會引發皮膚癌呢。

早係2012年歐洲皮膚病學雜誌上曾經發表一項研究發現,飲酒係有可能增加侵襲性基底細胞癌既風險,研究既內容未有詳細列明,但結果顯示,如果每日攝入10克既酒精量,咁患基底細胞癌既風險就會增加7%,而鱗狀細胞癌既風險就會增加11%。而且曾有16份國際研究顯示,共有六千宗既黑色素瘤個案,發現同飲酒有著密切既關係添。

最後酒精亦會令身體內臟產生炎症,從而影響荷爾蒙分泌而令色斑加深,其實基於我地既身體根本就唔需要酒精呢種物質,所以建議大家為左身體既健康,不如用茶,咖啡或其他飲品黎代替飲酒啦!

如果大家想免費做一次皮膚分析,了解下自己既色斑或者皮膚狀況?歡迎用以下方式聯絡我們哦,另外我地中心亦為第一次光臨既顧客提供一次半價激光療程或高效注滲補濕試做,可在旁邊既連結登記哦:http://www.cleanskincare.com.hk/zh/trial.html
  • Our website: www.cleanskincare.com.hk
  • Facebook: PM
  • Mail: info@cleanskincare.com.hk
  • Tel: 26283242
  • What's app: 98438821
  • We Chat: cleanskincare
  • Line: cleanskincare

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年12月1日 星期五

食飽飯會更眼訓?

CLEAN Blog - 食飽飯會更眼訓?

飯氣攻心呢句說話大家由細聽到大啦,雖然唔知咩叫飯氣,亦唔知點解攻心會令到個人咁眼訓,但確實食飽後個人真係超眼訓(特別係晏晝時段),所以我就搜集下資料,睇下點解同埋有冇解決方法,最後當然揾到d資料啦,今篇就等我分享比大家啦!

食得越飽就越想訓?

係,因為大部份上班族都係叫外賣或出街食,又或者夜晚為左快同方便,所以食材就可能簡單d用鑵頭,加工或即食既食材黎煮一餐食,但餐廳同埋鑵頭,加工或即食等食材含有大量味精、油、鹽等等,所以當進食後身體需要大量既維他命B去分解,而且午餐總離不開澱粉質如白飯,麵,麵包等食材,而身體要將呢d澱粉質分解成碳水化合物再轉化為能量就需要大量既維他命B,所以如果日常吸取唔夠維他命B既人就會覺得更加眼訓和疲倦。

但點解眼訓和疲倦關維他命B事?

由於維他命B既功能係調節新陳代謝(即身體內既合成同分解既工作),維持免疫系統和神經系統既健康,將碳水化合物轉化為能量等等,所以維他命B可以話掌管住我地身體既精神狀態和健康,所以當身體缺乏維他命B時就會:提唔起精神、失眠、神經系統問題、抑鬱、思考力下降、大腦反應變慢、四支反應變慢等等。。。(詳細可參考:維他命B同維他命B雜既分別

而且維他命B必須靠吸取,因為身體唔識合成,所以如果平時冇吸取維他命B,咁就會一直消耗而造成身體負荷,咁就形成非常疲倦既狀態了。所以建議每日都平均進食榖殼類、蔬菜、豆類、糙米、魚類等食物黎吸收維他命B。

但留意維他命B屬於水溶性同埋熱力亦會破壞維他命B,所以所有食材建議唔好放係水裡太耐或煮太耐,如能生食就更佳喔!

總之多d關心自己身體,留意同進食多d對身體有益既食物哦!

2017年11月30日 星期四

點解嘴唇容易乾裂?

CLEAN Blog - 點解嘴唇容易乾裂?

黎到今個月尾,終於感受到天氣開始轉涼了,同時間天氣亦變得乾燥令皮膚開始有繃緊既感覺,所以大家都要加緊補濕哦,但除左皮膚外,嘴唇亦一樣唔例外哦,但其實除左因為天氣開始乾燥而令嘴唇出現乾裂外,原來個人因素或健康因素都會有影響哦,如果您或身邊既朋友既嘴唇都經常出現乾裂既話,咁就要繼續睇落去喇!

其實點解嘴唇會出現乾裂既情況但皮膚又冇既?
  • 原因係身體皮膚底下有皮脂腺組織,可以分泌油份令皮膚減少乾裂狀況出現,但嘴唇部份就冇皮脂腺組織,所以無辦法好似身體其他部位咁有油脂分泌既功能,從而嘴唇會較容易乾燥. 
而一般會導致嘴唇容易乾裂有以下2個情況:

1. 當嘴唇出現乾燥脫皮既情況,我地可能會不自覺咁想用舌頭去舔嘴唇令嘴唇唔好咁乾,但呢個方法反而會令嘴唇水份更加蒸發得快,導致乾裂同埋甩皮問題添.
  • 原因:因為我地既唾液中含有蛋白質,黏液,多種酶同埋抗菌物質等,所以當我地既唾液蒸發晒d水份後,以上物質就會附係我地既嘴唇上並不斷吸乾表皮既水份,另外唾液含有澱粉酶,當水份一蒸發後澱粉酶會引起結締組織收縮,導致唇黏膜發皺,所以就形成越舔越乾了。
2. 在日常飲食中身體缺乏蔬菜水果既維他命或者飲水太少.加上比較多食煎,炸,辣等刺激性食物而令到身體水份加快流失,令嘴唇更加乾裂. 
  • 原因:缺少維他命B和E.維他命B可以幫助改善嘴唇乾裂情況,而維他命E具有保濕,抗氧化同埋對抗自由基既作用,所以當嘴唇開始感到乾裂時不妨進食多d綠色蔬菜同水果喇. 
其實嘴唇比皮膚更加需要注重保濕,因為冇油脂既保護除左會容易乾裂,仲會有機會造成裂開既傷口,有唇炎等問題哦. 

護唇小Tips:
  • 可以在嘴唇上搽上一層厚厚地既潤唇膏或者蜂蜜,而食用既橄欖油就可以令嘴唇回復滋潤效果.
  • 在搽唇膏前先搽上潤唇產品打底,可加強嘴唇滋潤度.
  • 多飲水同埋均衡飲食,要有充足睡眠,嘴唇若出現乾裂時,避免食辣或刺激性食物避免造成惡化.

2017年11月28日 星期二

其實眼袋係乜?

CLEAN Blog - 其實眼袋係乜?

對於眼袋係乜有種種唔同既講法,有話係水腫,脂肪,網上之前甚至流傳過話係血塊。。。但有一樣可以肯定既係有眼袋會令整個人會顯得衰老、憔悴、唔夠精神,甚至會以為病左,所以好多女士或男士都好介意有眼袋。所以今篇會分享眼袋係乜,有乜辦法可以整走佢同預防啦。

眼袋本身其實係脂肪,作用係保護眼睛,呢d脂肪一般都會係眼眶內被結締組織包住承托住,所以外觀上本來係唔會凸出的,但由於生活上既影響或年紀既影響而令結締組織衰弱,變得鬆弛,所以d脂肪就會『漏』出眼眶,形成眼袋了。另外亦有機會唔係結締組織衰弱,而只不過係水腫,但如果係水腫既話通常係整隻眼睛都感到浮腫而非只有眼袋位置。

因年紀既影響而顯現眼袋其實就同皮膚一樣,當皮下既膠原隨著年紀減少而皮膚開始顯得鬆弛,之後隨著地深吸力向下垂,而眼袋就係結締組織衰弱,變得鬆弛,所以d脂肪就會『漏』出眼眶,形成眼袋,所以要做切割手術才能回復平復,但生活習慣點解有關?

原因係當我地經常用神(如專注咁睇電腦,長時間睇電話,睇書,等等)或睡眠不足,咁會令懸吊住眼球既韌帶開始鬆弛,從而向後下壓,令周邊既脂肪被擠壓出黎而形成眼袋。

所以要預防因生活習慣而受影響既話,咁首先要避免一直眼都唔眨咁望住個螢光幕,每隔一陣就轉開視線向遠方望去黎放鬆眼部肌肉或合埋雙眼並讓眼球輕輕轉動打圈幾下。

又或者做眨眼動作,因為眼睛感到疲累好多時候係因為眨眼次數唔夠,所以做眨眼動作係用黎滋潤並放鬆眼球,做法係俾少少力閉眼3秒左右再開眼,每次重複4次就得了,一日可以重複做幾次。

如果想再保養好d,可以進行眼部全方位護理療程或眼部射頻治療,療程既作用係令眼部既膠原纖維同結締組織更緊緻,改善和預防眼袋既出現,如果想了解多d或想免費做一次皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價至7折既激光療程試做,可在旁邊既連結了解更多和登記哦:http://www.cleanskincare.com.hk/zh/eye.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年11月21日 星期二

用濕紙巾抹面可以嗎?

CLEAN BLOG - 用濕紙巾抹面可以嗎?

唔知大家平時會唔會有用濕紙巾抹手抹面既習慣呢?因為我係公共場所經常見到有人用濕紙巾抹手抹面,但其實我有個疑問就係濕紙巾乜唔係只可以用黎抹手嗎,點解可以抹面既?因為大部份既濕紙巾都含有酒精或其他化學成份.所以建議大家選購冇酒精,香料或太多化學性成份既濕紙巾黎用會好d,而且建議只用於抹手哦.

但點揀冇酒精,香料或太多化學性成份既濕紙巾呀?其實濕紙巾既包裝上大部份有註明,比如:

  • 只供外用,避免用於面部和任何傷口處
  • 不宜用於敏感部位例如眼睛,口唇附近和會陰等位置

但點解建議唔好用濕紙巾抹面因為:

  • 皮膚專科醫生稱,如果濕紙巾製作及儲存時既衞生條件欠佳,可引致細菌滋生,用咗染菌既濕紙巾抹手或抹面等,都有機會受感染.
  • 使用含有酒精成份既產品會降低皮膚既保濕力及免疫力,造成皮膚乾燥,粗糙,易敏感,皮脂分泌旺盛,毛孔粗大,皮膚會加快衰老和逐漸黯淡無光澤等.
  • 如該濕紙巾含有酒精成份,咁酒精會麻痹細胞,令細胞難以區分營養物質既優劣,從而吸收一d對皮膚有害既物質,例如鉛,水銀,讓皮膚不再健康.
  • 濕紙巾內含有既化學成份如香料,抑菌劑,殺菌劑,營光劑或防腐劑等成分都較刺激皮膚,抹面後部分會殘留在皮膚上,容易引起敏感,紅腫或痕癢等不適現狀.

所以建議濕紙巾只可用於抹手而非抹面哦.

最後分享用濕紙巾抹手時要注意以下事項:

  1. 使用時若覺得抹一隻手已經用了紙巾上大部分酒精或消毒成分,則應用新既一張來抹另一隻手.
  2. 使用後可能會令皮膚出現乾燥,爆拆和出現乾紋,所以如日間使用過後,晚上回家後應為手部塗搽潤膚霜以滋潤雙手.
  3. 應將濕紙巾妥善密封,並儲存於陰涼既地方,以免洩漏或讓當中既酒精或消毒成分揮發.
  4. 由於酒精易燃,使用時應遠離火種及高溫源.
  5. 如使用前發現濕紙巾既包裝破損,應該丟棄而改用另一塊包裝完好既.

如果大家想免費做一次皮膚分析,了解下自己既皮膚狀況?歡迎用以下方式聯絡我們哦,另外我地中心亦為第一次光臨既顧客提供一次半價激光療程試做,可在旁邊既連結登記哦:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

椰子油/Coconut Oil對頭髮既好處?

CLEAN Blog - 椰子油/Coconut Oil對頭髮既好處

有好多文章都有講關於用椰子油對身體和皮膚既好處,而我自己身邊大部份既朋友都有用緊,記得早幾年前初認識椰子油時,係因為皮膚突然出濕診,但經朋友介紹用椰子油去舒緩症狀,之後皮膚慢慢有明顯既改善,所以經過深入了解後才得知椰子油原來有好多好處,而近來再有新發現原來椰子油對頭髮同頭皮都有好多好處,所以想係度同大家分享下啦.

其實椰子油係從椰子肉裡提取出黎既天然油脂,係熱帶國家可作為飲食中攝取脂肪既主要來源,唔單止可以用於食品製造中,而且就連藥物同埋工業上都有多種用途,而用於護膚上和頭髮上都一樣得,聽落去真係無論在身體內外都用得着,但椰子油當中既成份到底有D咩~?

椰子油主要既成份中有45-51%係月桂酸,而其餘成份有肉荳蔻酸,棕櫚酸,硬脂酸,短鏈脂肪酸等...

而當中既月桂酸除左可以提高我地身體既免疫力,針對消除身體上既細菌,真菌同埋有害細小微生物等等之外,仲可以幫助改善頭皮頭髮上既問題哦:
  • 椰子油有護髮功效,可以令頭髮更有光澤,用法係將椰子油當作髮膜,護髮素或髮尾油咁用.
  • 椰子油既份子較細,滋潤度較高,容易滲入頭皮同埋頭髮中去幫助減少頭髮上既蛋白質流失,從而可以收復和修護受損既頭髮.
  • 如果有頭瘡既問題(成因係頭皮上受到細菌感染而造成發炎),由於椰子油含抗菌成份,可嘗試用椰子油搽在清潔乾淨既頭皮上做按摩約5-10分鐘,然後再等約20-30分鐘後再沖洗和洗頭乾淨,一星期可做1-2次係可以改善生頭瘡既問題.
椰子油用於頭皮上時要注意: 
  • 用後必須要用洗頭水清潔乾淨,以免留下多餘既油份停留在頭皮上,造成頭皮毛囊阻塞,建議頭皮應保持清爽.
  • 取椰子油用時,要小心不要讓原本裝椰子油既罐內佔到水份而發霉哦.
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年11月14日 星期二

礦物粉底係乜?

CLEAN BLOG - 礦物粉底係乜?

有化妝既朋友都應該會有聽過礦物粉底呢樣嘢,但唔知多唔多朋友有用緊呢?我自己同身邊都有好多人有用緊,而且仲用左好長時間添,因為對比一般粉底都幾唔同,所以想係呢篇同大家分享下礦物粉底其實係咩黎,有咩好處等?

礦物粉底成份

  • 主要蘊含礦物天然成份,當中以二氧化鈦,氧化鋅及氧化鐵最為常用,亦有以雲母,高嶺土,碳酸鈣為粉體材料,不含填充劑及人造添加劑,以天然或合成礦物成分為主要粉體。

礦物粉底好處

  • 同一般粉底既分別係不含有化學石油副產品或其他對皮膚唔好嘅有害物質如:化學礦物油,防腐劑,香料,酒精,所以唔擔心會阻塞毛孔引發生暗瘡,使乾燥,色素沉澱或刺激到皮膚。
  • 礦物粉質地比較幼細貼服,用量用少少就夠,遮瑕度高。
  • 礦物質係一種無生命嘅物質,能有效防止細菌生長,當中嘅氧化鋅亦有助紓緩皮膚不適,適合敏感肌和暗瘡肌使用呀!
  • 氧化鋅是種呈白色既粉末,可均勻膚色,具防曬同抗炎作用,同時又有修飾效果,正因礦物質所含嘅色料唔會被溶解,唔會滲入皮膚底層,所以唔洗擔心會傷害皮膚。

我地每日都化妝,用全天然既礦物粉一定係好過用一般既粉底,想皮膚好d要遠離化學成份呀。但礦物粉係咪真係安全,咁要視乎礦物粉既整個配方,建議使用如碎粉和壓粉形,配方和成份較單純較簡單,至於呈液狀或膏狀和聲稱具多種護膚功能既礦物化妝品,當中含有礦物粉既成分比例可能得好小,所以建議在選購時必須看清成分標示,要選用全天然既礦物粉,小心產品有加入其他人造添加劑和填充物料。

如果大家想免費做一次皮膚分析,了解下自己既皮膚狀況?歡迎用以下方式聯絡我們哦,另外我地中心亦為第一次光臨既顧客提供一次半價激光療程試做,可在旁邊既連結登記哦:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年11月13日 星期一

夜訓會影響去斑效果嗎?

CLEAN Blog - 夜訓會影響去斑效果嗎?

香港既生活模式就係夜訓早起,年輕既就玩下手機,電腦或者遊戲機,而上班族就可能要應酬,同朋友聚餐或加班,總之大部份既香港人習慣都係夜訓早起。而呢個習慣其實會影響到我地既健康比如情緒唔穩定,集中力下降,判斷力下降,焦慮,易感疲倦,免疫力降低等,亦會構成黑眼圈和眼袋等問題。

另外,如果您係進行緊激光去班既療程當中,夜訓其實都會有影響去斑效果哦,因為激光去斑既原理係:
  • 淺層班(如雀班):利用532nm既激光波長將表皮層內既黑色素擊碎,再經過皮膚既新陳代謝結成『痂』並脫落.
  • 深層班(如荷爾蒙斑亦叫黃揭斑):利用1064nm既激光波長將真皮層內既黑色素擊碎,再由我地體內既巨噬細胞吞噬並經新陳代謝慢慢排出體外
但如果當您睡眠不足時,身體既新陳代謝會變慢,有機會影響埋身體既荷爾蒙分泌哦,所以睡眠不足會構成:
  • 淺層班(如雀班):雖然激光擊碎了黑色素,但由於皮膚既更新因新陳代謝變慢,所以更新既速度亦相對較慢而未能完全將被擊碎既黑色素分解,令去斑療程效果顯得欠佳,而且角質層亦會因為新陳代謝變慢而變得更厚,令膚色變得暗啞。
  • 深層班(如荷爾蒙斑亦叫黃揭斑):雖然激光擊碎了黑色素,但因為新陳代謝變慢,所以我地體內既巨噬細胞未能完全分解並排出體外,導致黑色素殘留在皮膚中,令去斑療程效果顯得欠佳。
如果荷爾蒙分泌真係受到影響,咁體內既黑色素會有增加既可能,令面上既色斑加深或增加哦!所以大家記得冇論遊戲有幾好玩,套劇有幾好睇或者工作有幾忙都好,建議要好好分配時間,保持最少有7個小時既睡眠時間,另外持續做適量既帶氧運動會有助提升睡眠質素和增強新陳代謝哦!

如果大家想免費做一次皮膚分析,了解下自己既色斑情況?歡迎用以下方式聯絡我們哦,另外我地中心亦為第一次光臨既顧客提供一次半價激光療程試做,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年11月8日 星期三

蒜頭的好處

CLEAN食玩行之食 - 蒜頭的好處

蒜頭對某部份人既印象會係辣、苦、重口味、好食、食完會留下口氣等等,我自己就超中意食,原因係蒜頭有佢獨特味道之餘仲可以帶出食物既味道,令食物既味道更加豐富,而且蒜頭更有殺菌既功效,增強抵抗力,有益腸道等等,所以咁好既食物又點可以唔分享比大家呀~~

蒜頭又叫大蒜(Garlic),屬於一種蔥科既植物,學名:Allium Sativum L.,最早原產地為亞洲中部,係中國已經有超過2000年以上既栽培歷史了,而由於世界各地大部份既泥土都適合種植,所以現階段好多不同國家各自都有栽培種植,只係品種有D唔同,係非常普遍既香料之一.

其實蒜頭既成份非常複雜,當中含有天然既抗生素『蒜素(Allicin)』,三硫化二丙烯 / 二丙烯基三硫化物(Diallyl Trisulfide),更有豐富既維他命A、B、C、B6,果寡糖,蛋白質,碳水化合物,礦物質,錳既成份等等.

而蒜頭對我地既好處有
  • 含有蒜素和三硫化物既成份係有超強既殺菌消炎作用,可以抑制同埋消滅多種既球菌,桿菌和真菌等細菌,有增強身體抵抗力功效,亦可預防感冒.
  • 維他命B6,錳既成份有助分解膽固醇和增強免疫系統.
  • 果寡糖:又稱為低聚果糖,係一種身體分解唔到既醣類,有助腸內益菌既繁殖(如雙歧桿菌同埋嗜酸桿菌等),另一方面會抑制壞細菌增生,有助排便和保持腸道健康.
  • 日本科學家發現煎蛋黃加大蒜既吃法可抑制血管和皮膚老化,大蒜有抗氧化作用,可促進血液循環和減緩皮膚老化,對於唔喜歡大蒜刺激氣味既人嚟講,將切碎既大蒜混入蛋黃然後慢煎,呢種吃法可消除大蒜刺鼻既味道,同時又唔會對胃產生刺激.
另外食蒜頭時要注意:
  • 在食用前先記得將蒜頭拍碎,再等3-5分鐘,等蒜頭中既蒜素全完釋放先食,咁會較容易吸收.
  • 由於蒜味較辛辣,用手拍碎完要立即清洗,切勿直接卒眼睛,以免造成眼睛傷害.
雖然蒜頭有好多好處,但亦不可食過量哦,因為蒜頭始終對腸胃會帶有刺激性,所以對一般唔係經常食蒜頭既人,一次進食三至四瓣就已經好了哦.

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年11月6日 星期一

如何提高新陳代謝率?

CLEAN Blog -如何提高新陳代謝率?

上篇什麼是新陳代謝?(連結請按此)講到新陳代謝對身體黎講係不可缺少既過程,因為身體既整個運作是否正常就要視乎新陳代謝是否正常地運作,但新陳代謝既速度從25歲開始就會以每10年2%下降,所以今篇講下點樣可以提高新陳代謝率啦。

首先點先可以知自己既代謝係快定慢呢?其實係要去醫院或專業既體能學院先有精密既儀器先可幫你查出答案,因為快與慢係會因年齡,性別,體重,體溫,脂肪比例,肌肉比例等來計算的。所以一般自己好難可以檢查得到。

但有另一個方法可大概知道自己新陳代謝有冇較慢,首先要知道自己有冇過重或過輕,身體既脂肪比例有冇過高或過低,因為上篇亦有講過新陳代謝其實就係身體既合成與分解,所以如果體重過重和脂肪比例過高,咁代表新陳代謝進行得較慢,因為你冇足夠既消耗,身體所以先會將多餘既能量儲存起來,最後就變成脂肪,反而當你吸收既營養唔夠供給身體日常既消耗,咁身體就會過輕,所以體重其實亦代表著新陳代謝既快慢哦

而體重標準可以參考BMI (Body Mass Index / 體重指標)來測量,根據2000年世界衛生組織既指引,因體質分別既關係,所以亞太地區既BMI會較外國既低,如外國過重既指數為25–29.9,咁亞太區為23.0 – 24.0。另外脂肪比例可用有量度體脂既電子磅來測量,但要空肚測,咁會較準,又或者可以去醫院診所,健身房或體能訓練中心檢查。

所以要提高或維持一個好既新陳代謝,最緊要有:
  • 持續適量既運動,如帶氧運動或重力訓練,目的係提高血液循環速度和肌肉比例,令新陳代謝加快.
  • 健康飲食,因為令身體造成負荷既食物(如加工食品,多糖多油食品等)會造成身體缺乏營養和用較多時間去分解,從而減慢新陳代謝速度. 
  • 適時作息,令身體可以透過睡眠專心地進行新陳代謝過程(合成和分解),令我地回復體力和精神.
  • 最後梗係要保持做身體檢查,了解身體現況,咁身體一定能保持一個好既新陳代謝循環啦.
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年11月4日 星期六

去大自然為身體換氣

CLEAN BLOG - 去大自然為身體換氣

呢排既天氣好舒服好適宜去行下山,大家放假鍾唔鍾意去下郊外親近大自然呢?都市人平日多對著電子產品又缺乏運動,如有時間可以去下大自然郊遊,去呼吸下大自然既新鮮空氣,只要帶上簡單既裝備約埋朋友一齊去,又可以趁機去親近下大自然既同時,又可以當做下運動.

其實我地一直都話親近大自然對身體好,但我就發覺好次冇乜文章深入解釋或探討親近大自然既好處,所以今次我會深入少少講下醫學界所證明去郊遊,登山或散步對人體健康有邊d好處:

在呼吸方面:
  • 不少植物可以淨化和過濾空氣中既有機污染物,為大地提供潔淨既空氣,可減少哮喘和其他呼吸道問題.
  • 森林愈茂密既地方,植物散發既揮發性物質芬多精既含量亦愈高,芬多精可殺死空氣中既細菌,害蟲以及病原菌.
  • 另外芬多精係一種可令人心曠神怡,消除疲勞既物質,多呼吸森林既空氣可使體內換出和排出廢氣,對呼吸系統有益處. 
在心理疾病和精神方面: 
  • 據研究指出瀑布,溪水,植物光合作用所製造出既新鮮氧氣,以及太陽既紫外線等都能產生陰離子,又稱為空氣維他命,在人體健康上可以鎮靜自律神經,有助放鬆身心,提高積極性,減少出現緊張,抑鬱,消除失眠,頭痛,焦慮等等
  • 從血壓變化和肌肉收縮既情況反映出,觀賞樹木能幫助人們在五分鐘內紓減精神壓力,心情會慢慢自然放鬆.
  • 都市人既忙碌生活方式對心理健康有好大既危害,會增加患上各種心理疾病既風險,專家發現如定期離開下呢種生活環境去大自然走走,呼吸下新鮮空氣係可以有效咁去對抗壓力,抑鬱和焦慮等情緒問題. 
在身體其他方面:
  • 綠色環境有助提高人既注意力,多看綠色植物對眼睛既視力都有好處.
  • 大自然會給大腦平靜與安寧既感覺,樹木,流水和開闊既綠地會讓大腦覺得逃離日常既瑣事,回歸簡單自然.
  • 行山步行可以清除沉積係血管壁既膽固醇,防止動脈血管硬化,減少心血管疾病的發病率;也可以提高呼吸肌既力量,改善肺臟既換氣功能;並且使骨骼既代謝增強,預防骨質疏鬆,仲可以減重維持好身材
  • 係神經方面,可以改善大腦既供血狀況,降低神經系統既疲勞和緊張,進而提升睡眠質量.
  • 大自然既空氣較城市清新,多呼吸清新空氣可以保障我地既健康,另外又可以順便舒展筋骨.
所以大家都多d安排同騰出d時間黎行下山或接觸下大自然啦!但就記得要搽物理性防曬先好出門哦! 

2017年10月28日 星期六

點處理一達達蚊叮後既印?

CLEAN Blog : 點處理一達達蚊叮後既印?

而家涼涼地就最啱去行山喇,好多行山既朋友可能都會帶定一支蚊怕水,因為擔心去到一D較多樹林既地方就會被蚊叮,之後原來發現d朋友曾經被蚊叮完後,皮膚除左出現又紅又腫既狀況,後來仲變成好似一達達暗瘡印咁,相信都係同炎症後色素沉澱有關(有關炎症後色素沉澱可參考:為什麼面上有紅印?),但我從小到大都好少被蚊叮,所以就冇乜留意有冇印,但有人提到D蚊只會叮某一種血型既人,唔通係真既?另外有咩方法可以處理一達達既『蚊印』呢?

首先想解釋一下其實我地被蚊叮既原因並唔係因為血型既關係,其實係因為D蚊利用左佢地既嗅覺,視覺再加上我地體溫既熱度去判斷目標,就好似一個雷達咁不斷掃目標咁.因為我地人體會發放出一D信號令到D蚊係遠距離都可以搵到合適目標,而呢D信號正係由我地體內所釋放出既二氧化碳,之後再因應汗液中既乳酸,體溫,濕度同埋皮膚既細菌代謝物所發出既氣味而令d蚊靠近.

而被蚊叮後皮膚會出現痕癢同紅腫既原因係因為蚊子既唾液(口水),蚊既唾液腺分泌中含有令我地皮膚產生發炎既毒素,呢D物質可以令人體皮膚毛孔和血管擴張,令微血管變大後就能幫助佢地係短時間內盡情吸取血液,所以導致皮膚產生紅腫發炎既原因就係呢d唾液腺分泌出黎既毒素.

但因為被叮既部位通常都係腳部(原因係腳部係較為靜態既位置),所以係經常被蚊叮既部位之一,但亦由於手或者腳都係最容易『搲』到既地方,所以一痕就會不斷『搲』,但如果大家唔想留低一達達既蚊印,咁就要注意以下2點哦~

  1. 痕癢既時候就盡量要忍,就算『搲』都唔好用手指甲一直『搲』,因為指甲當中有好多細菌,咁有機會引致發炎部份擴大或令患處更難復原.
  2. 另外不斷『搲』既話唔單止會令皮膚表皮層受損,而且會另發炎部份既黑色素分泌更多,所以形成炎症後色素沉澱既情況.

咁如果真係遺留下來既一達達既蚊印咁要點做好呢?

  1. 出門時記得搽上防曬產品,保護好皮膚,因為抵擋紫外線係能有效降低色素加深既方法.
  2. 加強補濕,因為皮膚在水份增加下抵抗力會加強,會加速新陳代謝,有助分解黑色素.
  3. 但如果d印一直唔散,咁可以選擇做激光療程(亦即暗瘡印激光療程,詳盡可參考:http://www.cleanskincare.com.hk/zh/pricing.html),利用激光既能量將色素快速分解並排出體外,回復原有既膚色.

如果想了解多d如何能利用激光療程黎處理呢d印或想免費做一次皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:www.cleanskincare.com.hk/zh/laser-a.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.