2017年6月29日 星期四

飲食習慣同不斷生暗瘡有關嗎?

CLEAN BLOG:飲食習慣同不斷生暗瘡有關嗎?

黎進行暗瘡皮膚激光療程既顧客有時會問:生暗瘡除左要做治療之外,平時飲食駛唔駛戒口架?生暗瘡同飲食習慣其實有冇關係?如果皮膚係因為飲食習慣而不斷生暗瘡,咁有冇D咩食物係要戒口,而另外食D咩食物係有幫助於生小d暗瘡既呢?

持續生暗瘡既原因有可能係因為工作或生活壓力大,荷爾蒙水平失衡等等引致...但飲食習慣會係其中一樣最直接影響我地皮膚會唔會生暗瘡既因素

首先不斷生暗瘡同食物過敏其實係有關連,食物過敏既反應主要分為即時性及延遲性兩類,而當中延遲性過敏經常會被忽視,因為皮膚並不會即時作出反應,如果想知自己有冇延遲性敏感,現時只需透過驗血測試就可以知道自己對食物既過敏情況,然後戒口或改變飲食習慣,漸漸一D常見既身體或皮膚毛病就會得到改善.

其實過敏既問題唔會直接引致生暗瘡,但由於過敏而引致油脂分泌失衡,之後油脂會塞住皮膚既毛孔而引致生暗瘡.

醫學界近年進行有關食物對暗瘡影響既研究開始有新發現,有臨床證據顯示,奶類產品含有令暗瘡形成既脂肪,另外甜食會加速體內血糖係短時間急速上升,身體就會分泌降低血糖既荷爾蒙,同時令影響暗瘡既荷爾蒙增加,所以一d升糖指數(GI)高既食物如極甜既食物和飲品係有機會引致暗瘡持續爆發既.另外壓力太大或休息不足亦都會令壓力荷爾蒙上升,增加暗瘡形成既機會哦.

所以其實改變飲食既習慣係有助於避免或預防持續生暗瘡,以下分享一d能避免或預防生暗瘡既日常習慣俾大家:
  • 少吃極甜、奶類製品及高脂油膩食物.
  • 平時避免熬夜及休息不足,做適量既運動有助減壓放鬆心情.
  • 避免頻密洗面和頻密敷面膜因為會刺激暗瘡增加,建議一天洗面不多於兩次,生暗瘡期間減少敷面膜.
  • 無論暗瘡有膿或無膿都建議不要強硬擠壓,咁樣會另傷口有機會擴大和加深發炎位置,導致留疤.
  • 可多飲水或檸檬水,多進食蔬菜水果,蔬果中既維他命和營養素有效對抗皮膚暗瘡既發炎和有效殺菌,還可加速新陳代謝加快暗瘡傷口癒合.
如果想了解多d如何能改善暗瘡皮膚或做一次免費皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價既暗瘡激光療程試做哦,可在旁邊既連結了解更多和登記哦:www.cleanskincare.com.hk/zh/laser-a.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年6月27日 星期二

染髮和電髮會傷害頭皮嗎?

CLEAN blog : 染髮和電髮會傷害頭皮嗎?

相信大部份既女士都會為左一直保持年輕和有活力既肌膚都有好好咁保養,而有時亦為左想換個新髮型而選擇染髮或者電髮,但經過染髮和電髮既過程後會傷害到頭皮嗎?

因為頭髮遮住頭皮所以我地會忽略左關心頭皮既健康狀況,但如果想擁有健康既髮質同減少甩頭髮既情況,咁就要先注重頭皮既健康狀況哦,而染髮或電髮其實都會傷害到頭皮既,首先睇下染髮對頭皮既傷害。。。

上篇分享過『點解染頭髮會令皮膚痕癢?』既文章裡提及過『對苯二胺 PPD』同埋『對甲苯二胺 PTD』都會導致皮膚痕癢,而當中亦有些其他產品除左含有以上成份外,仲會含有其他類型既化學物質從而傷害到頭皮哦,就算大部份染髮劑都需要經過衛生署檢查,合格規定使用和嚴格調配後才能批核出售,但始終都係化學成份,所以建議盡量減少染髮既次數或染髮前先了解染髮劑成份,如可以盡量選用天然成份既染髮劑

當大家染髮前,可先留意以下事項:
  • 染髮時,最好搽染髮劑到髮根距離頭皮差不多1-2 mm(厘米)左右,避免染髮劑直接搽到或黐到頭皮上.
  • 添加一d保護頭皮成份產品混合染髮劑上同時使用,可降低染髮劑對頭皮頭髮既刺激和傷害. 
  • 染髮後,清潔染髮劑洗頭時唔可以用指甲大力抓頭皮,容易使頭皮受損出現傷口,當染髮劑進入傷口後有機會受感染導致頭皮敏感.
至於電髮過程,主要係利用電髮藥水同熱力去改變頭髮髮質結構為主,雖然藥水無染髮劑既化學成份咁多,但藥水一般成份都含有鹼性,具有氧化作用,會容易令頭髮變得乾枯同出現頭髮開叉既情況哦.電髮時要避免藥水黏貼在頭皮、耳周和頸背位置哦,因為會容易造成敏感.

其實小編我同大家一樣咁貪靚,有時都鐘意染髮同埋電髮,改變下造型,但自從了解多左當中既細節同成份後,而家我都減少左去染髮同埋電髮,如果要改變造形其實唔一定要染髮同埋電髮既,可以改變下衣著打扮,化妝模式都一樣可以煥然一新架.希望經過今次呢編分享可以同大家一齊了解更多對擁有健康頭皮保護既資訊啦~

2017年6月20日 星期二

避孕藥能改善暗瘡問題嗎?

CLEAN Blog - 避孕藥能改善暗瘡問題嗎?

最近天氣越來越熱,加埋因為打風既關係,d天氣又焗又濕,令到d皮膚都係咁出汗出油,整到笠黐黐咁,所以連小篇我都生左幾粒暗瘡添~~><~~。

見到面上有幾粒暗瘡真係想快d用激光療程或果酸療程整走佢,但我知亦有某部份既朋友長期生暗瘡(而且數量較多)既時候會選擇食避孕藥去解決暗瘡既問題。但點解食避孕藥可以幫助到?有冇副作用?係咪真係有效?

其實生暗瘡可能係因為毛孔閉塞,油脂分泌過多,細菌感染,飲食習慣,壓力等等,而其中既油脂分泌過多可能係因為皮膚裡既水油不平衡而引致,但亦有可能因為荷爾蒙分泌失調而引起喔。

當女性體內既『荷爾蒙雄激素』(亦即男性荷爾蒙)因身體變化(如壓力,飲食生活習慣,情緒,葯物,遺傳等)而增加,令油脂分泌失衡,從而增加皮膚出油情況,令毛孔閉塞,發炎,之後就變成暗瘡。

而某些口服避孕藥含有抗雄激素成份,如:黃體素(Drospirenone)和醋酸環丙孕酮(CPA-Cyproterone acetate),呢類成份有效抑制雄激素產生,減少體內既雄激素令油脂分泌減少,從而減少生暗瘡既情況。

其實雖然口服避孕藥係可以減少生暗瘡既機會,但始終係用葯物抑制同改變身體荷爾蒙,除左長期生暗瘡而又經醫生判斷下需要服用,否則都唔好自行服用呀。而且開始服用前要記得向醫護人員資詢清楚妳既身體是否適合服用哦,另外服用後既前期可能會出現頭痛,月經不順,噁心,水腫,乳房腫痛等副作用,當副作用持續就應告知醫護人員是否繼續適合服用

而現時有效既暗瘡療程當中有果酸治療或激光治療,如果想了解多d果酸治療或激光治療如何能改善暗瘡皮膚,歡迎用以下方式聯絡我們同事,另外我地中心亦為第一次光臨既顧客提供一次半價既果酸療程或激光療程試做,可在旁邊既連結了解更多和登記哦:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

點解物理性防曬會比較笠?

CLEAN BLOG- 點解物理性防曬會比較笠?

唔知大家知唔知我地個Blog裡有一個分類係專講『防曬既重要性』(連結),大家如果對防曬有任何疑問都可以係裡面揾答案哦,而今次小編我就整理左一d會經常被問到或發生既情況俾大家作參考,另外都會講解下點解物理性防曬會比較笠既原因。

一d會經常被問到或發生既情況:
  • 吓!?防曬唔搽會出色斑,會加速衰老?
無錯,防曬一定要搽,搽防曬係想擋住唔比紫外光入浸皮膚,因為紫外光在入浸皮膚既累積下會增加出色斑既風險,仲會破壞和減小膠原既增生,加速皮膚老化而導致毛孔鬆弛和出現皺紋等情況.
  • 防曬產品我一直都有搽,但係點解都依然有出色斑既?
因為有可能用既係化學性防曬,成份唔夠穩定和唔足夠去底擋紫外線(UVA),又或者經常曬太陽,但係冇補搽防曬.
  • 我用緊既化學性防曬唔笠呀,好清爽呀.
化學性防曬較清爽既原因係因為成份要從皮膚經毛孔進入,由於先係皮膚吸收左d成份,所以感覺就會較爽身,之後當紫外光進入皮膚後,產品既化學成份就會吸收紫外光,達至防曬既效果。
  • 聽講有暗瘡印或凹凸洞要搽防曬喎.點解既?
係呀,有暗瘡印或凹凸洞既皮膚更加要保護呀,俾紫外線入到皮膚D暗瘡印既色素會沉殿,D印就會好難退,另外紫外線入到皮膚後會破壞真皮層中既彈性纖維和膠原蛋白,令到皮膚失去支撐,跟住D毛孔和凹凸洞就會變得鬆弛和變大

其實就以上既情況都係同防曬產品既成份有關,而係市面買到既防曬產品大致分為三類:
  1. 化學性防曬成份
  2. 物理性防曬成份
  3. 或是以上兩者混合
化學性防曬
  • 成份:化學成份如水楊酸鹽(SALICYLATES)、肉桂酸鹽(CINNAMATES)、辛環烯烷 (OCTYLCRENE)、苯甲酮(BENZOPHENONE)、鄰氨基苯甲酸鹽(ANTHRANILATE)、PARSOL 1789(AVOBENZONE)
  • 特性:化學性防曬成份大部份扺抗UVB多D,未能完全扺抗UVA,無色無味較清爽,容易被推開和不會泛白
  • 原理:先被皮膚吸收,待紫外光進入皮膚後吸收紫外光,中和及減輕紫外線對皮膚既傷害
  • 注意:有研究報告中指出化學防曬成份被皮膚吸收後並殘留體內,容易導致皮膚敏感、細胞損壞或會干擾荷爾蒙,導致皮膚癌等等情況
物理性防曬
  • 成份:天然礦物成份如二氧化鈦Titanium dioxide、氧化鋅Zinc oxide
  • 特性:有效扺抗UVA和UVB,較化學性防曬厚身,塗後膚色略有泛白
  • 原理:由於分子大,不滲入皮膚亦不被皮膚吸收,塗於皮膚後形成薄膜,以折射和阻隔紫外線進入皮膚
  • 注意:由於成份溫和不刺激,其中氧化鋅更是嬰兒尿片疹膏既主要成份,所以特別適合所有人,特別係敏感性,嬰幼兒和暗瘡性肌膚使用
而物理性防曬會有較笠既感覺係因為產品中有天然既植物油成份,作用係保濕、潤膚、對抗紫外線等等,而一般物理性防曬係唔會進入皮膚,所以唔會好似化學性防曬咁被皮膚吸收後有乾爽既感覺,但亦都要視乎使用者既皮膚,如果係油性肌皮膚,咁亦都會有可能感到較笠既感覺。

但其實都唔係所有物理性防曬都會有笠既感覺,現時都有d無添加油份既全物理性防曬,又或者喺搽咗物理性防曬後搽一層薄薄既礦物碎粉,咁就可以又保護皮膚又唔駛用化學成份同埋唔怕笠啦。

其實大家可能會因為物理性防曬既泛白和厚身感而繼續使用化學性防曬,但搽防曬既主要目的係想保護皮膚,所以都係建議大家選用唔會傷害皮膚而又安全既全物理性防曬啦。

如果大家想了解自己既皮膚狀況或想知道自己既皮膚底層有冇色斑,肌齡或者膚質等,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:http://www.cleanskincare.com.hk/zh/laser-a.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年6月13日 星期二

電器電腦回收後有什麼用?

CLEAN 環保 - 電器電腦回收後有什麼用?

目前既電器電腦產品實在越出越多,好多產品都非常吸引,加上而家想更換家中一D舊電器電腦的話,比以往都變得容易,另外現時亦較多人抱住壞左就丟又或者經常去換新產品既心態,所以比以前多左好多廢棄既電器電腦產品,但有咁多被棄置既產品會被回收嗎?而電器電腦回收後又有咩用途?

就計算下每年已經有超過約600萬件既電腦和其他電腦既配件被棄置,當中有五分之一係冇受損而更換出黎既,所以一般回收後所收集既舊電腦和電腦配件會送到工場分類,透過除毒同埋拆解先,然後再將物料循環再造又或者修理好後從用,而大部份呢D電器電腦既零件和物料如金屬和塑膠之類等都可再用.

雖然大部份棄置既電器電腦都會送到回收商循環再造和修理,但仍然會有小部份係會送去堆填區棄置導致環境污染問題,大家唔好睇小呢類電器電腦器材,因為呢D產品中既電路板,含鉛和含水銀量超高,會損害人體既神經系統,而且帶有重金屬和致癌物,假若送到堆填區處理或者胡亂拆解,一樣會有機會影響到我地人體和環境健康哦.

所以下次如果想換新既電器電腦產品時,我地可以先想清楚確實需要才更換,或者只要將舊既電器電腦修理好,就可以循環作新既再用~

大家如有舊電器電腦想拿去回收既話,可以參考以下資訊:

1. 環境保護署
主要回收物: 舊電腦,舊電器,光管,慳電膽和充電池
查詢: 2838-3111 / http://www.wastereduction.gov.hk/tc/workplace/mwcc_detail.htm 
電腦及通訊產品回收處:https://www.wastereduction.gov.hk/tc/workplace/crp_detail.htm#ParOrg

2. 聖雅各福群會環保電器坊
地址: 新界屯門港鐵兆康站3-4號舖
開放時間:星期二至日 (12:00pm-1:00pm; 2:00pm-7:00pm)
主要回收物:中,小型電器
查詢: 2795 7038

3. 香港明愛—電腦再生計劃
主要回收物: 電腦,打印機,掃瞄器,顯示器,鍵盤 ,外置儲存器 ,滑鼠,耳機和擴音器等
查詢: 2716-6875

什麼是Zinc Oxide(氧化鋅)?

CLEAN Blog - 什麼是Zinc Oxide(氧化鋅)?

如果有留意我地分享既文章或有免費訂閱我地Blog文章既朋友應該會留意到我地一直有建議各位使用物理性防曬,亦會不時分享搽防曬既心得同有關防曬既成份,而物理性防曬其中一種最主要既成份係Zinc Oxide(氧化鋅)

Zinc Oxide氧化鋅係鋅既氧化物,一種天然銀灰色既金屬,經過氧化或烘燒鋅既方式取得,而氧化鋅用途非常廣,比如:
  • 護膚:防曬,乳霜
  • 醫學:抗菌,除臭,醫治嬰兒皮膚疹爽身份既原材料等
  • 生產橡膠:主要原材料之一,而且有防止紫外線同埋避免真菌傷害橡膠既功能
  • 水泥製造:縮短處理時間同增加防水性
  • 顏料:防腐蝕,提高密度
另外氧化鋅已經被美國食品藥品監督管理局(FDA)批准用於防曬產品中,因為經臨床實驗氧化鋅唔會被皮膚吸收,唔會刺激到皮膚或令皮膚生暗瘡等問題,而且可以阻擋UVA (320–400 nm)同UVB (280–320 nm)既效果,所以係一種安全而有效阻擋紫外線既防曬成份哦。

如果我地想保護皮膚唔好被紫外線傷害,唔想皮膚加速老化出現皺紋,出現色斑,毛孔粗大,甚至嚴重到有皮膚癌等問題,咁就要記住搽好防曬先出門哦。而且要記得選用物理性防曬用呀,另外如果每天都在搽化學性防曬,咁皮膚就有機會受到化學成份既入侵傷害,化學性成份會被皮膚吸收後而有可能影響人體荷爾蒙和引起皮膚敏感,所以遠離化學性成份係保護皮膚既第一步

如果大家想了解自己既皮膚狀況或想知道自己既皮膚底層有冇色斑,肌齡或者膚質等,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:http://www.cleanskincare.com.hk/zh/laser-a.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年6月7日 星期三

身體的酸鹼度會影響皮膚嗎?

CLEAN Blog - 身體的酸鹼度會影響皮膚嗎?

注重飲食習慣和身體健康既朋友都會留意身體既酸鹼度,而身體本身既機制係會自己調節和平衡酸鹼度黎維持健康,但原來隨著進食既食物,不良既生活習慣係會造成酸鹼失衡既情況哦.之前有分享過一篇關於皮膚既酸鹼度,有興趣可按呢個連結:http://clean-skincare.blogspot.hk/2017/01/blog-post_19.html,而今次呢篇就想延續分享下身體既酸鹼度對皮膚有d咩影響?

有研究顯示健康人體既體液酸鹼度應該係PH值7.35~7.45之間(呈弱鹼性),意味著身體處於正常既生理功能和代謝功能,如PH值低於呢個平均值就係屬於酸性體質,但部份人可能會問:又話身體有自我機制去平衡酸鹼度,咁點解會失衡呈酸性?係因為咩原因而引起既? 係咪會影響身體同埋皮膚呀?

雖然身體有自我機制去平衡酸鹼度,但因外在因素而影響體液酸鹼度,而主要既因素有:
  • 食物-造成酸性體質最直接既原因係過多攝入酸性食品,如肉類,奶類,榖物類等,此類食物被消化分解後,在體內會留下氯,硫,磷等酸性元素.而蔬菜,水果屬鹼性食物,當被消化分解後,在體內就留下鈉,鉀,鈣,鎂,鐵等鹼性礦物質.
  • 另外環境污染,作息不規律,情緒不穩,運動不足和其它不良生活習慣都會令身體既細胞變質變酸性.
係正常情況下身體會自我調節,將體內酸性物質排出體外,維持酸鹼平衡,但當體內產生過量既酸性物質時就會超過自身調節能力,多餘既酸性物質就會滯留係體內,對體液造成污染,使PH值下降而形成酸性體質,醫學証明如果人體傾向酸性,人體細胞既作用就會變差,廢物不易排出,腎臟和肝臟既負擔就會增加,新陳代謝減慢,各個器官既功能會加快衰退,容易有高血壓,高血脂,糖尿病,腸胃功能失調和癌細胞等情況.

係身體呈酸性既影響下,皮膚會有所改變,比如:出現暗啞,鬆弛,毛孔粗大粗糙,易生暗瘡,易出皺紋,易有發炎,濕疹和過敏等症狀.

維持酸鹼度平衡對身體健康好重要,想皮膚年輕d緊緻d,身體健康d就要係飲食方面認真多d留意呀,總知幾乎所有肉類都屬酸性,而大部分蔬果類就屬鹼性,多進食蔬果類鹼性食物對身體會好d,同埋鹼性食物仲可以中和酸性食物,維持人體既酸鹼平衡.最後要記住保持心情愉快做適量既運動啊.

2017年6月6日 星期二

檸檬味道係酸既但點解屬於鹼性?

CLEAN Blog - 檸檬味道係酸既但點解屬於鹼性?

之前分享過既文章:減少食肉類能延緩皮膚老化嗎?內有提及過如果進食酸性較高既食物(如肉類)會令體內既尿酸(Uric Acid) 升高,令體內既酸鹼值(potential of hydrogen,pH)失去平衡,從而引起身體健康問題.

但係咪所有帶酸味既食物都屬『酸性食物』呢?比如一直被人認為對身體和皮膚大有好處既檸檬,味道係酸既但點解某些網上文章話係屬於鹼性呢?

其實先了解食物屬於酸性定鹼性並唔係以味覺黎判斷,反而係當我地進食後而該食物經過我地既消化系統分解後才能知道該食物係屬於酸性定鹼性,如果食物分解後而得出較多鉀,鈉,鎂,鈣,鋅等物質就屬於鹼性,另外如得出較多磷,氯,硫就屬於酸性,以下列出一d酸性和鹼性既食物比大家作參考: 
  • 鹼性食物為:菠菜,洋蔥,海帶,葡萄,香蕉,蘋果,橙,梨等,大部份蔬菜水果都是鹼性食物 
  • 酸性食物為:肉類,魚貝類,蛋類,澱粉類(如麵包,麵條等)和穀類(如白米,麥皮等),糖類(如果醬,雪榚,朱古力等)
而檸檬係屬於酸性定鹼性其實就暫時未有任何論文或實驗去証明,雖然日本西崎弘太郎博士研究得出檸檬係屬於鹼性,但由於西崎弘太郎博士既測試方式和劑量所得出既結果被受質疑,所以小編在此亦不多作評論.

但可以肯定既係檸檬對我地身體健康有好多好處,比如:令荷爾蒙既分泌平衡,幫助暗瘡和粉刺減少,抗氧化,延緩皮膚衰老速進新陳代謝,增加免疫力,預防感冒,並且幫助排除體內有害物質和毒素等等功能.如想知得更詳細可參考之前分享過既文章:檸檬水對身體的好處

所以我覺得檸檬係屬於酸性定鹼性其實唔係最重要,反而認清邊種食物對身體有益而保持均衡飲食先係最重要哦,日後小編我會再努力d分享更多Super Food (超級食物)比大家,令大家可以越食越健康啦.