2017年7月28日 星期五

青瓜對身體和皮膚既好處

CLEAN Blog - 青瓜對身體和皮膚既好處

一年四季都食到既青瓜係好多朋友都鍾意食既食物,食落脆嫩爽口,味道鮮美,青瓜既營養豐富對身體同皮膚都有好多唔同既好處,今篇就分享小小心得俾大家作參考啦

青瓜既含水量高達90%,係所有食物中含水量最高,另外含有豐富既鉀鹽,胡蘿蔔素,維他命A, B1, B2, B3, B5, B6, B9, C, E,糖類,蛋白質以及芥,磷,鐵等既營養成分.

而青瓜對皮膚既好處有:
  • 青瓜既營養素能夠補充體液增加皮膚既水份,可以滋潤肌膚,令皮膚變得柔軟嫩滑,有強力既保濕作用.
  • 含有既維他命C可以維持皮膚彈性,有效抑制黑色素形成,阻止色素沉澱而達到有美白,抗氧化,消炎既功效.
  • 含有既維他命E有潤膚和抗皺等抗衰老既作用.
而青瓜對身體既好處有:
  • 青瓜有解渴既功效,同時可補充身體流失既水分,有助維持人體正常體溫.
  • 新鮮既青瓜含有丙醇二酸,可抑制糖類物質轉化為脂肪,常被視為減肥食品.
  • 含有既維他命B1,可以治療失眠症.
  • 含有既黃瓜酶有效促進人體新陳代謝,排出身體囤積既毒素.
多吃青瓜同其他蔬菜水果對身體同皮膚都有好多益處,每款都有唔同既營養價值,下次再同大家分享其他好味既蔬菜水果^^

如果大家想了解自己現在既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程,可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年7月24日 星期一

點解d紅印咁耐都唔退?

CLEAN Blog – 點解d紅印咁耐都唔退?

相信大家係生暗瘡時,都會嘗試過用各種唔同既方法黎處理d暗瘡,但當暗瘡凋謝後就留低咗好多紅印,而呢d紅印結果又一直都唔退,有d更越來越深紅色添,點算好呢?點解會咁耐都唔散同點解有d會越來越深色既?

較早前其實有分享過一篇關於紅印既文章,簡單解說就係紅印係因為暗瘡發炎時令患處同周邊既血管擴張或發炎既地方需要更多既血液來修復而呈現紅色皮膚,但當患處退炎後,血管未能收縮所以會令患處同周邊既血管增生,但當患處退炎後,血管仍然處於充血狀態,所以就會留下一個個紅色既印.(可按旁邊連結回顧之前文章『為什麼面上有紅印?

而有關紅印難退既原因通常有以下幾點:

1-) 就如以上所提到,紅印同血管未能收縮或血管增生有關,其實亦同身體既新陳代謝有關,如果面部既血液循環足夠既話,咁係可以避免血液停滯和血管未能收縮等情況.
  • 建議:做適量運動可以幫助身體代謝加速,減少血液積聚,同時配合充足既睡眠更加可以令皮膚細胞幫助修復,對紅印亦有大大減淡既功效.
2-) 如果長期使用化學性成份既產品,唔單止會令皮膚細胞加速老化,更會增加皮膚負擔黎分解化學物質,減慢新陳代謝而令紅印加深.
  • 建議:盡量避免使用含化學成份既產品,多選用天然有機成份既產品.
3-) 經常要在戶外工作或經常曬太陽都會令紅印加深,因為皮膚溫度一直處於高溫和充血狀態,令已擴充既血管未能收縮,所以紅印亦難以退去,另外陽光中既紫外線更會令紅印變深.
  • 建議:盡量避免讓陽光直接照射,出門前搽好物理性防曬,晚上多做補濕護理,令皮膚可以得到收復,另紅印更快退去.大家如果想了解更多關於防曬既重要性,都可按旁邊連結回顧之前既文章哦 (連結

不過一般皮膚出現紅印既情況都可以經過數月後開始慢慢減淡,但如果發現一直都未能轉淡的話,咁可選擇進行激光療程,因為當激光既能量被血管內既紅血素吸收再轉為熱能後會收縮,凝固並選擇性地分解該患處既微絲血管,之後跟隨身體既新陳代謝並排出體外,回復原有膚色.

如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價既激光療程試做,可在旁邊既連結登記哦:www.cleanskincare.com.hk/zh/laser-a.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年7月18日 星期二

吸光係咩意思呀?

CLEAN Blog - 吸光係咩意思呀?
 
大家有無聽過有D護膚品帶有吸光成份呢?其實吸光即係『感光』既意思,又或者叫吸光值,簡單既解釋就係某種物質對特定既波長產生反應並吸收其光能,導致皮膚受刺激,而有D護膚品的確帶有『感光』既成份,所以通常大家既第一個反應可能係:吓...咁咪會引發生多D色斑囉?

答案係正確既!護膚品既配方由多種不同成分混合而制成,在配方中經常會加入大量既化學成份和小量既天然成份,沒有留意成分下使用其實係慢性傷害緊自己既皮膚和健康,如果你發現皮膚以前冇色斑但而家有既話,好有可能係因為經常使用含有『感光』成份既護膚品而引致哦,所以作為消費者在買護膚品時要睇清楚成份至好用呀!

以下成份主要係抑制新既黑色素生成,但有美白,去角質和防腐作用等等…但大家要注意美白,果酸同酒精成份都具有『感光』性哦:
  • 熊果素(Arbutin)
  • 對苯二酚(Hydroquinone)
  • A酸 (Tretinoin)
  • 杜鵑花酸 (Azelaic Acid)
  • 左旋C (L-ascorbic acid)
  • 曲酸 (Kojic Acid)
  • 水楊酸 (Salicylic Aid)
  • 甘醇酸 (Glycolic Acid)
  • 酒精 (Alcohol)
如果大家用緊既產品裡含有以上既『感光』性成份既話,該成份就會日積月累係皮膚後,咁當皮膚照射到陽光時,成份就會吸收大量既紫外線進入皮膚內,從而有機會引起色斑增加和加重色素沉着(如暗瘡印).但如真係有需要用含有以上『感光』性成份產品既話,咁盡量係晚間使用,避免係日間使用.

因為如果用左以上成份但又冇用物理性防曬霜又或防曬準備功夫做得唔足,咁不單會受到紫外線侵入既傷害生成色素色斑,導致色素更加嚴重,仲會增加患皮膚癌既機率啊.

另外如果大家係進行緊激光既話,咁就更加要停止使用以上成份哦,避免係修復期中刺激皮膚而令色素色斑增加和引發色素沉着既機會(亦即反黑既情況).

保護皮膚既第一步更係要做好防曬工作,揀一款適合自己用既物理性防曬霜用啦^_^ ,然後遠離『感光』性成份.

如果大家想了解自己既皮膚狀況或想知道自己既皮膚底層有冇色斑,肌齡或者膚質等,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:http://www.cleanskincare.com.hk/zh/laser-a.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年7月14日 星期五

洋蔥的好處和令人落淚的原因?

CLEAN 食玩行之食 : 洋蔥的好處和令人落淚的原因?

記得我細個既時候好討厭洋蔥既味道,但慢慢長大後就連自己幾時開始愛上食洋蔥都唔記得左喇,洋蔥真係好好味,生食覺得好鮮,煮熟食覺得好甜,再煮耐d仲可以好入味添,除左好味之外,洋蔥對我地身體有好多好處,數都數唔哂,所以今次想分享少少有關洋蔥既好處比大家啦,但就每次切洋蔥都好辛苦,因為對眼會係咁飆眼水,超辛苦--__--

洋蔥其實可以稱為球蔥,圓蔥,玉蔥,蔥頭等。。。係屬於白合科植物既一種,品種有白皮,黃啡皮同埋紫紅皮,而洋蔥含有非常豐富既營養如:纖維素,鈣,鐵,磷,硒,咖啡酸,芥子酸,維他命A,B1,B2同埋C等等,但最珍貴既係洋蔥含有蔬菜中極少見既『前列腺素A』呢種營養。(主要預防血管疾病和改善血液循環同黏稠度)

而洋蔥當中含有一種叫『蒜素』既物質,有研究發現『蒜素』呢種獨特既硫化物分子有助抗菌,抗癌,防止腫瘤增生,抗動脈粥樣硬化(包括:局部缺血,心絞痛,心肌梗塞,中風或心力衰竭)等既作用,所以多食洋蔥可以幫助:

1)具有殺菌同埋抗感冒既功效
  • 因為洋蔥裹含有大量既植物殺菌素(如大蒜素等),對抗流感病毒預防感冒十分有效.而且對桿菌,球菌,真菌等病毒等均有殺菌功效.
2)促進胃腸蠕動,幫助腸胃消化
  • 含有豐富既蔥蒜辣素,擁有濃郁既味道,可以刺激胃酸分泌,增進食慾.
3) 洋蔥裹含有硒元素和槲皮素,可以預防癌症
  • 硒係一種抗氧化劑,能夠刺激人體免疫反應,從而抑制癌細胞既分裂和生長,同時亦可降低致癌物既毒性,而槲皮素就可以抑制致癌細胞活性,阻止癌細胞生長,而且研究顯示,攝取較多洋蔥和大蒜既女性,患乳腺癌既幾率會較低.
4) 生食洋蔥可以降「三高」
  • 洋蔥中含有前列腺素A,幫助擴張血管,降低血液既粘度,而另含有硫氨基酸,有助降低血脂同埋血壓既功效
洋蔥真係一種非常好既食物,所以大家都快d揾下洋蔥既食譜黎煮一餐好美味既洋蔥菜式啦!

而至於洋蔥令人落淚的原因係因為當我地切開洋蔥時,洋蔥既細胞就會被破壞,之後洋蔥裡既一種酵素叫蒜氨酸酶 (alliinase)就會分解具有揮發性的硫化合物(主要功能係抑制癌細胞同埋殺菌),從空氣中進到眼角膜,當接觸後會刺激到我地淚腺而分泌淚液了.

2017年7月9日 星期日

碳水化合物是致肥的原因嗎?

CLEAN Blog-碳水化合物是致肥的原因嗎?

相信好多女士都已經不斷開始緊自己既Keep Fit大計了,比如做乜運動啦,一星期去幾次,每次幾耐,仲有就係食d乜唔食d乜等等。。。而最常聽到既係唔好食碳水化合物啊,會變肥架,最好就戒食碳水化合物,比如飯,麵包等。

小編我自問都好中意運動同對食物方面有些許研究,而以上說法其實可以再全面d黎表達,今篇就分享有關呢一方面既資訊俾大家,等大家有多一個選擇啦*^^*

碳水化合物(carbohydrates)其實係一樣由幾種唔同既元素而合成既化合物(唔係化學物哦),主要係為身體提供能量(亦即熱量kilocalorie),而碳水化合物可來自三大類食物:

  • 糖:冇論水果既糖,食物裡既糖都可轉為碳水化合物
  • 澱粉質:麵包,飯,麵等等都可轉為碳水化合物
  • 纖維:蔬菜水果有既纖維都可轉為碳水化合物

但除左碳水化合物能為身體提供能源之外,脂肪同蛋白質亦同樣可以為身體提供能源哦,但身體會先使用碳水化合物和脂肪作能量,之後先會用蛋白質,但脂肪係要靠碳水化合物黎燃燒,點解?睇下以下既比喻就會明:

  • 身體=火車
  • 碳水化合物=細柴
  • 胰島素=火爐
  • 脂肪=粗木
  • 運動=火

好啦,綜合以上幾個角色既運作就係:當火車(身體)要動力(能量)時就要有個火爐(胰島素),將d木放入去燒(因為胰島素既作用,被轉化既能量才能入到我地既細胞),但由於d粗木(脂肪)好難先燃燒得起,所以要用d細柴(碳水化合物)起火先,咁先能將d粗木一齊燒,咁就能為火車(身體)提供動力(能量)啦。

但如果一直放粗木(脂肪)同細柴(碳水化合物),但個火(運動)又唔夠,咁就會堆積,慢慢細柴(碳水化合物)就會合成變做粗木(脂肪),咁就會變肥胖了。

其實只要控制唔好食多油高脂既食物,做運動前適量地吸取碳水化合物(如麵包,香蕉,運動既純碳水化合物啫哩等),運動後可食返d高蛋白質同高纖既食物,適量食正餐亦無問題,如粥粉麵飯都得,但就最好量少,高蛋白質同高纖既食物,同埋記得要係訓覺前4個鐘先好食,如果一食完就訓就會將食物變成脂肪哦。

所以唔洗地獄式戒口先能keep fit既,只要衡量同計算好時間同分量就可以食住keep fit囉 *^^*

(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

如何處理曬傷後的皮膚?

CLEAN Blog - 如何處理曬傷後的皮膚?

正式踏入夏天了,暑假亦開始了,唔少同學仔或一家大細都會去海灘遊水曬太陽,又或者遊船河咁,其實小編我以前都一樣,非常中意曬下太陽,游下船河,玩下水上活動咁。

但自從入左CLEAN做左編輯之後,學到好多關於皮膚護理上既事宜,發覺原來冇任何保護既情況下而又不斷曬太陽,其實對皮膚既傷害都幾深,以前仲不斷搽『黑鬼油』想曬成古銅色添。。。,仲記得有次下午去曬太陽,聽住海浪聲,舒服到訓著左,仲搞到曬傷曬d皮膚,好彩果時係下午4點幾先開始曬,如果再早d就慘了,但我估唔少人都試過有曬傷過,冇論係海灘,行山或戶外活動等。

原來皮膚曬黑就已經代表皮膚細胞已經受緊傷害,因為皮膚機制下當受到刺激後就會產生黑色素黎保護皮膚,所以皮膚當受到紫外線刺激後膚色會開始變黑(因黑色素不斷地增加中),但黑色素冇可能係咁短時間就能大量產生,所以就存在了防護漏洞,令皮膚未能百分百受到保護而一直處於受傷狀態。而曬傷後既皮膚會產生唔同既後遺症如:紅腫,痛楚,甩皮,產生色斑,失去彈性,增加皺紋,血管擴張,油脂分泌大增,生暗瘡,嚴重者會有皮膚癌。

所以當皮膚曬傷後,記住要立刻進行急救哦,比如:

  • 用冰袋隔住布(避免凍傷)敷在曬傷位置,令患處降溫,減少紅腫情況
  • 調低沖涼水溫,避免用毛巾擦乾,應用印既方式印乾患處
  • 敷蘆薈啫哩,但一定要冇酒精成份
  • 塗上有維他命B5/透明質酸成份既保濕精華,再塗上乳液或冷壓制既天然椰子油用黎做保濕
  • 如出現有細水泡,唔好刺穿,等皮膚自行吸收,如有大水泡就要求診

擁有古銅色既皮膚係好靚好有形,但擁有健康既皮膚更重要哦,所以大家要好好保護皮膚,保持又健康又年輕既膚質,如果大家想了解自己現在既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程,可在旁邊既連結登記哦:www.cleanskincare.com.hk/zh/trial.html

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

酸性食物對身體的影響?

CLEAN Blog - 酸性食物對身體的影響?

其實之前都有分享過關於身體和皮膚酸鹼既文章,如果有興趣睇番之前嗰兩篇可以瀏覽以下連結:
但其實影響身體酸鹼度既主要原因都係取決於我地日常所進食既食物,因為身體會完完全全吸收,所以我地每日進食既食物,冇論好與壞都會一概吸收,所以今次想分享一篇『如果一直keep住進食酸性食物對身體有d咩長遠既影響?』俾大家作參考,大家一齊嚟睇下以下既分享啦:

食物既酸鹼界定?
  • 界定食物既酸鹼係從飲品和食物進入身體後,經消化和吸收代謝後,飲食物質係最後燃燒後得出既最終物嚟決定其酸鹼度,如果最終物多為磷酸根,硫酸根,氯離子等等則屬於酸性物質(如肉類,蛋類,澱粉類),咁如尿液,血液和整體身體狀況都會出現偏酸性,但如在最終物多為鈉離子,鉀離子,鎂離子,鈣離子等等則屬於偏鹼性(如蔬菜,水果類).
會造成酸性體質既原因?
  • 經常進食酸性食物如牛肉,豬內,魚,蛋類,麵包,汽水,油炸食物,但又少吃鹼性食物如蔬菜,水果等,血液就會漸漸變成酸化,另外如生活作息不穩會熬夜,工作或讀書壓力大,有抽煙和飲酒習慣等,以上都將會造成酸性體質.所以均衡飲食對身體係十分重要哦.
血液變酸化和酸性體質既後果?
  • 血液酸化後,輸送氧份及營養既功能會大大減弱,會導致血液黏稠提高,之後令血液輸送速度減緩運行不暢順,結果有機會引起血管阻塞,造成體內發炎,動脈硬化,腦中風,高血壓,嚴重時各個器官功能衰退,荷爾蒙分泌失調和引起各種癌症疾病.
根據以上既資料,如果體內酸化對身體既長遠影響有:
  • 食物敏感:會起红疹或有腹瀉情況,呢種情況同營養不均有關.
  • 過敏體質:酸性食物制造酸性環境,使腸道容易發炎,引致免疫系統細胞誤以為有害物質入侵,即時給予回應而引發鼻炎,氣喘,眼睛痕癢等過敏現象.
  • 骨質疏鬆:身體為左維持血液酸鹼平衡,會多提取骨骼中既鈣質用作中和酸性之用,漸漸引起骨質疏鬆問題.
  • 動脈硬化:血液酸化會提高血液黏稠度,血液流速會減慢,血中既膽固醇含量會增加,咁會容易堆積係動脈血管壁內層,令血管壁增厚造成血管收窄和引起動脈硬化情況.
  • 糖尿病:糖尿病同食得太多酸性食物有關,由於食得多,身體越需要分解糖份就越需要更加多既胰島素量,但當胰島素分泌不足時糖尿病既病情就會變得更嚴重.
就以上既了解其實酸性體質對身體健康都有好大既影響,想擁有健康既身體,係要做適量既運動舒緩日常既壓力,有充足既睡眠習慣,要多注重營養均衡,要注意酸鹼既飲食配合,當酸鹼緩衝發揮功效,對健康都唔會有太大既影響,咁就可以令血液及體液維持平衡既酸鹼值哦.

(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2017年7月7日 星期五

曬太陽會令皮膚生暗瘡嗎?

CLEAN Blog - 曬太陽會令皮膚生暗瘡嗎?

相信部份人都會認為夏天既天氣真係會令人又愛又恨~因為雖然覺得好熱,好辛苦.但見到藍天白雲勁好天氣時,心情都會變得好輕鬆又愉快,即刻就想同成班朋友一齊玩水上活動,曬下太陽,食下西瓜咁!

但講起曬太陽,以前同朋友去海灘既時候一定會曬背脊,唔係因為想曬到古銅色,而係果時覺得” 背脊有暗瘡暗瘡印,曬一曬就會好番啦,曬太陽又有消毒殺菌既功效” 所以覺得皮膚如果生暗瘡既話,最好就去曬下太陽就可幫助皮膚殺菌,令細菌減少滋生,皮膚咁就可以生小D暗瘡.但其實曬太陽唔單止唔會減小以上既情況仲有機會生更多既暗粒暗瘡,仲會令疤痕,暗瘡印色素加深好難退,嚴重既話仲會曬出色斑,加速皮膚老化出皺紋,引發皮膚病變添!

但點解曬太陽會令皮膚生更多既暗粒暗瘡?原因係:

  1. 當受到太陽既熱力照射後,皮膚既水份會急速流失
  2. 從而令皮膚既水油失衡,造成油脂分泌過剩
  3. 過多既油脂會容易令毛孔堵塞,形成閉合性粉刺(即暗粒)或粉刺
  4. 而該閉合性粉刺(即暗粒)或粉刺受到空氣既氧化和細菌感染,最後就惡化而形成炎症暗瘡.
所以點解每次曬完太陽都會生多左d暗瘡,其實日常我地要多多注意皮膚水份同埋出油既情況,因為水份係我地皮膚上最重要既一個成份,而水份足夠的話就可以平衡油脂分泌出小d油,如果大家都想維持年輕同健康既膚質,從衣家起就要避免係太陽下曝曬,同埋出門前一定要搽好物理性防曬哦~.

如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地亦為第一次光臨既顧客提供一次半價既暗瘡或暗瘡印激光療程或果酸換膚療程試做,可在旁邊既連結登記哦:http://www.cleanskincare.com.hk/zh/trial.html


(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2017年7月2日 星期日

有咩因素會影響果酸療程既效果?

CLEAN Blog - 有咩因素會影響果酸療程既效果?

最近可能因為天氣一直都又熱又焗,不停出汗出油,所以令皮膚水油失衡或毛孔閉塞既機會增加,導致暗瘡暗粒一直生,其實都幾困擾.

想治療暗瘡暗粒既療程其中有果酸換膚,果酸換膚既成份一般有三種,而呢三種都分別針對唔同既暗瘡皮膚問題:

  • 甘醇酸:作用係去除過度角化既角質層,刺激新既細胞生長,可以治療黑頭,暗瘡,粉刺呢三大狀況,改善毛孔粗大.
  • 乳酸:分子量較細,係最容易滲透去皮膚表層,吸收既效果亦最明顯,因為係天然成分不會刺激皮膚而且保濕度強,所以常用在改善肌膚乾燥及角化問題.
  • 水楊酸:油溶性特質能深入皮脂分泌旺盛既毛孔深處,重點清除毛孔中既黑頭粉刺,激退暗瘡亦防止毛孔再度阻塞.

但有時做完果酸療程後皮膚好似冇好轉咁,點解呀?係咪療程冇效?

其實果酸療程一般都會好快見效,但效果唔理想可能係因為:
  • 未因應皮膚狀況而選擇適當既果酸成份和濃度
  • 份量調整不當(用量過多或太少)
  • 時間控制不當(停放面上時間過長或太短)

除左以上問題會令治療效果唔理想之外,其實如果治療前後既護理不足,對療程效果亦會大大減低哦,所以做果酸換膚療程後要注意:

  1. 療程前後5天唔能夠用任何去角質,磨砂等刺激性產品,或搽任何含有果酸,美白或酒精成份既卸妝或護膚產品.
  2. 療程前後14天應避免曝曬,照太陽燈或其他紫外光照射,亦建議係同一治療位置唔好接受激光,彩光,射頻,微針,海藻矽針等療程.
  3. 療程後請勿使用過熱既水去沖洗治療部位和不應該進行蒸氣浴和焗桑拿等.
  4. 每日要用SPF30度或以上既物理性防曬產品.
  5. 療程後要對肌膚作出加倍保濕.

如果大家想了解多d有關果酸換膚療程或自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價果酸換膚護理試做,可在旁邊既連結登記哦:http://www.cleanskincare.com.hk/zh/trial.html


(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢