2018年2月27日 星期二

皮膚結焦期間點解會痕癢?

CLEAN Blog - 皮膚結焦期間點解會痕癢?

從細到大一向都較為活躍,經常都會跌跌撞撞整損D皮膚,記得每次傷口差唔多好返嘅時候,都要經過結焦既階段先會好返,但每次到結焦階段都會有痕嘅感覺,好想搲但又唔搲得,所以成日諗點解會咁痕架,點解會結焦嘅,有無方法可以令佢唔好再痕呀!

想知點解咁就要先了解我地皮膚創傷後所作出嘅反應

當皮膚受傷後,第一個反應就是血管壁會收縮,之後血液中嘅血小板好快咁將在受傷或連帶附近嘅皮膚形成為膠原蛋白纖維去造黏結,作為止血作用(亦即結焦)

由於傷口部份突然製造多出血液,膠原蛋白同埋皮下組織去進行為皮膚修復過程,所以變得刺激到周邊嘅神經線,而產生痕癢或其他嘅反應.但當傷口完全有新組織生出復完後,神經線對刺激嘅敏感度亦會降低,痕癢就自然減少

之後傷口係結焦嘅期間,因為皮膚表面係會較為乾燥,所以會造成痕癢,但呢個階段千萬唔可以用手去抓,因為會影響皮膚復原效果或造成發炎後色素沈澱問題哦,如果真係太痕,建議用保濕乳液或潤膚產品,保持周邊嘅皮膚滋潤度或利用冰敷黎減去痕癢嘅感覺,復原期間亦可以為患處多做補濕,會令新陳代謝加速,皮膚不斷修復和更新,加快復原速度和復原效果哦。

而市面上有d鎖水膠布,可以令傷口保持濕潤,使用時要先將傷口消毒後才貼上,該膠布能鎖水之餘外層還可以防水,所以沖涼亦冇問題,但要記住每日更換哦,萬一發現有發炎或受感染既跡象,咁就要立即搵專業嘅醫生求診哦~

如果當傷口癒合後有出現色素沉澱,可選擇激光療程將沉澱既色素去除,回復皮膚原有顏色,如果您想知道自己既狀況是否適合做激光療程?歡迎用以下聯絡方式預約一次免費皮膚分析,了解自己既皮膚狀況,又或者可在旁邊既連結登記一次既半價試做激光療程體驗或果酸換膚療程體驗哦:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年2月26日 星期一

飲咖啡會增加排尿量?


CLEAN Blog - 飲咖啡會增加排尿量?

咖啡已經成為都市人既一種文化習慣,小編我每日兩杯已是必需的了,有時仲3杯添,其實唔係因為眼訓而飲,反而真係習慣左,而飲既時候更有一種放鬆心情既感覺。但聽講過飲咖啡會增加小便既次數和量,但點解呢?所以好奇下就揾左d資料黎了解一下。

原來呢種傳聞其實係咖啡因含有黃嘌呤成份,而呢種成份有興奮,鬆馳平滑肌同利尿既作用,所以就會有傳聞話咖啡因會增加排尿量既講法,但其實係2002年既國際運動營養學與訓練新陳代謝期刊上有報導過一份由康乃狄克大學(University of Connecticut)所做既研究說道:經過10份研究顯示,凈飲水既人士排尿量和有飲咖啡既人士排尿量只相差3%。之後亦有一份於2005年既研究上指出攝取咖啡因係唔會影響電解質和尿液排出量。

所以飲咖啡其實同飲水既排尿量差唔多,但反而因為咖啡因含有黃嘌呤成份,所以對治療哮喘症狀有幫助,因為有支氣管擴張劑既功效哦。另外,咖啡因亦有止痛作用,所以市面上有d葯物會加入咖啡因黎增強止痛功效。但對於經常攝取咖啡因既人士(每日3杯或以上),止痛功效未必咁有用,因為大腦已經習慣了,所以功效會被淡化。

反而對經常攝取咖啡因既人士(每日3杯或以上)如果當日唔攝取咖啡因(如飲咖啡或茶),咁就會產生頭痛,而醫學上稱為咖啡因戒斷性頭痛(caffeine withdrawal headache),但只需小睡片刻就可以舒緩,之後慢慢減少攝取咖啡因既量及多飲水,咁就可以得到治療了。

所以飲咖啡或茶確實係一種享受,舒緩,但太過量就會變成一種有害身體既習慣了,所以都係一杯起兩杯止,唔好變成一種依賴就好了。

2018年2月22日 星期四

毛囊閉塞會變成暗瘡?

CLEAN Blog - 毛囊閉塞會變成暗瘡?

除咗面部有時我地既手臂,背部或腳部都會間中生暗瘡,有時仲會發覺暗瘡上會有毛髮,呢種情況其實係毛囊閉塞引致,但點解會毛囊閉塞既?有無方法可以預防呀?如果大家都有著同樣問題既話咁就要繼續睇落去喇。

首先我地了解下毛囊閉塞點樣會變成暗瘡:

  • 皮膚真皮層內既毛囊組織帶有皮脂線,而皮脂線會分泌油脂去保護和滋潤皮膚,但有時受到雄性賀爾蒙既影響下,皮脂線會分泌得特別活躍,另外再加上表皮角質層(死皮)剝落得比較緩慢或過厚,咁就會導致毛囊出口閉塞,然後當暗瘡細菌聚集係毛囊位置之後就會形成發炎既暗瘡。

但以上提到當受到雄性賀爾蒙既影響下,皮脂線會分泌過量既油脂增加毛囊閉塞既機會,咁係咩情況下會受到雄性賀爾蒙影響呢?

內在因素有:
  • 包括女性月經周期,情緒壓力,情緒不穩,心情緊張,睡眠不足或過度疲勞等等都會影響內分泌。
外在因素有:

  1. 使用含化學或油脂成份較高既化妝品或護膚產品,會影響皮脂既正常排出,造成毛孔阻塞而形成暗瘡。
  2. 使用了骯髒和帶有細菌既化妝工具,導致暗瘡形成和產生皮膚炎症。
  3. 高卡,高糖,奶類食物,奶類產品都含有令暗瘡形成既脂肪,而甜食係屬於升糖指數(GI)高既食物,當體內血糖在短時間急速上升,身體就會分泌降低血糖既荷爾蒙,咁意思即係同時間雄性賀爾蒙亦會隨著增加。

睇完以上因素,而家分享點樣可以預防毛囊閉塞啦:

  • 要注意個人清潔衛生,用在面上既化妝工具,抹面毛巾和枕頭套要勤清潔替換。
  • 做完運動或出完汗後必須要擦乾淨出汗既位置或沖涼。
  • 選用清爽和天然成份既護膚和化妝產品,減少用多化學成份既產品。
  • 飲食上要注意應少吃油膩,奶類和甜食之食物。
  • 多進食蔬菜,水果,增加維他命既攝取,多渴水保持大便暢通。
  • 放鬆心情,要有足夠既休息時間。
  • 可進行煥膚療程,定期去除老化角質,暢通皮脂腺,減低毛孔堵塞既情況。

只要留意以上既事項並付諸實行,咁就可以避免毛囊閉塞了,如果大家想免費做一次皮膚分析,歡迎用以下方式聯絡我們,另外我地中心亦為第一次光臨既顧客提供一次半價試做暗瘡激光療程或果酸換膚體驗,可在旁邊既連結登記哦:http://www.cleanskincare.com.hk/zh/trial.html

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年2月20日 星期二

有需要從陽光吸取維他命D?

CLEAN Blog - 有需要從陽光吸取維他命D?

其實晒太陽確實係一種享受,除左可以令我地擁有一身古銅既膚色,另外亦可以幫我地身體合成必需既營養維他命D!

大家對維他命D可能會比較陌生,但呢種維他命對我地身體係不可缺少既營養之一,而且主要供給既來源係從陽光吸取既。

咁係咪坐係窗邊曬就能夠吸收呢?如果搽左防曬隔咗都可以吸收到嗎?
  • 其實過程係當陽光既UVB照射到皮膚後就會轉化為維他命D,之後再由肝臟及腎臟轉化成活性既維他命D,但一般既玻璃同防曬產品都已經擋住咗UVB,所以就會降低咗吸收維他命D既轉化效果。
但係唔搽防曬直接讓皮膚暴露係陽光下咪好容易曬出色斑囉?
  • 係!所以唔建議讓皮膚暴露係陽光黎進行轉化,反而可以多食較高油脂既魚類(如三文魚,比目魚等)或者進食維他命D既補健品。
咁如果身體唔夠維他命D既話會有乜影響?
  • 維他命D主要係幫助身體既腸道更加容易去吸收鈣質,令身體血液正常凝結運作,令到可以維護同強化骨骼既健康,所以缺乏維他命D就會另身體不能充份地吸收鈣質,從而影響骨骼同牙齒既健康,更有研究發現維他命D對身體及其他組織同細胞都有反應,例如增強免疫同抗菌嘅能力,令病菌侵襲時,可以分泌更多抗菌嘅蛋白質去破壞細菌
而外國既醫學雜誌更指出維他命D對於將食物轉化為能量擔任著非常重要既角色,如果經常覺得疲倦冇力,咁可能係因為你未能從食物中充份地吸收營養,此時吸取維他命D可改善呢種情況。

所以外出呼吸新鮮空氣同親近大自然係重要既,而維他命D對身體既健康黎講亦都非常重要,但就要先保護好自己皮膚既情況下黎吸收才可以喔,希望今篇既分享能令大家了解多左關於維他命D對身體既重要性同補充方法啦。 

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年2月12日 星期一

色斑會變凸起?

CLEAN BLOG - 色斑會變凸起?

多數人既色斑係平面和平滑既,但有一類既色斑係表面凸起,摸起上黎有d粗糙感,有別於一般既色斑,呢種色斑叫做老人斑,又名脂溢性角化病.

一般人認為老人斑唔係老人家先有咩?

雖然多數會出現係年長人士既面上或身上,但其實有部份人係30歲左右就已經開始出現有呢種色斑.而部份既老人斑前身其實係曬斑,但因為d曬斑隨著時間既增長,面積不斷擴大,厚度增加及顏色加深後就會變成老人斑了.

老人斑係屬於表層至中層既色斑,其成因係同基因,皮膚老化和紫外線有關,因為長期日曬和受紫外線影響下,導致表皮層既角化細胞產生異變,繼而係皮層內累積過多角化細胞,最後令皮膚出現表面凸起而粗糙既色斑.而顏色可以係黃色,啡色或黑色,其形態係大小不一.

老人斑既建議治療方法:

可進行激光去處理,近表皮既色斑經激光吸收後會結痂,將凸起既組織除去,而結痂位置約一星期便會自然脫落.但位於真皮處較深位置既色素,經激光處理後須由體內既巨噬細胞慢慢消化分解.

預防方法:

最有效既預防就係要做好防曬保護,建議每日都搽上物理性防曬霜較全面地保護皮膚,因為大部份化學防曬不能全面抵抗UVA和有機會刺激到皮膚,就算工作環境係室內亦要搽防曬,因為紫外線可透過窗口,玻璃而進入室內,如在戶外停留就最好帶備傘,闊邊帽,太陽眼鏡等等.

如果大家想了解自己既皮膚狀況或想知道自己的斑點是屬於那一類的話,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客,提供一次半價既激光去斑治療試做,可在旁邊既連結了解更多和登記哦:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年2月8日 星期四

岩盤浴能透過皮脂線排出體內毒素?

CLEAN Blog -岩盤浴能透過皮脂線排出體內毒素?

最近聽到d朋友係度講話岩盤浴都幾好,唔洗做運動但又可以加快血液循環同勁排汗,仲話可以排毒添。所以咁就引起左我既好奇心,開始揾相關既資料,經過整合後,以下資料分享俾大家作參考,如果您都對岩盤浴或出汗排毒有興趣想知更多既話,咁就繼續睇落去啦。

開始前,講少少岩盤浴係乜先:

岩盤浴源於日本江戶時代,因為該地區有好多溫泉,所以周邊既天然礦石會因溫泉既熱力而變熱,當時傳聞話有促進傷口癒合同對身體健康有幫助既功效,所以居民們就平躺係果d變熱左既天然礦石上黎改善或增強自身既健康,之後經過現代科學研究發現原來某d經過加熱後既天然礦石(約40度)就會發出負離子,所以能凈化(或平衡)我地身體裡既自由基,而且有研究發現,人體吸入負離子後,體內既血清素會隨著增加分泌,從而增強身體既耐力同埋能量,咁有助舒緩壓力,降低憂鬱情緒,改善注意力等等。另外熱力亦會加速我地既血液循環,令排汗量增加。

而亦有些講法指岩盤浴可令皮脂腺排出毒素,但研究顯示其實皮脂腺只會排出:
  • 三酸甘油酯(triglycerides)
  • 游離脂肪酸(free fatty acids)
  • 膽固醇(cholesterol)
  • 角鯊烯(squalene)等脂質
至於是否能排出毒素還需有待研究和臨床實驗,但起碼可以確定既係排汗確實可以排走身體既毒素名為『尿素』,呢種物質係經過腎臟新陳代謝後產生既廢物,如果尿素值上升會令身體覺得更易疲倦,而嚴重者可導致尿毒症,需要進行洗腎哦。

所以進行岩盤浴係可以幫助排走多餘既水份同尿素等,而且有助吸收負離子,平衡體內既自由基。但除左岩盤浴外,我地亦可以透過做運動黎幫助排汗之餘又可以消脂和強身健體,又或者行山都可以當做運動之餘又可以吸收負離子,因為綠色植物既光合作用或瀑布高處下落而產生既摩擦亦會產生負離子哦。

總言之如果大家要一直保持身體平衡既話就要均衡飲食,常做運動,注意自己身體既所有變化如排泄(汗,大小便等)既次數,體重和精神等等哦。*^^*

如果大家想了解自己既皮膚狀況或想知道自己既皮膚底層有冇色斑,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

護髮素既好與壞

CLEAN Blog - 護髮素既好與壞

最近天氣維持又凍又乾,令到d頭髮好乾開晒叉,d靜電又令到d頭髮鬆散晒,早幾日問我嘅髮型師有乜解救,佢話用護髮素,但我不嬲都冇用既原因係怕笠同埋驚會毛囊閉塞和生頭瘡,但經佢解釋完之後就覺得原來護髮素係咁用先得,所以今次我都分享俾大家當做參考,如果妳都有同樣情況既話,咁呢篇應該可以幫到妳。

其實要先從洗頭水了解起,如果我地要洗去頭髮頭皮上既油脂,咁就要用較高PH值(即偏鹼性)既洗頭水先可以洗得乾淨,但其實我地既頭髮頭皮要係一個低PH值(即偏酸性)既環境下先會健康,因為如果過度將頭油去除,咁皮脂膜會受破壞,導致頭皮容易發炎同過敏,另外頭皮同面部皮膚一樣,過乾時就會分泌更多油份黎保護頭皮,所以點解越洗得密,頭皮反而愈快變得油膩。另外,頭髮乾旱時靜電亦會較易產生,所以最好令頭皮頭髮保持係一個低PH值(即偏酸性)既環境下就可以解決以上問題啦。

但一般市面上既洗頭水都冇標榜PH值,咁點算?

其實市面上大部份既洗頭水因為要潔淨能力夠好,所以一般都係PH 7或以上(7屬於中性,往上就係偏鹼性),所以護髮素就係一個解決既辦法啦。因為護髮素能夠中和PH值,而且有d產品係可以防靜電,因為用完後會係頭髮形成一層薄膜,咁有效防止靜電產生。另外護髮素有修復毛鱗片既功效,令頭髮變得順滑有光澤。(毛鱗片其實就好似皮膚角質層咁,如果角質層過乾,咁就會有乾紋或者甩皮,冇光澤等等。而毛鱗片過乾就同樣會冇光澤,斷裂甩髮,開叉等。)

咁點樣用護髮素先唔會笠同令毛囊閉塞?

護髮素應該只搽係頭髮既髮尾上而避免搽到頭皮上,而且記得要徹底沖洗乾淨,唔好留低係頭髮或背部身體上,以免護髮素既殘留成份阻塞毛孔,引致頭瘡暗瘡問題.另外『搽得越耐頭髮吸收越好』其實係一個誤解,因為護髮素對頭髮進行養分補給既時間係有限的,所以就算再耐d都唔會再被頭髮吸收,仲可能會有反效果添,所以通常停留3至5分鐘就夠了。

不過當中部份產品為咗令髮質用後有柔軟順滑既效果,但某d成份會導致皮膚受傷害哦,比如以下兩種成份要留意呀:
  • Propylene Glycol (丙二醇)- 可以令頭髮有順滑同濕潤既感覺,但有機會刺激皮膚引致皮膚過敏或出現炎症.
  • Sodium Lauryl / Laurent Sulfate(SLS)- 當成份進入毛囊便會有機會導致脫髮,而沖洗時不慎進入眼睛,亦有機會造成白內障問題,而且呢個成份會令皮膚保護層減弱,引致出現皮疹問題
睇完呢篇後大家對護髮素都可能會有所改觀,只要多留意成份,盡量揀含有較多或全天然成份既護髮素較佳,再配合以上既使用方法,咁就可以用得安心啦。 

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2018年2月5日 星期一

腋下發黑的原因

CLEAN Blog - 腋下發黑的原因

最近有朋友問左我一個小小尷尬既問題,因為佢就黎結婚而件婚紗係露膊既,但問題係佢覺得腋下比起周邊既皮膚較黑,所以非常礙眼,如果有去過參加婚禮或已經結左婚既女士應該會明白到當妳要影相時就會有d動作要舉高手,例如拋花球啊,切蛋糕啊等等都要舉高手,但呢d所有都係尷尬位,因為會好容易見到腋下,所以佢就問我點解會黑同有冇方法可以解決,如果妳都有同樣煩惱,咁希望呢篇可以幫到妳啦。

一般令到腋下變黑有以下原因:
  • 止汗劑:由於止汗劑裡面既化學成份會有機會令毛孔閉塞,形成發炎導致『炎症後色素沉澱』或因為成份對皮膚產生刺激引致黑色素增加,導致黑色素沉澱
  • 磨擦:某些女士會喜歡著較緊身既上衣,但經過日積月累既摩擦,咁就會引致黑色素增加,導致黑色素沉澱
  • 脫毛:如用剃刀剃的話,有機會令到皮膚產生刺激或敏感,令黑色素細胞增加,導致色素沉澱令皮膚呈現黑色
  • 衛生:由於腋下帶有大汗線,排口位相對較大(3至5mm),除左排出液體外,蛋白質同脂肪酸亦會從大汗線排出,所以如果衛生清潔方面做得唔夠好,咁就容易滋生細菌,阻塞毛孔導致發炎,最後造成炎症後色素沉澱。
如果一直冇去處理變黑既問題,色素經過日積月累既累積,都有機會變成色斑哦。其實以上既問題係可以避免和可以處理,但萬一腋下真係已經呈現黑色,咁點算?

現時較有效和較快捷既方法就係進行果酸或激光療程,會根據色素沉澱既色澤和深淺情況而決定選擇做果酸或激光療程,這兩款療程既主要作用都係褪走,分解或擊碎已經沉澱既黑色素細胞,回復原有膚色。但如果已經變成斑點,咁就要進行激光去斑療程了。

如果大家想了解自己既皮膚狀況或想知道自己既皮膚底層有冇色斑,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年2月2日 星期五

紅石榴的好處

CLEAN Blog - 紅石榴的好處

大家有冇食過紅石榴呢種生果呢?其外殼厚實,紅色圓形大大個,切開後會見到滿佈一粒粒好似紅寶石咁既籽核,可以就咁食又或者搾果汁飲,味道鮮甜帶有大量果汁,但切開時切記小心或者係水裡面切,因為其鮮紅果汁如果彈到衣物如上就會較難洗掉哦,而搾果汁飲既話就要記得隔渣哦.

其實紅石榴既產地遍及印度,以色列,秘魯,智利,埃及,美國及中國,而每年九月開始為盛產期。而紅石榴含有多種氨基酸和微量元素,如含有亞麻油酸,維他命B,C,E,葉酸鈣,鎂,鋅,磷,鉀等礦物質。而維他命C既含量比蘋果高1-2倍。以下分享紅石榴既好處比大家作參考啦:
  1. 在紅石榴中含有大量既鞣花酸(Ellagic acid)和花青素,對肌膚美白有顯著功效。原因係鞣花酸可抑制皮膚組織中黑色素細胞既增生,又可以減少黑色素細胞中酪胺酸酵素製造黑色素,所以有美白肌膚既作用。
  2. 水果中紅石榴既抗氧化物質含量係非常多,紅石榴汁既抗氧化功效係綠茶和紅酒既3倍。抗氧化係預防衰老既重要步驟,由於空氣污染,日光,輻射,藥物等使人體既新陳代謝持續不斷地產生自由基,所以多攝取抗氧化食物會幫助消除自由基。
  3. 紅石榴中含有既鈣,鎂,鋅等礦物質萃取精華,能迅速補充肌膚水份,令膚質更為明亮柔軟。
  4. 紅石榴籽多酚可輔助皮膚抵禦膠原質降解酶既傷害,有助於預防皺紋形成,在歐洲國家有將石榴籽多酚用作保健品服用以防止皺紋形成和輔助皮膚變得光滑更具彈性。
  5. 石榴籽中豐富既維他命C可增加心腦血管既彈性,預防心腦血管疾病,另外還可保護關節,當中既營養物質有促進關節潤滑液分泌既功效。
所以大家都食多d呢種咁有營養又對皮膚咁有幫助既水果哦~~

如果大家想了解自己現在既皮膚狀況(如皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光療程,可在旁邊既連結登記哦:www.cleanskincare.com.hk/zh/trial.htm
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.