2018年4月26日 星期四

撞傷後應用冰敷還是冷敷?

CLEAN Blog - 撞傷後應用冰敷還是冷敷? 
最近可能太勤力咁做運動但又冇休息好,然後又再繼續運動,搞到前幾日打羽毛球既時候隻腳唔夠力踩錯腳就扭到了,勁痛loh~~~~

即時d朋友都走過黎關心下我有冇事(可能我當時叫得太大聲,嚇親人^^),之後有朋友叫我記得敷冰,話可以消腫,但又有朋友叫我熱敷,話會快d好返,所以搞到我都唔確定冷敷定熱敷好,所以就揾左d資料順便分享俾大家作參考啦。

其實當撞到或扭親後要即時冷敷先,因為該患處會出現紅腫,發炎,疼痛等症狀,所以用冰敷係最適合的,因為冰冷既溫度可以有效地令該患處既血管收細,減慢血液循環,從而減少痛楚,紅腫同發炎既狀況。

咁之後要係24小時後或48小時後先要熱敷呀?作用又係咩呢?

其實唔一定係24小時或48小時後,因為要視乎患處仲有冇紅腫發炎既情況先再決定要唔要熱敷,而熱敷既作用係擴大患處既血管,加速新陳代謝,讓血液帶走發炎後既代謝物,加快復原。

一般無論熱敷或冷敷既時間係10至30分鐘,如果係脂肪位較多既部位(如大臂或臀部)就可以敷耐d,但為左避免凍傷或燙傷,所以要隔住毛巾敷噢。但如果紅腫,發炎既情況持續3日(或以上),又或者整傷既即時已感到非常痛楚,咁請立即求醫噢。 

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢。