什麼是生酮飲食?

CLEAN Blog - 什麼是生酮飲食?

今篇想同大家講下而家好hit既生酮飲食,如果有睇開d健康飲食資訊或者對健身keep fit資訊有興趣既讀者們可能會聽過生酮飲食(Ketogenic Diet),其實生酮飲食本來係用黎醫治兒童癲癇症,原理係每日只能食少量既碳水化合物,從而減少葡萄糖既產生,繼而肝臟就會將脂肪轉換為脂肪酸和酮體,而當酮體增加咁就可以有效地控制癲癇發作。

之後經過研究,發現生酮飲食係醫生既監督下原來對肥胖人士亦有減肥既效果,因為如果每日限制碳水化合物既吸收,咁身體就冇足夠既葡萄糖黎轉換成能量,所以就要靠燃燒脂肪黎獲取能量去維持身體既運作,而要控制低碳水化合物同低蛋白質吸收既情況下,咁就只能從進食高脂肪既食物才能供應能量比身體,所以一日既食物當中有20%係蛋白質,5-10%係碳水化合物,其餘既70-75%就係脂肪,咁當身體好快地用晒d糖份後就會開始不斷燃燒脂肪,從而達到減肥減重既效果。

雖然生酮飲食可以係好短既時間令體重和體脂下降,但身體冇時冇刻都係處於一直只有用脂肪黎換取作能量既狀態,所以為左安全起見,一定要有醫生或營養師既監督下安全地進行黎確保身體有足夠既營養。

因為如果冇醫生或者營養師既監督下進行,咁好容易會令身體營養失衡,導致身體出現毛病如:低血糖症,嘔吐,膽固醇飆升,經常疲倦,三酸甘油酯上升等問題,之後有可能會引起血管或精神等其他問題。

總結生酮飲食既意思係以多攝取高脂肪食物和小攝取碳水化合物既飲食習慣黎達到減肥效果,所以如果決定進行生酮飲食既話,建議之前要先搜集多d相關既資料,之後再向醫生或營養師諮詢後並檢查身體狀況是否適合進行哦。

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

熱門文章