什麼是反白?

CLEAN Blog – 什麼是反白?

大家如果有做過激光療程既話,都可能有聽過反黑呢個詞語,反黑即係「發炎後色素過度沉澱症Post-Inflammatory Pigmentation=PIH」,當皮膚發炎時,皮膚既機掣下會增加黑色素細胞去保護發炎中既皮膚,這時黑色素細胞增加後會較容易出現色素過多和過度沉澱。如果想了解多d可以參考『Clean Skincare 小知識-做激光後會反黑嗎?皮膚會變薄嗎?』(link)

但除咗反黑其實有少數人皮膚會出現反白既情況,即係皮膚會在不同位置呈現數小噠白色,反白既全名係『色素脫失症- Hypopigmentation』,主要原因係體內既黑色素細胞(melanocytes)功能不健全有關。

比如割傷、擦損、做過激光磨皮(CO2Laser)等情況後都有可能會出現反白『PLH - Post Laser Hypopigmentation』,因為當皮膚受到傷害而令色素褪掉,但體內既黑色素細胞又未能正常地產生或黑色素合成力不足,以上都會引起該受傷部位或被治療過既部位呈現全白色。

一般3-6個月會回復正常膚色,但亦有部份人要一年至數年先會回復,2005年係韓國有學者做過統計,85%既人都會係1年內恢復,其餘就1年以上。但亦有嚴重性既色素脫失症情況如大範圍燒傷,呢d情況一般就會用皮膚移植或黑色素植入既方式黎治療。

雖然反白情況一般都會慢慢恢復原有膚色,但在尚未回復前請確保該部位搽上足夠既防曬產品,避免受到紫外線入侵和刺激哦。如情況持續或有擴大既跡象,請立即求醫哦。

熱門文章